१ युहन्‍ना 4:4 - याम्फु

⁴ के़हा नानिजि, हे़निङ चाहिँ निवाहाङ्‌मि याॽमिजि ले़न्‍डानिङे, हे़निङे़ॽ माहा मे़ॽनोक्‍हा खा इःघुबा अगमबक्‍ताजि हेजाटानुमे, इन्‍ढोङ्‌होङ, हे़निङ्‌बेॽ टुघुबा चाहिँ, इगो मक्‍खाम्‍डेमबेॽ टुघुबाबाङ्‌सो एप्‍पा ले़ये।

१ युहन्‍ना 4:4 Iomraidhean Croise

युहन्‍ना 12:31

हागो मक्‍खाम्‍डेममि न्‍याय लिमे याक लेम्‍बेटे़। हागो मक्‍खाम्‍डेमबेॽए दुस्‍टामि हाङ्‌बा पाखे़ॽयु राप्‍खे़ये।

युहन्‍ना 14:30

का हे़निङ्‌नुङ हागो बेॽलो खा यामुङानि, इन्‍ढोङ्‌होङ इगो मक्‍खाम्‍डेममि हाङ्‌बा लेम्‍मे़ॽनिङ्‌सिये। तर खोसे़ॽ का इमाङ्‌सो ले़ःॽहेङानिबा।

युहन्‍ना 16:11

खोसे़ॽ निवाहाङ्‌मि न्‍याय लुबॽआ इमाङ्‌डे लुमे खा खाङ्‌मेये, इन्‍ढोङ्‌होङ मक्‍खाम्‍डेमबेॽए हाङ्‌बा (सैतान) मि न्‍याय सिॽपेटे़।”

युहन्‍ना 17:23

का माहाजिबेॽ मोबा हे़न काबेॽ टुङे, मोडोक्‍नोॽ माहाजिसो चोप इक्‍को लिहेमिरो। इगो खाबाङ्‌नोॽ हे़ने़ॽ का इगो मक्‍खाम्‍डेमबेॽ पाङ्‌इटे़नुङ हे़ने़ॽ का नम्‍नम ले़ःॽटिडोक्‍नोॽ खोजिसो नम्‍नम ले़न्‍डुए लुनुङ मक्‍खाम्‍डेमबेॽहा याॽमिजिडे़ॽ लेसुजिरो।

रोमि 8:31

मोबा कानिङे़ॽ इगो खाबेॽ इमाङ लुहेन्‍डुङ्‌मे़ ? निवाहाङ्‌नोॽ कानिङ्‌लाम टुहोङ, कानिङ्‌मि बिरोधबेॽ असाडे टुये ?

रोमि 8:37

तर कानिङ नम्‍नम ले़ःॽखुबा खिरिस्‍टमि लामबाङ्‌नोॽ बिस्‍वासिजिडे़ॽ इघा चोप खागो हेजाबेटुङ्‌मे।

१ कोरिन्‍थि 2:12

कानिङे़ॽ मक्‍खाम्‍डेमबेॽहा निवादाङ्‌बा खा ने़ॽनि, तर निवाहाङ्‌डे़ॽ पिमा मिॽनुङ पिबॽआ चोप खा लेमामि लागि खोमि पबित्‍रा होङ्‌निवा चुप्‍मिटुङ्‌मे।

१ कोरिन्‍थि 6:13

“चामाहा खा रुङ्‌मामि लागि ले़ये, रुङ्‌मा चामाहा खामि लागि ले़ये।” याॽमिजिडे़ॽ लुन्‍डुजे इगो खा चाइबमा ले़ये, तर निवाहाङ्‌डे़ॽ इगो निच्‍चिनोॽ नास ले़न्‍डुए। याॽमिमि हिङा बेभिचारमि लागि ने़ॽनिबा, परभुमि योम्‍बोक ले़ःॽमामि लागि ले़ये, मोबा हिङामि लागि पाप्‍मिहा चोप खा परभुडे़ॽनोॽ पोरोक्‍पेये।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

२ कोरिन्‍थि 6:16

निवाहाङ्‌मि मन्‍दिरनुङ मुरतिमि रुम्‍बेॽ इमाङ टोङ्‌इहा ? कानिङ हिङ्‌रिक निवाहाङ्‌मि मन्‍दिर ले़न्‍डिङ्‌मा, निवाहाङ खोमटाङ्‌बे़ॽ लुटे़, “का माहाजिबेॽ पेङ्‌इङे मोबा माहाजिमि रुम्‍बेॽ राम्‍डुङे, का माहाजिमि निवाहाङ लिङे, मोबा माहाजि चाहिँ के़हा याॽमिजि लिम्‍मे।”

एफिसि 2:2

मोडोक्‍पेॽ हे़निङ मक्‍खाम्‍डेमबेॽहा पापि रितिथिति ले़ःॽसाङ मङे़हा सक्‍तिमि मायोङ्‌बा सैतानडे़ॽ लुबॽआ खा खेप्‍सानुम। मोसे़ॽ याॽमिजिमि होङ्‌निवाबेॽ निवाहाङ्‌मि टेडिघरिक योम्‍बोक ले़ःॽमे़ॽनिङ्‌सिन्‍डुए।

