१ युहन्‍ना 3:16 - याम्फु

¹⁶ खिरिस्‍टडे़ॽ कानिङ्‌मि पापमि लागि खोमि हिङ्‌मवा काप्‍सिङ्‌बेॽ चेॽटिसु। इगो खाबाङ्‌नोॽ कानिङे़ॽ नम्‍नम लुबॽआ इमाङ्‌डे लुनुङ नुरोॽ लेबेटुङ्‌मे़। मोडोगे़ॽ कानिङे़ॽ बिस्‍वासि वावानिसाजिमि लागि हिङ्‌मवा पिमा खे़ये।

१ युहन्‍ना 3:16 Iomraidhean Croise

मत्‍ति 20:28

इडोक्‍नोॽ याॽमिमि पसासो हाइखाजिबाङ सेवा चुप्‍मामि लागि ने़ॽनि, हाइखाजि सेवा पिसिॽनुङ बेॽलो याॽमिजि छुट्‌कारा ले़ःॽमामि लागि टाङ्‌बामि सोःक्‍मा पिसिॽ लेस्‍सा।”

युहन्‍ना 10:11

“नुबा गोठ्‌ला कानोॽ ले़ङे। चाइबानोक्‍मा नुबा गोठ्‌लाडे़ॽ खोमि सामुजिमि लागि सिमासो पोरोक्‍इये।

युहन्‍ना 10:15

“काङ्‌मि पाबाडे़ॽ का लुडिडोॽ के़ॽ काङ्‌मि पाबा लेनुङे़, मोबा काङ्‌मि सामुजिमि लागि के़ए़ हिङ्‌मवा पिमा सिॽहोङ्‌सो के़ॽ पिनुङे़।

युहन्‍ना 13:34

हागो हे़निङ इक्‍को चोङ आग्‍या पिनिम्‍ने़, के़ॽ हे़निङ नम्‍नम ले़टिडोक्‍नोॽ हे़निङ्‌मि रुम्‍बेॽसो इक्‍कोसे़ॽ हाइको नम्‍नम ले़ःॽखुसे़ॽचुमे़।

युहन्‍ना 3:16

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि इडोॽ बेॽलो नम्‍नम ले़ःॽपॽआसे़ॽ खोमि इक्‍कोमा पसासो खोजिमि लागि पाक्‍सु। मोडोगे़ॽ खोमि पसाबेॽ बिस्‍वास ले़ःॽखुबाजि असासो नासि मे़ल्‍लिमिरो, तर खोजि चोबे़ॽ ए़स्‍सिमे हिङ्‌मवा चुप्‍टुजिरो।

एप्‍पा चोङ्‌सा 20:28

मोडोगे़ॽ हागो हे़निङ टाङ्‌बानुङ मन्‍डलिबेॽहा याॽमिजिमि लागिसो होसियार ले़टानिङे। पबित्‍रा होङ्‌निवाडे़ॽ हे़निङ खाङ्‌घुबा टोङ्‌बॽआसे़ॽ निवाहाङ्‌मि पसामि हरिडे़ॽ इम्‍बॽआ मन्‍डलि नुरोॽ खाक्‍सानुमे।

रोमि 16:4

खोजिडे़ॽ काङ्‌मि लागि टाङ्‌बामि हिङ्‌मवा खेःबेॽ टिसाजु। खोजिगो के़ॽरेॽनोॽ ने़ॽनि, तर अयहुदि जातिहा चोबे़ॽनोॽ ओहाक पिन्‍डुजे।

रोमि 5:8

तर निवाहाङ्‌डे़ॽ खोमि नम्‍नम कानिङ्‌मि लागि इडोॽ खाङ्‌मुसु, कानिङ पापि टुमाबेॽनोॽ खिरिस्‍ट कानिङ्‌मि लागि सिबेॽटा।

२ कोरिन्‍थि 4:12

इडोॽ कानिङे़ॽ सानिङ सिघे़ॽलो खेः आङ्‌मानुङ परभुमि योम्‍बोक ले़ःॽमाबेॽ हे़निङे़ॽ चाहिँ ए़स्‍सिमे हिङ्‌मवा चुप्‍मिन्‍डानुमे।

