१ युहन्‍ना 2:7 - याम्फु

⁷ वावानिसानुङ नानुसाजि, के़ॽ हे़निङ पिमे आग्‍या चोङ ने़ॽनिबा। इगो याक्‍लोए आग्‍यानोॽ ले़ये, मो याक्‍लोएम्‍बाङ हे़निङे़ॽ खेम्‍बॽआ बचननोॽ ले़ये।

१ युहन्‍ना 2:7 Iomraidhean Croise

मत्‍ति 5:43

“हे़निङे़ॽ निवाहाङ्‌मि आग्‍याबेॽ इडोॽ लुबॽआसो खेम्‍इटानुमे, हे़ने़हा पेन्‍लागाम नम्‍नम ले़टानुमे, मोबा सतुरजि चाहिँ सिॽचासानुमे।

युहन्‍ना 13:34

हागो हे़निङ इक्‍को चोङ आग्‍या पिनिम्‍ने़, के़ॽ हे़निङ नम्‍नम ले़टिडोक्‍नोॽ हे़निङ्‌मि रुम्‍बेॽसो इक्‍कोसे़ॽ हाइको नम्‍नम ले़ःॽखुसे़ॽचुमे़।

एप्‍पा चोङ्‌सा 17:19

मोबा माहाजिडे़ॽ पावल अरियोपागस लुमे सभाबेॽ लाघे़ॽनुङ इडोॽ लुसुजि, “हे़ने़ॽ इःबॽआ चोङ सिक्‍छेमि टुम्‍बेॽहा खा कानिङेसो खेम्‍मा मिॽटुङ्‌मा।

हिब्‍रु 6:9

लङ्‌गामजि, कानिङे़ॽ इडोक्‍हा खा लुसुङ्‌माहोङ्‌सो हे़निङ्‌मि टुम्‍बेॽ चाहिँ नुबा खामि आसा युङ्‌इटुङ्‌मे़। चइबानोॽ हे़निङे़ॽ मुक्‍ति चुप्‍मिन्‍डानुमेनुङ बेॽलो नुबा खा चुप्‍मिन्‍डानुमे लुनुङ बिस्‍वास ले़न्‍डुङ्‌मे।

१ युहन्‍ना 2:24

मोडोगे़ॽ हे़निङे़ॽ याक्‍लोएम्‍बाङ खेम्‍बॽआ खा हे़निङ्‌मि निवाबेॽ नुरोॽ युक्‍सानुमे। याक्‍लोएम्‍बाङ हे़निङे़ॽ खेम्‍बॽआ सिक्‍छे सानिङ टुहोङ हे़निङ पाबानुङ पसाबेॽ टुन्‍डानिङे।

१ युहन्‍ना 3:11

इक्‍कोसे़ॽ हाइको नम्‍नम ले़ःॽखुसे़ॽचुमा खे़ये लुमे खा हे़निङे़ॽ याक्‍लोनोॽ खेम्‍इटामे।

१ युहन्‍ना 3:2

लङ्‌गामजि, आइ कानिङ निवाहाङ्‌मि पसा ले़न्‍डिङ्‌मा, मोबा ए़क्‍साङ चाहिँ इमाङ लिन्‍डिङ्‌मा हागोरोसो कानिङे़ॽ लेसुङ्‌मानि। तर इडोॽ लेन्‍डुङ्‌मा खिरिस्‍ट लेम्‍माबेॽ कानिङ्‌सो खोडोक्‍नोॽ लिन्‍डिङ्‌मा। इन्‍ढोङ्‌होङ खो इन्‍डोक्‍मा ले़ये कानिङे़ॽ खो मोडोक्‍मानोॽ खाङ्‌डोक्‍इन्‍डुङ्‌मे़।

१ युहन्‍ना 3:21

के़हा लङ्‌गामजि कानिङ्‌मि निवाडे़ॽ कानिङ आप्‍टिक मे़न्‍टिहोङ निवाहाङ्‌मि पोम्‍बेॽ खे़ॽमा आट चुप्‍मिये।

१ युहन्‍ना 3:23

निवाहाङ्‌मि आग्‍या चाहिँ इघानोॽ ले़हा- खोमि पसा येसु खिरिस्‍टबेॽ बिस्‍वास ले़ःॽमा खे़ये, मोबा खिरिस्‍टडे़ॽ लुडिडोॽ इक्‍कोसे़ॽ हाइको नम्‍नम ले़ःॽमा खे़ये।

१ युहन्‍ना 4:1

के़हा वावानिसानुङ नानुसाजि, कानुङ होङ्‌निवा टुये काघुबाजि चोपमि बिस्‍वास ए़ले़टानुमे, तर मो पबित्‍रा होङ्‌निवा निवाहाङ्‌बाङ लेम्‍बॽआ ले़येन्‍डे, ले़ःॽनिबा लुनुङ लेसानुमे। इन्‍ढोङ्‌होङ बेॽलो मे़ॽनोक्‍हा अगमबक्‍ताजि इगो मक्‍खाम्‍डेमबेॽ लेङ्‌इटामे।

१ युहन्‍ना 4:11

लङ्‌गामजि, निवाहाङ्‌डे़ॽ कानिङ इडोॽ नम्‍नम ले़ःॽपॽआ ले़ये, कानिङे़ॽसो इक्‍कोसे़ॽ हाइको नम्‍नम ले़ःॽमा खे़ये।

१ युहन्‍ना 4:21

असे़ॽ निवाहाङ नम्‍नम ले़न्‍डुए, मोसे़ॽ निवाहाङ्‌मि याॽमिजिसो नम्‍नम ले़ःॽमा खे़ये। निवाहाङ पाबाडे़ॽ कानिङ पिबॽआ आग्‍या इगोनोॽ ले़ये।

१ युहन्‍ना 4:7

लङ्‌गामजि, कानिङ्‌टाङ्‌बा इक्‍कोसे़ॽ हाइको नम्‍नम ले़ःॽखुसे़ॽचुमा खे़ये, इन्‍ढोङ्‌होङ नम्‍नम ले़ःॽमे निवा निवाहाङ्‌बाङ लेङ्‌इये। असानुङ नम्‍नम टुये मो याॽमि निवाहाङ्‌मि याॽमि ले़ये, खोसे़ॽ निवाहाङ लेन्‍डुए।