१ युहन्‍ना 2:25 - याम्फु

²⁵ खोसे़ॽ कानिङ पिनिम्‍ने़ लुनुङ हेन्‍ज्‍रुङ हे़म्‍बॽआ खा चाहिँ, ए़ॽसिमे हिङ्‌मवा ले़ये।

१ युहन्‍ना 2:25 Iomraidhean Croise

लुका 18:30

इगो हिङ्‌मवाबेॽनोॽ बेॽलो आसिस चुप्‍मिन्‍डुए, मोबा ए़क्‍साङ लेङ्‌इये हिङ्‌मवाबेॽ सिघे़ॽनिबा हिङ्‌मवा चुप्‍मिन्‍डुए।”

युहन्‍ना 10:28

माहाजि के़ॽ ए़ॽसिमे हिङ्‌मवा पिनुङ्‌हाजि। मोबा खोजि इन्‍डोक्‍पेॽसो नासि लिमिनेनुङ असे़ॽसो काबाङ खोजि ङाप्‍खे़ॽहेसुजिने।

युहन्‍ना 12:50

के़ॽ लेनुङे़, पाबामि आग्‍याडे़ॽ ए़ॽसिमे हिङ्‌मवा पिये। मोडोगे़ॽ के़ॽ लुमाबेॽ पाबाडे़ॽ लुमेॽपॽआ खानोॽ इःनुङे।”

युहन्‍ना 3:15

मोडोगे़ॽ असा असे़ॽ खोबेॽ बिस्‍वास ले़न्‍डुजे, मोसे़ॽ ए़स्‍सिमे हिङ्‌मवा चुप्‍मिन्‍डुए।

युहन्‍ना 5:39

हे़निङे़ॽ धारमिक नेॽचिरा योॽइन्‍डानुमे इन्‍ढोङ्‌होङ मोसे़ॽनोॽ हे़निङ ए़ॽसिमे हिङ्‌मवा पिये लुनुङ मिॽइन्‍डानुमे। मो धारमिक नेॽचिराडे़ॽ काङ्‌मि टुम्‍बेॽ लुये।

युहन्‍ना 6:27

नासि लिघे़हा चामामि लागि ने़ॽनि, तर ए़ॽसिमे हिङ्‌मवाठोक रुक्‍मे चामामि लागि दुःख ले़टानिङे। मो चामा याॽमिमि पसाडे़ॽ हे़निङ पिये। इन्‍ढोङ्‌होङ निवाहाङ पाबाडे़ॽ खो मोमि लागिनोॽ पाङ्‌इटुए।”

युहन्‍ना 6:40

इन्‍ढोङ्‌होङ के़ए़ पाबाडे़ॽ मिॽपॽआ चाहिँ इडोॽ ले़ये, पसा खाङ्‌खुबानुङ खोबेॽ बिस्‍वास ले़ःॽखुबाजि चोबे़ॽ ए़ॽसिमे हिङ्‌मवा चुप्‍टुजिरो, मोबा के़ॽ माहाजि मक्‍खाम्‍डेममि ए़क्‍साङ्‌ए याकपेॽ सिघे़ॽपॽआबाङ हिङ्‌बोइनुङ्‌हाजि।”

युहन्‍ना 6:47

“चइबानोॽ के़ॽ हे़निङ लुनिम्‍ने़, असे़ॽ बिस्‍वास ले़न्‍डुए मोसे़ॽरेॽनोॽ ए़ॽसिमे हिङ्‌मवा चुप्‍मिन्‍डुए।

युहन्‍ना 6:54

काङ्‌मि हिङा चाघुबानुङ काङ्‌मि हरि उङ्‌घुबाडे़ॽ ए़स्‍सिमे हिङ्‌मवा चुप्‍मिन्‍डुएनुङ ए़क्‍साङ्‌ए याकपेॽ के़ॽ खो हिङ्‌बोइनुङे।

युहन्‍ना 6:68

मोबा सिमोन पत्‍रुसडे़ॽ लुसु, “हे परभु, कानिङ असाबेॽ खे़ॽमे ? हे़नबेॽरेॽ ए़स्‍सिमे हिङ्‌मवा पिघु बचन टुये।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

रोमि 5:21

मोडोक्‍पेॽनोॽ पापडे़ॽ याॽमिजिबेॽ सिमवा लेस्‍सा, मोसे़ॽ याॽमिजिबेॽ अधिन ले़टिडोक्‍नोॽ आइ निवाहाङ्‌मि अनुग्‍रहाडे़ॽ अधिन ले़ःॽमे़ॽनिङ्‌सिन्‍डुए। मो अनुग्‍रहाडे़ॽ कानिङ निवाहाङ्‌मि पोम्‍बेॽ धरमि ठरबा ले़ःॽनुङ परभु येसु खिरिस्‍टबाङ सिघे़ॽनिये हिङ्‌मवा चुप्‍मिन्‍डुङ्‌मे।