एफिसि 5:2

खिरिस्‍टडे़ॽ कानिङ नम्‍नम ले़टानुङ नाम्‍जानुये धुपा लिनुङ कानिङ्‌मि पापमि लागि खोमि हिङानोॽ निवाहाङ्‌बेॽ चेॽटिसु। मोडोक्‍नोॽ हे़निङ्‌सो नम्‍नम ले़ःॽखुबाजि लिसानिङे।

एफिसि 5:25

बनिबाजिओ, खिरिस्‍टडे़ॽ मन्‍डलि नम्‍नम ले़ःॽमाबेॽ खोमि हिङा पिडिडोक्‍नोॽ टाङ्‌बामि बनिमाजि नम्‍नम ले़ःॽटानुमे।

फिलिप्‍पि 2:17

हे़निङे़ॽ परभुबेॽ ले़ःॽपॽआ बिस्‍वासनुङ निवाहाङ्‌मि योम्‍बोक चाहिँ बलिदानडोॽ ले़ये, मोबेॽ काङ्‌मि हिङ्‌मवामि बलि पिमा सिॽसो का साप्‍थाङ्‌इङे। इगो साप्‍थाङ्‌मे खाबेॽ हे़निङ्‌सो कानुङ सोरि साप्‍थाक्‍सानिङे।

फिलिप्‍पि 2:30

इन्‍ढोङ्‌होङ खोसे़ॽ खिरिस्‍टमि योम्‍बोक ले़ःॽमाबेॽ टाङ्‌बानोॽ ए़डे़ॽवे़ॽ मे़न्‍सिखडा। हे़निङे़ॽ काङ्‌मि लागि पुरा मे़ले़ःॽहेबॽआ योम्‍बोक खोसे़ॽ पुरा ले़टु।

१ थेस्‍लोनिकि 2:8

चइबानोॽ कानिङे़ॽ हे़निङ सारोनोॽ नम्‍नम ले़ःॽपॽआसे़ॽ निवाहाङ्‌मि सुसमाचाररेॽ ने़ॽनि, तर कानिङ्‌मि हिङ्‌मवानोॽ पिमासो पोरोगिङ्‌मा।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

१ पत्‍रुस 1:18

हे़निङे़ॽ नुरोॽ लेन्‍डानुमे, टाङ्‌बामि टुबालाबाजिमि पालोबाङ ले़ःॽचेॽपॽआ माङ्‌माङ्‌हा चालचलनबाङ छुट्‌कारा ले़ःॽमाबेॽ नासि लिघे़हा सुनानुङ सिसे़ङ्‌डे़ॽ छुटकारा ले़ःॽपॽआ ने़ॽनि।

१ पत्‍रुस 2:24

खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

१ युहन्‍ना 2:6

का निवाहाङ्‌मि ले़ङे काघुबा याॽमिडे़ॽ खिरिस्‍टमिनोॽ चालबेॽ राम्‍मा खे़ये।

१ युहन्‍ना 2:9

असे़ॽ का जोतिबेॽ टुङे काये, तर बिस्‍वास ले़ःॽखुबा वावानिसानुङ नानुसाजि सिॽचोन्‍डुजेहोङ खो हागोरोसो सेन्‍जुगुप्‍पेॽनोॽ टुये।

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 5:9

माहाजिडे़ॽ इडोॽ लुसाङ इक्‍को चोङ सेम सेम्‍लुसुजि, “इगो साउकमि पत्‍रामि मुट्‌ठा लामारोमा, मोमि मोहोर पोक्‍मारोमा हे़नरेॽनोॽ टुये, याॽमिजिडे़ॽ हे़न सेॽनेसामिनुङ आम्‍मि हरिडे़ॽ निवाहाङ्‌मि लागि चोप कुल, खाप्‍ला, देसनुङ जातिजिबाङ याॽमिजि छुट्‌कारा पिसुजि।