एफिसि 3:17

हे़निङ्‌मि बिस्‍वासबाङ खिरिस्‍ट हे़निङ्‌बेॽ पेङ्‌रो, मोबा निवाहाङ्‌मि नम्‍नमबेॽ हे़निङ नुरोॽ साम एम्‍बॽआनुङ बोलियो लिसानिङे।

एफिसि 6:10

हागो काङ्‌मि ए़क्‍साङ्‌ए खा लुनिम्‍ने़, खोमि बेॽए सक्‍तिडे़ॽ बोलियो लिसानिङे।

१ युहन्‍ना 2:1

के़ॽ नम्‍नम मिॽपॽआ नानिजि, हे़निङे़ॽ पाप ए़ले़टानुमे लुनुङ के़ॽ इघा खा हे़निङ्‌मि लागि साप्‍मे़ॽनिङ्‌सिनुङे। तर असे़ॽसो पाप ले़टुहोङ्‌सो कानिङ्‌मि लागि पाबानुङ बिन्‍ति ले़ःॽपेॽखुबा इक्‍को धरमि येसु खिरिस्‍ट टुये।

१ युहन्‍ना 2:13

पाबाजि हे़निङ्‌मि लागि इगो खा साप्‍मे़ॽनिङ्‌सिनिम्‍ने़, इन्‍ढोङ्‌होङ याक्‍लोएम्‍बाङ टुघुबा हे़निङे़ॽ लेन्‍डानुमे। वेन्‍जाजि हे़निङे़ॽ मङे़ॽमा सैतान हेजाटानुमे। के़हा ए़द्‌रेहा पिच्‍छाजि, के़ॽ हे़निङ इगो खा साप्‍मे़ॽनिङ्‌सिनिम्‍ने़ इन्‍ढोङ्‌होङ हे़निङे़ॽ पाबा लेटानुमे।

१ युहन्‍ना 3:20

कानिङ्‌मि निवाडे़ॽनोॽ फे़न्‍निबा लुयेहोङ्‌गो, निवाहाङ्‌गो छना कानिङ्‌मि निवामि खा लेघुबा ले़ये। खोसे़ॽ चोप खा लेन्‍डुहा।

१ युहन्‍ना 3:24

खोमि आग्‍या पालना ले़ःॽखुबाजि चोप निवाहाङ्‌बेॽ टुम्‍मेनुङ खो माहाजिबेॽ पेङ्‌इये। इडोॽ निवाहाङ कानिङ्‌बेॽ टुये खा खोसे़ॽ पिबॽआ पबित्‍रा होङ्‌निवाडे़ॽ लेमाराप्‍मिये।

१ युहन्‍ना 4:13

खोसे़ॽ टाङ्‌बामि पबित्‍रा होङ्‌निवा कानिङ पिटे़। मोडोगे़ॽ कानिङ निवाहाङ्‌बेॽ टुन्‍डिङ्‌मा खोसो कानिङ्‌नुङ टुये लुमे खा ले़न्‍डुङ्‌मे।

१ युहन्‍ना 4:16

इडोॽ निवाहाङ्‌डे़ॽ नम्‍नम ले़ःॽपॽआ खा कानिङे़ॽ लेन्‍डुङ्‌मानुङ मोबाङ्‌नोॽ बिस्‍वास ले़न्‍डुङ्‌मा। निवाहाङ नम्‍नम ले़ये, मोडोगे़ॽ असाबेॽ नम्‍नम सानिङ टुये मो याॽमिबेॽ निवाहाङ टुये।

१ युहन्‍ना 4:6

कानिङ चाहिँ निवाहाङ्‌मि याॽमिजि ले़न्‍डिङ्‌मा, निवाहाङ लेघुबाजिडे़ॽ कानिङ्‌मि खा खेम्‍इन्‍डुजे। असा निवाहाङ्‌मि याॽमि ने़ॽनिबा मोसे़ॽ कानिङ्‌मि खा खेप्‍सुजिनि। चाइबमा होङ्‌निवानुङ मे़ॽनोक्‍मा होङ्‌निवा इगोबाङ्‌नोॽ लेडोक्‍इये।

१ युहन्‍ना 5:19

मक्‍खाम्‍डेम सैतानमि अधिनबेॽ सिॽपेबॽआहोङ्‌सो कानिङ चाहिँ निवाहाङ्‌मि याॽमिजि ले़न्‍डिङ्‌मा लुनुङ कानिङे़ॽ लेन्‍डुङ्‌मा।

१ युहन्‍ना 5:4

इन्‍ढोङ्‌होङ निवाहाङ्‌मि चोप पसाजिडे़ॽ मक्‍खाम्‍डेम हेजोटुजे। कानिङ्‌मि बिस्‍वासडे़ॽनोॽ मक्‍खाम्‍डेम हेजोन्‍डुए।

परकास 12:11

कानिङ्‌मि वावानिसानुङ नानुसाजिडे़ॽ थुमामि हरिनुङ टाङ्‌बा सिमानोॽ सिॽहोङ्‌सो सिमा पोरोक्‍नुङ बचन परचार ले़ःॽपॽआसे़ॽ मो सैतान हेजोटुजे।