रोमि 6:23

इन्‍ढोङ्‌होङ पापमि नमयाक चाहिँ सिमवा ले़ये, तर निवाहाङ्‌डे़ॽ खिरिस्‍ट येसु परभुबाङ कानिङ मोडोक्‍नोॽ पिमे बरदान चाहिँ ए़ॽसिमे हिङ्‌मवा ले़ये।

गलाति 6:8

असे़ॽ टाङ्‌बामि हिङामि पापि आनिबानि रिॽइन्‍डुए, मोसे़ॽ हिङाबाङ सिमवामि बालि हे़ॽइन्‍डुए। असे़ॽ होङ्‌निवामि खा रिइन्‍डुए मोसे़ॽ होङ्‌निवाबाङ सिघे़ॽनिये हिङ्‌मवा सुम्‍इन्‍डुए।

१ तिमोथि 1:16

तर येसुडे़ॽ का बेॽलो नम्‍नावा ले़टिङ। ए़क्‍साङ चुप्‍मिये ए़ॽसिमे हिङ्‌मवा चुप्‍खुबाजिमि लागि नमुना लिरो लुनुङ खोसे़ॽ काडोक्‍मा चोप्‍पाङ बेॽलो पापि याॽमि नम्‍नावा ले़टिङा।

१ तिमोथि 6:12

हे़ने़ए़ बिस्‍वासमि लागि नुरोॽ ङे ले़टेनुङ ए़ॽसिघे़ॽमे हिङ्‌मवा नुरोॽ जोगा ले़टे। इन्‍ढोङ्‌होङ इगोमि लागिनोॽ हे़न निवाहाङ्‌डे़ॽ के़ए़टे़। मोडोक्‍पेॽ हे़ने़ॽ खिरिस्‍टबेॽ टुये बिस्‍वासमि टुम्‍बेॽ बेॽलो साक्‍छिजिमि पोम्‍बेॽ लुटुए।

१ तिमोथि 6:19

इडोॽ खोजिडे़ॽ ए़क्‍साङ्‌ए चाइबमा हिङ्‌मवामि लागि याङ्‌सरावा सुप्‍सुजिरो। खोजिमि लागि मो ए़क्‍साङ्‌ए हिङ्‌मवामि नुबा जग लिये। मोबारेॽ खोजिडे़ॽ ए़क्‍साङ्‌ए चाइबमा हिङ्‌मवा चुप्‍मिन्‍डुजे।

तितस 1:2

मो बिस्‍वासनुङ निवा चाहिँ ए़ॽसिघे़ॽमे हिङ्‌मवामि आसबेॽ टुये, मोबा इन्‍डोक्‍पेॽसो मे़रेम्‍डेॽखुबा निवाहाङ्‌डे़ॽ याक्‍लोएम्‍बाङ कानिङ इगो हिङ्‌मवा पिनिम्‍ने़ लुनुङ हेन्‍ज्‍रुङ ले़ए़टुए।

तितस 3:7

मोबा खोमि अनुग्‍रहाडे़ॽ कानिङ निवाहाङ्‌मि पोम्‍बेॽ धरमि लिहेसिङ्‌मा। मोबा कानिङे़ॽ आसा ले़ःॽपॽआ ए़ॽसिघे़ॽमे हिङ्‌मवा चुप्‍हेघुबाजिसो लिहेसिङ्‌मा।

१ युहन्‍ना 1:2

मो हिङ्‌मवा कानिङ्‌मि रुम्‍बेॽ लेस्‍सा, कानिङे़ॽ मो खाङ्‌नुङ मोमि टुम्‍बेॽ गबाहि पिन्‍डुङ्‌मा। मो ए़ॽसिमे हिङ्‌मवा निवाहाङ पाबानुङ टुसा मो कानिङ्‌मि रुम्‍बेॽ लेस्‍सा।

१ युहन्‍ना 5:20

निवाहाङ्‌मि पसा लेस्‍सा, मोबा खोसे़ॽ कानिङ चाइबमा निवाहाङ लेमाराप्‍टा। इगो खा कानिङे़ॽ लेन्‍डुङ्‌मे़। हागो येसुडे़ॽ ले़ःॽमे़ॽ कानिङ ए़ॽसिमे हिङ्‌मवा पिघुबा चाइबमा निवाहाङ्‌मि याॽमिजि लिटिङ्‌मा।

यहुदा 1:21

हे़निङ निवाहाङ्‌डे़ॽ ले़ःॽपॽआ नम्‍नमबेॽ सानिङ हिक्‍सानिङे, मोबा परभु येसुमि अनुग्‍रहाबाङ चुप्‍मिये ए़स्‍सिमे हिङ्‌मवा हुक्‍सानुमे।