१ युहन्‍ना 4:10 - याम्फु

¹⁰ निवाहाङ्‌मि नम्‍नम इगोनोॽ ले़ये कानिङे़ॽ निवाहाङ नम्‍नम ले़ःॽपॽआ ने़ॽनि, तर खोसे़ॽ चाहिँ याक्‍लो कानिङ नम्‍नम ले़टा, मोबा खोमि पसा कानिङ्‌मि पापमि साटोबेॽ काप्‍सिङ्‌बेॽ सिसिॽ पाक्‍सु।

१ युहन्‍ना 4:10 Iomraidhean Croise

युहन्‍ना 13:34

हागो हे़निङ इक्‍को चोङ आग्‍या पिनिम्‍ने़, के़ॽ हे़निङ नम्‍नम ले़टिडोक्‍नोॽ हे़निङ्‌मि रुम्‍बेॽसो इक्‍कोसे़ॽ हाइको नम्‍नम ले़ःॽखुसे़ॽचुमे़।

युहन्‍ना 15:16

हे़निङे़ॽ का से़म्‍बॽआ ने़ॽनि, तर के़ॽ हे़निङ से़नुङ। इन्‍ढोङ्‌होङ हागो सानिङ टुडुङ्‌घे़हा चा किङ्‌मेॽटानुमे लुनुङ के़ॽ हे़निङ पाङ्‌मे़ॽनिङ्‌सिनिम्‍ने़। मोबा काङ्‌मि निङ्‌बेॽ पाबानुङ इमाङ ङागानुमहोङ्‌सो खोसे़ॽ हे़निङ पिये।

युहन्‍ना 3:16

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि इडोॽ बेॽलो नम्‍नम ले़ःॽपॽआसे़ॽ खोमि इक्‍कोमा पसासो खोजिमि लागि पाक्‍सु। मोडोगे़ॽ खोमि पसाबेॽ बिस्‍वास ले़ःॽखुबाजि असासो नासि मे़ल्‍लिमिरो, तर खोजि चोबे़ॽ ए़स्‍सिमे हिङ्‌मवा चुप्‍टुजिरो।

युहन्‍ना 6:51

थाङ्‌सिरिबाङ लेम्‍बॽआ हिङ्‌रिक चरेपा कानोॽ ले़ङे। असे़ॽ इगो चरेपा चोन्‍डुए मो सानिङ हिङ्‌इये। मो चरेपा चाहिँ काङ्‌मि हिङानोॽ ले़ये। के़ए़ हिङा मक्‍खाम्‍डेमबेॽहा याॽमिजिडे़ॽ ए़ॽसिमे हिङ्‌मवा चुप्‍टुजिरो लुनुङ के़ॽ पिनुङे़।”

हिब्‍रु 2:17

मोडोगे़ॽ चोप खाबेॽ खो टाङ्‌बामि वावा निसाजिडोक्‍नोॽ लिमा खडा। मोबा याॽमिजिमि पापमि लागि आम्‍लाङ ङाःक्‍मामि भरोसानुङ्‌मानुङ नम्‍नावानुङ्‌मा चोप्‍पाङ एप्‍पा याडाङ्‌बा लिसा।

१ पत्‍रुस 2:24

खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

१ युहन्‍ना 2:2

खो कानिङ्‌मि पापबाङ फाक्‍मामि लागि बलि लिसा। कानिङ्‌मि लागिरेॽनोॽ ने़ॽनि तर मक्‍खाम्‍डेमबेॽहा चोप याॽमिजिमि लागि बलि लिसा।

१ युहन्‍ना 3:1

खाक्‍सानुमे, पाबाडे़ॽ कानिङ इन्‍डोक बेॽलो नम्‍नम ले़ए़टे़, खोमि नम्‍नमडे़ॽ कानिङ निवाहाङ्‌मि पसाजि लुनुङ लेम्‍मे, चइबानोॽ खोमिन्‍नोॽ पसाजिनोॽ ले़न्‍डिङ्‌मा। मक्‍खाम्‍डेमबेॽहा याॽमिजिडे़ॽ निवाहाङ मे़लेसुजि मोडोगे़ॽ कानिङ्‌सो लेमिनेबा।

१ युहन्‍ना 4:19

निवाहाङ्‌डे़ॽ याक्‍लो कानिङ नम्‍नम ले़ःॽपॽआसे़ॽ कानिङे़ॽसो नम्‍नम ले़न्‍डुङ्‌मा।

१ युहन्‍ना 5:11

माहा साक्‍छि इघा ले़हा, निवाहाङ्‌डे़ॽ कानिङ ए़ॽसिमे हिङ्‌मवा पिसा, इगो हिङ्‌मवा खोमि पसा येसुबेॽ टुये।