१ युहन्‍ना 4:21 - याम्फु

²¹ असे़ॽ निवाहाङ नम्‍नम ले़न्‍डुए, मोसे़ॽ निवाहाङ्‌मि याॽमिजिसो नम्‍नम ले़ःॽमा खे़ये। निवाहाङ पाबाडे़ॽ कानिङ पिबॽआ आग्‍या इगोनोॽ ले़ये।

१ युहन्‍ना 4:21 Iomraidhean Croise

मत्‍ति 5:43

“हे़निङे़ॽ निवाहाङ्‌मि आग्‍याबेॽ इडोॽ लुबॽआसो खेम्‍इटानुमे, हे़ने़हा पेन्‍लागाम नम्‍नम ले़टानुमे, मोबा सतुरजि चाहिँ सिॽचासानुमे।

लुका 10:37

मोसे़ॽ लुसु, “मो याॽमि नम्‍नम ले़ःॽखुबा।” मोबा येसुडे़ॽ लुसु, “खाडे, हे़ने़ॽसो मोडोक्‍नोॽ ले़टे।”

युहन्‍ना 15:12

“काङ्‌मि आग्‍या इगोनोॽ ले़ये, के़ॽ हे़निङ नम्‍नम ले़टिडोक्‍नोॽ हे़निङ्‌टाङ्‌बासो इक्‍कोसे़ॽ हाइको नम्‍नम ले़चासानिङे।

गलाति 5:14

इन्‍ढोङ्‌होङ मोसाडे़ॽ पिबॽआ यहुदि धारमिक नियमबेॽ मुल आग्‍या चाहिँ इगो ले़ये “हे़ने़ॽ टाङ्‌बामि पेन्‍लागाम टाङ्‌बा नम्‍नम ले़टिडोक्‍नोॽ नम्‍नम ले़ःॽमे।”

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

१ थेस्‍लोनिकि 4:9

बिस्‍वासि वावानिसाजिनुङ नम्‍नम ले़ःॽखुसे़ॽचुमा खे़ये लुनुङ्‌गो हे़निङ लुमा पाप्‍निबा। इन्‍ढोङ्‌होङ हे़निङ निवाहाङ खोमटाङ्‌बे़ॽनोॽ नम्‍नम ले़ःॽखुसे़ॽचुमा खे़ये लुनुङ इःॽपेटे़।

१ पत्‍रुस 3:8

हागो आखिरिबेॽ हे़निङ लुनिम्‍ने़, हे़निङ चोप इक्‍को निवा लिनुङ पेनानिङे, इक्‍कोसे़ॽ हाइकोमि दुःखबेॽ निवा युङ्‌घुसे़ॽ चुसानिङे। चोपनोॽ टाङ्‌बामि वावा निसाजिडोॽ नम्‍नम ले़चासानिङे, मोबा इक्‍कोसे़ॽ हाइकोमि लागि नम्‍नावानुङ ए़डे़म्‍मा लिसानिङे।

१ पत्‍रुस 4:8

चोप्‍पाङ बेॽलो चाहिँ इक्‍कोसे़ॽ हाइको सानिङ्‌नोॽ नम्‍नम ले़चामे। इन्‍ढोङ्‌होङ नम्‍नमडे़ॽनोॽ बेॽलो पाप टे़क्‍हेन्‍डुहा।

१ युहन्‍ना 2:7

वावानिसानुङ नानुसाजि, के़ॽ हे़निङ पिमे आग्‍या चोङ ने़ॽनिबा। इगो याक्‍लोए आग्‍यानोॽ ले़ये, मो याक्‍लोएम्‍बाङ हे़निङे़ॽ खेम्‍बॽआ बचननोॽ ले़ये।

१ युहन्‍ना 3:11

इक्‍कोसे़ॽ हाइको नम्‍नम ले़ःॽखुसे़ॽचुमा खे़ये लुमे खा हे़निङे़ॽ याक्‍लोनोॽ खेम्‍इटामे।

१ युहन्‍ना 3:14

कानिङे़ॽ लेमा खे़ये, कानिङ्‌गो सिघे़ये हिङाबाङ हिङ्‌रिक हिङ्‌मवाबेॽ सेम्‍बेटिङ्‌मा, इन्‍ढोङ्‌होङ कानिङे़ॽ बिस्‍वासि वावानिसानुङ नानुसाजि नम्‍नम ले़न्‍डुङ्‌मा। असे़ॽ बिस्‍वासि वावानिसानुङ नानुसाजि नम्‍नम ले़टुजिने माहाजि सिमवामि अधिनबेॽ सानिङ टुम्‍मे।

१ युहन्‍ना 3:18

के़हा नानिजि, कानिङ्‌मि नम्‍नम चाहिँ याबुकबाङ्‌रेॽनोॽ खाङ्‌मुनुङ के़ॽनिबा, तर कानिङे़ॽ चाइबमा नम्‍नम ले़ःॽमा खे़येनुङ योम्‍बोकबाङ खाङ्‌मुमा खे़ये।

१ युहन्‍ना 3:23

निवाहाङ्‌मि आग्‍या चाहिँ इघानोॽ ले़हा- खोमि पसा येसु खिरिस्‍टबेॽ बिस्‍वास ले़ःॽमा खे़ये, मोबा खिरिस्‍टडे़ॽ लुडिडोॽ इक्‍कोसे़ॽ हाइको नम्‍नम ले़ःॽमा खे़ये।

१ युहन्‍ना 4:11

लङ्‌गामजि, निवाहाङ्‌डे़ॽ कानिङ इडोॽ नम्‍नम ले़ःॽपॽआ ले़ये, कानिङे़ॽसो इक्‍कोसे़ॽ हाइको नम्‍नम ले़ःॽमा खे़ये।