१ युहन्‍ना 2:2 - याम्फु

² खो कानिङ्‌मि पापबाङ फाक्‍मामि लागि बलि लिसा। कानिङ्‌मि लागिरेॽनोॽ ने़ॽनि तर मक्‍खाम्‍डेमबेॽहा चोप याॽमिजिमि लागि बलि लिसा।

१ युहन्‍ना 2:2 Iomraidhean Croise

लुका 14:22

“इडोॽ मायोङ्‌बाडे़ॽ लुडिडोॽ ले़ःॽनुङ सेउतेडे़ॽ लुसु, ‘हे़ने़ॽ लुबॽआजि चोप के़ःआप्‍टुङ्‌जिङ, तर हागोसो पेन्‍ढाम ठाउँगो टुउ।’

युहन्‍ना 1:29

वागियाराम युहन्‍नाडे़ॽ येसु खोबेॽ आप्‍मे़ॽनिङ्‌सिबॽआ खाङ्‌डोक्‍नुङ लुसु, “खाक्‍सानुमे, मक्‍खाम्‍डेमबेॽहा याॽमिजिमि पाप खिघे़ॽखुबा निवाहाङ्‌मि थुमा!

युहन्‍ना 12:32

मोबा का माहाजिडे़ॽ मक्‍खाम्‍डेमबाङ ठेॽपोॽइम्‍मे, के़ॽ चोप याॽमिजि काबेॽ से़ॽए़नुङ्‌हाजि।”

युहन्‍ना 4:42

माहा याॽमिजिडे़ॽ मो मेॽनामिॽ लुसुजि, “हागो हे़ने़ॽ लुबॽआ खा खेम्‍नुङ्‌रेॽ कानिङे़ॽ बिस्‍वास ले़ःॽपॽआ ने़ॽनि, तर कानिङ टाङ्‌बे़ॽ खोमि बचन खेम्‍नुङ बिस्‍वास ले़ए़टुङ्‌मे़। चइबानोॽ खो मक्‍खाम्‍डेमबेॽए मुक्‍तिदाङ्‌बा ले़ये लेः लुनुङ कानिङे़ॽ लेसुङ्‌मा।”

हिब्‍रु 2:17

मोडोगे़ॽ चोप खाबेॽ खो टाङ्‌बामि वावा निसाजिडोक्‍नोॽ लिमा खडा। मोबा याॽमिजिमि पापमि लागि आम्‍लाङ ङाःक्‍मामि भरोसानुङ्‌मानुङ नम्‍नावानुङ्‌मा चोप्‍पाङ एप्‍पा याडाङ्‌बा लिसा।

१ पत्‍रुस 2:24

खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

१ युहन्‍ना 1:7

तर खो जोतिबेॽ टुबॽआडोक्‍नोॽ कानिङ्‌सो जोतिबेॽ राप्‍सिङ्‌माहोङ, कानिङ इक्‍कोमि हाइकोनुङ सङ्‌गति लिये। मोबा निवाहाङ्‌मि पसा येसुमि हरिडे़ॽ कानिङ चोप पापबाङ चोखो टोङ्‌इये।

१ युहन्‍ना 3:5

हे़निङे़ॽ लेन्‍डानुमे, याॽमिजिमि पाप वासोक्‍मामि लागिनोॽ खिरिस्‍ट लेस्‍सा खोबेॽ पापनोॽ माॽआये।

१ युहन्‍ना 4:10

निवाहाङ्‌मि नम्‍नम इगोनोॽ ले़ये कानिङे़ॽ निवाहाङ नम्‍नम ले़ःॽपॽआ ने़ॽनि, तर खोसे़ॽ चाहिँ याक्‍लो कानिङ नम्‍नम ले़टा, मोबा खोमि पसा कानिङ्‌मि पापमि साटोबेॽ काप्‍सिङ्‌बेॽ सिसिॽ पाक्‍सु।

१ युहन्‍ना 4:14

निवाहाङ पाबाडे़ॽ टाङ्‌बामि पसा मक्‍खाम्‍डेमबेॽहा याॽमि मुक्‍ति पिसिॽ पाङ्‌बॽआ कानिङे़ॽ खाङ्‌डोक्‍टुङ्‌मा मोबा मो खामि साक्‍छि पिन्‍डुङ्‌मा।

१ युहन्‍ना 5:19

मक्‍खाम्‍डेम सैतानमि अधिनबेॽ सिॽपेबॽआहोङ्‌सो कानिङ चाहिँ निवाहाङ्‌मि याॽमिजि ले़न्‍डिङ्‌मा लुनुङ कानिङे़ॽ लेन्‍डुङ्‌मा।

परकास 12:9

मो उहिलेमा बेॽएम्‍मा पुसे़ॽनुङ मोमि दुतजि थाङ्‌सिरिबाङ मक्‍खाम्‍डेमबेॽ राप्‍खडामि। मो बेॽएम्‍मा पुसे़ॽ लुबॽआ चाहिँ मक्‍खाम्‍डेमबेॽहा चोप याॽमिजि चाइबमा निवाहाङ्‌बाङ फाङ्‌सेॽखुबा मङे़ॽमा चाप अथबा सैतान ले़ये।