१ युहन्‍ना 5:12 - याम्फु

¹² असानुङ निवाहाङ्‌मि पसा टुये खोनुङ हिङ्‌मवा टुये, पसा माॽआघुबानुङ हिङ्‌मवा माॽआये।

१ युहन्‍ना 5:12 Iomraidhean Croise

मरकुस 16:16

बिस्‍वास ले़ःॽनुङ बप्‍तिस्‍मा लाघुबाजिडे़ॽ मुक्‍ति चुप्‍मिन्‍डुजे, तर बिस्‍वास मे़ले़ःॽखुबाजि दन्‍डाबेॽ सिॽइम्‍मे।

युहन्‍ना 1:12

तर इन्‍डोक जनाडे़ॽ खो बिस्‍वास ले़टुजि, खोसे़ॽ खोजि निवाहाङ्‌मि पसाजि लिमे हक पिसुजि।

युहन्‍ना 3:15

मोडोगे़ॽ असा असे़ॽ खोबेॽ बिस्‍वास ले़न्‍डुजे, मोसे़ॽ ए़स्‍सिमे हिङ्‌मवा चुप्‍मिन्‍डुए।

युहन्‍ना 3:36

असे़ॽ निवाहाङ्‌मि पसाबेॽ बिस्‍वास ले़न्‍डुए खोसे़ॽ ए़ॽसिमे हिङ्‌मवा चुप्‍मिन्‍डुए, तर असे़ॽ पसामि खा खेप्‍सुने मोसे़ॽ ए़स्‍सिमे हिङ्‌मवा चुप्‍टुनेनुङ खोसोक्‍पेॽ निवाहाङ्‌मि दन्‍डा सानिङ सिॽइये।

युहन्‍ना 5:24

“चाइबमा खा, के़ॽ हे़निङ लुनिम्‍ने़, असे़ॽ काङ्‌मि बचन खेम्‍इन्‍डुए, मोबा का पाङ्‌घुबा बिस्‍वास ले़न्‍डुए, मोसे़ॽ ए़ॽसिमे हिङ्‌मवा चुप्‍मिटुए। खो न्‍यायबेॽ सिॽनिबा, तर खो सिमाबाङ हिङ्‌मवाबेॽ पे़ए़म्‍बेटे़।

१ कोरिन्‍थि 1:30

निवाहाङ्‌डे़ॽ हे़निङ येसु खिरिस्‍टबेॽ लाप्‍मिटे़। निवाहाङ्‌डे़ॽ खिरिस्‍ट येसु कानिङ्‌मि लागि निवामि मुहान टोङ्‌बेॽनुङ खिरिस्‍टडे़ॽ कानिङ निवाहाङ्‌मि पोम्‍बेॽ आप्‍टिक मे़ॽनिङ्‌हाजिनुङ पबित्‍रा टोङ्‌इये। मोबा कानिङ्‌मि पापबाङ छुट्‌कारा पिये।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

हिब्‍रु 3:14

कानिङे़ॽ याक्‍लो बिस्‍वास ले़ःॽमाबेॽ खोबेॽ भरोसा ले़टिडोॽ ए़क्‍साङ्‌ठोक बिस्‍वासनुङ्‌मा लिन्‍डिङ्‌माहोङ कानिङ खिरिस्‍टनुङ हकदार लिन्‍डिङ्‌मा।

२ युहन्‍ना 1:9

खिरिस्‍टमि सिक्‍छेबाङ हाइखा खाबेॽ निवा टिघुबा याॽमिबेॽ निवाहाङ पेन्‍निबा। तर खोमि सिक्‍छेबेॽ सानिङ निवा टिघुबानुङ निवाहाङ पाबानुङ पसा निप्‍पाङ्‌नोॽ पेङ्‌इन्‍जे।