१ युहन्‍ना 3:7 - याम्फु

⁷ होउ ए़द्‌रिहा नानिजि, असे़ॽसो हे़निङ मे़म्‍फाङ्‌सेॽमिरो, असे़ॽ ठिक योम्‍बोक ले़न्‍डु, मो धरमि ले़ये, खिरिस्‍टसो धरमि ले़ये।

१ युहन्‍ना 3:7 Iomraidhean Croise

मत्‍ति 5:20

मोडोगे़ॽ के़ॽ हे़निङ लुनिम्‍ने़, हे़निङे़ॽ यहुदि धारमिक नियम इःॽखुबाजिनुङ फरिसिजिबाङ्‌सो नुरोॽ आग्‍या पालना मे़ले़टानुमहोङ थाङ्‌सिरिमि राज्‍यबेॽ पे़खे़ॽहेसानिङ्‌नि।

लुका 1:75

मोबा कानिङ मे़ङ्‌किस्‍सिरेॽ खोमि पोम्‍बेॽ हिङ्‌मवा इॽठुप पबित्‍रानुङ धारमिक लिनुङ खोमि पोम्‍बेॽ सेवा ले़ःॽहेन्‍डुङ्‌मे।

एप्‍पा चोङ्‌सा 10:35

तर खो आदर ले़ःॽखुबानुङ खोसे़ॽ लुबॽआडोॽ योम्‍बोक ले़ःॽखुबा चोप जातिहा याॽमिजि निवाहाङ्‌डे़ॽ नेन्‍जोन्‍डुजे।

रोमि 2:13

इन्‍ढोङ्‌होङ धारमिक नियम खेम्‍नुङ्‌रेॽनोॽ निवाहाङ्‌मि पोम्‍बेॽ धरमि लिमिने, तर मो धारमिक नियम नुरोॽ पालना ले़ःॽखुबाजि चाहिँ निवाहाङ्‌मि पोम्‍बेॽ धरमि लिम्‍मे।

१ कोरिन्‍थि 6:9

अधरमिजि निवाहाङ्‌मि राज्‍यबेॽ पे़खे़ॽटोक्‍मिने लुमे खा हे़निङे़ॽ लेसानुम्‍ने ? आम्‍निटाङ्‌बे़ॽ टाङ्‌बानोॽ धोका ए़ॽपिसानुमे। छाडा योम्‍बोक ले़ःॽखुबाजि, मुरतिमि सम्‍माङ ले़ःॽखुबाजि, बेभिचारिजि, वडाङ्‌पसाडे़ॽ वडाङ्‌पसानुङ बेभिचार ले़ःॽखुबाजि,

एफिसि 5:6

मे़ॽनोक्‍हा खा इःनुङ असे़ॽसो हे़निङ मे़रेम्‍हेमिरो। इडोक्‍हा खाडे़ॽनोॽ निवाहाङ्‌मि खा मे़ङ्‌खेम्‍खुबाजिबेॽ खोमि सुरिक सिॽइये।

एफिसि 5:9

इन्‍ढोङ्‌होङ जोतिमि चा चाहिँ चोप खालहा भलाइ, धारमिक खानुङ चाइबमा ले़ये।

फिलिप्‍पि 1:11

मोबा निवाहाङ्‌मि महिमानुङ ओहाङ्‌मि लागि येसु खिरिस्‍टबाङ लेङ्‌इये नुबा योम्‍बोक हे़निङ्‌मि हिङ्‌मवाबेॽ बेॽलो खाङ्‌मुहा।

हिब्‍रु 1:8

तर पसामि टुम्‍बेॽ चाहिँ निवाहाङ्‌डे़ॽ इडोॽ लुटुए, “हे निवाहाङ, हे़ने़ए़ राज्‍य सानिङ्‌मि लागि टुडुङ्‌घे़ये। हे़ने़ॽ न्‍यायनुङ्‌मा राज्‍य ले़न्‍डुए।

हिब्‍रु 7:2

मोबा अब्‍राहामडे़ॽ हाङ्‌बाजि हेजानुङ लाजे़ॽपॽआ चोप याङ्‌सरावामि इक्‍पोङ्‌मि इक्‍भागा मल्‍किसेदेक पिसु। मल्‍किसेदेक लुबॽआ चाहिँ “धारमिक खामि हाङ्‌बा” ले़येनुङ खो सालेममि हाङ्‌बा ले़ःॽपॽआसे़ॽ खोमि निङ “सान्‍तिमि हाङ्‌बा” लुनुङ्‌सो ले़ये।

याकुब 1:22

बचन खेम्‍नुङ नुरोॽ पालना ले़ःॽखुबा लिसानिङे। तर इघा बचन खेम्‍नुङ्‌सोरोॽ मिन्‍डेॽनुङ टाङ्‌बा धोका पिघुबा ए़ॽलिसानिङे।

याकुब 2:19

निवाहाङ इक्‍कोरेॽनोॽ टुये लुनुङ हे़ने़ॽ बिस्‍वास ले़न्‍डुए, इगो नुबा खा ले़ये। तर मङे़हा चापटे़ॽसो निवाहाङ टुये लुनुङ्‌गो बिस्‍वास ले़न्‍डुए, खो थुर थुर योङ्‌इये।

१ पत्‍रुस 2:24

खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

१ युहन्‍ना 2:1

के़ॽ नम्‍नम मिॽपॽआ नानिजि, हे़निङे़ॽ पाप ए़ले़टानुमे लुनुङ के़ॽ इघा खा हे़निङ्‌मि लागि साप्‍मे़ॽनिङ्‌सिनुङे। तर असे़ॽसो पाप ले़टुहोङ्‌सो कानिङ्‌मि लागि पाबानुङ बिन्‍ति ले़ःॽपेॽखुबा इक्‍को धरमि येसु खिरिस्‍ट टुये।

१ युहन्‍ना 2:26

इघा चोप खा हे़निङ रेम्‍डेॽसिॽ लेङ्‌घुबाजिमि टुम्‍बेॽ साप्‍मिटुङ्‌हा।

१ युहन्‍ना 2:29

खिरिस्‍ट धरमि ले़ये लुनुङ हे़निङे़ॽ लेबेटानुमे। मोडोगे़ॽ हे़निङे़ॽ लेसानुमे, निवाहाङ्‌मि पोम्‍बेॽ चाइबमा योम्‍बोक ले़ःॽखुबा चाहिँ निवाहाङ्‌मिन्‍नोॽ पसाजि लिन्‍डानिङे।

१ युहन्‍ना 3:18

के़हा नानिजि, कानिङ्‌मि नम्‍नम चाहिँ याबुकबाङ्‌रेॽनोॽ खाङ्‌मुनुङ के़ॽनिबा, तर कानिङे़ॽ चाइबमा नम्‍नम ले़ःॽमा खे़येनुङ योम्‍बोकबाङ खाङ्‌मुमा खे़ये।

१ युहन्‍ना 3:3

मोबा इन्‍डोक खो पबित्‍रा ले़ये, मोडोक्‍नोॽ खोसोक्‍पेॽ आसा ले़ःॽखुबा चोप याॽमिडे़ॽसो पबित्‍रा लिमा खे़ये।

१ युहन्‍ना 4:17

कानिङे़ॽ इक्‍कोसे़ॽ हाइको चइबानोॽ नम्‍नम ले़टुङ्‌मानुङ खिरिस्‍टमिडोॽमा हिङ्‌मवा हिङ्‌इन्‍डिङ्‌माहोङ न्‍यायमि याकपेॽ कानिङ किस्‍सिमा पाप्‍निबा।