१ युहन्‍ना 2:16 - याम्फु

¹⁶ इन्‍ढोङ्‌होङ मक्‍खाम्‍डेमबेॽ टुहा चोप थोक अथबा हिङाडे़ॽ ले़ःॽमा मिॽपॽआ मङे़हा योम्‍बोक, मिगे़ॽ खाङ्‌मा मिॽपॽआ मङे़हा खा, कानिङ्‌नुङ टुहा याङ्‌सरावामि काङायोङ्‌बा लिमे खा, इघा चोप निवाहाङ पाबाबाङ लेम्‍बॽआ ने़ॽनि, मक्‍खाम्‍डेमबाङ लेम्‍बॽआ ले़हा।

१ युहन्‍ना 2:16 Iomraidhean Croise

मत्‍ति 4:8

मोबा फेरि सैतानडे़ॽ येसु इक्‍को अग्‍लोमा टोकटोक्‍माबेॽ चिक्‍खे़ॽनुङ इगो मक्‍खाक्‍डेमबेॽहा चोप राज्‍य सुख बिलासनुङ्‌हा थोक खाङ्‌मुसाङ लुसु,

मत्‍ति 5:28

तर के़ॽ लुनिम्‍ने़, इक्‍को याॽमिडे़ॽ इक्‍को मेॽनामिॽ मङे़ॽमा निवाडे़ॽ खाक्‍सुहोङ मोसे़ॽ बेभिचार ले़ःॽपेबॽआडोॽ लिये।

लुका 4:5

मोबा सैतानडे़ॽ येसु अग्‍लोमा टोक्‍टोक्‍मे़ॽटु चिक्‍खे़ॽनुङ मक्‍खाम्‍डेमबेॽहा चोप राज्‍य खाङ्‌मेॽसाङ खो लुसु,

रोमि 13:14

तर हागोएम्‍बाङ परभु येसु खिरिस्‍टमि बानि बेहोरानुङ्‌मा हिङ्‌मवा हिङ्‌मा। मोबा कानिङ्‌मि पापि निवे़ॽ मिॽपॽआ बानिबेहोरा लेॽपेमा।

१ कोरिन्‍थि 10:6

माहाजिडे़ॽ ले़टिडोॽ मङे़हा निवा ए़ॽखिसानुमे लुनुङ इघा खा कानिङ होसियारि ले़ःॽमामि लागि ले़हा।

गलाति 5:17

इन्‍ढोङ्‌होङ हिङाडे़ॽ मिॽपॽआ खाडे़ॽ पबित्‍रा होङ्‌निवामि खामि बिरोध ले़न्‍डुए। मोबा पबित्‍रा होङ्‌निवाडे़ॽ मिॽपॽआ खाडे़ॽ हिङामि खामि बिरोध ले़न्‍डुए। इगोजि इक्‍कोनुङ हाइको सतुर ले़न्‍जेनुङ हे़निङे़ॽ ले़ःॽमा योक्‍पॽआ योम्‍बोक पुरा लिडोक्‍निबा।

गलाति 5:24

खिरिस्‍ट येसुमि याॽमिजिडे़ॽ पापनुङ्‌हा खानुङ टाङ्‌बामि हिङाडे़ॽ मिॽपॽआ मङे़हा खा चोप थोक काप्‍सिङ्‌बेॽ सेॽनेबेटुजे।

एफिसि 2:3

माहाजिडे़ॽ ले़टिडोक्‍नोॽ याक्‍लो कानिङे़ॽसो टाङ्‌बामि हिङानुङ निवाडे़ॽ मिॽपॽआ मङे़ॽमा योम्‍बोक ले़ःॽसाङ हिक्‍सिङ्‌मा। कानिङ्‌मि चोप आनिबानि हाइखा याॽमिजिमिडोक्‍नोॽ ले़ःॽपॽआसे़ॽ निवाहाङ्‌मि सुरिकपेॽ सिॽमारोमा ले़टिङ्‌मा।

तितस 2:12

इगो अनुग्‍रहाडे़ॽ कानिङ अधरमि हिङ्‌मवानुङ मक्‍खाम्‍डेमबेॽहा मङे़हा खाबाङ ओः पेम्‍मे खा इःॽये। इगोसे़ॽ कानिङ टाङ्‌बा इगो मक्‍खाम्‍डेमबेॽ नुबा रामबेॽ राम्‍मा, चाइबमानुङ धरमि हिङ्‌मवा हिङ्‌माराप्‍मिये।

तितस 3:3

इन्‍ढोङ्‌होङ कानिङ टाङ्‌बासो याक्‍लो उम्‍बरिङ, लुबॽआ मे़ङ्‌खेम्‍खुबा, मोबा फाङ्‌सिघे़ॽपॽआ ले़टिङ्‌मा। कानिङ मङे़ॽमा खामि अधिनबेॽ टुसिङ्‌मा मोबा बेभिचारनुङ बेॽलो खालहा मङे़हा सुख बिलास ले़ःॽमा मिनिङ्‌मे़। कानिङ चेजेवा ले़ःॽमानुङ पेनिङ्‌मे़। याॽमिजिडे़ॽ सिॽचासामेनुङ कानिङ टाङ्‌बा सिॽचाघुसे़ॽ चुसिङ्‌मे़।

याकुब 3:15

इडोक्‍मा निवागो थाङ्‌सिरिबाङ लेम्‍बॽआ ने़ॽनिबा, इगोगो मक्‍खाम्‍डेमबाङ्‌नुङ सैतानबाङ लेम्‍बॽआ निवा ले़ये।

याकुब 4:16

तर हे़निङ्‌गो सेखि ले़न्‍डानिङे। इडोॽ सेखि ले़ःॽमा नुबा ने़ॽनि।

१ पत्‍रुस 1:14

लुबॽआ खा नुरोॽ ले़ःॽखुबा पिच्‍छाडोॽ लिबॽआसे़ॽ बिस्‍वास ले़ःॽमा याक्‍लो ले़ःॽपॽआ मङे़हा खाबेॽ हे़निङ हागो ए़राप्‍सानिङे।

१ पत्‍रुस 2:11

के़हा लङ्‌गामजि, इगो मक्‍खाम्‍डेमबेॽ हे़निङ नियाकमि चाबाङ्‌जिडोॽ ले़न्‍डानिङे, बिन्‍ति ले़निम्‍ने़, होङ्‌निवामि बिरोधबेॽ राम्‍खुबा हिङामि मङे़हा योम्‍बोकबाङ ओःनोॽ पेनानिङे।

२ पत्‍रुस 2:10

चइबानोॽ लुमाबेॽ इघा याॽमिजि निवाहाङ्‌मि खा हेला ले़ःॽखुबाजि, मोबा खोजिदाङ्‌बा चिक्‍चिमिम्‍मारो छाडा लिनुङ राम्‍घुबाजि न्‍यायमि लागि मो याकठोक हाम्‌युङ्‌इम्‍मे। इघा मे़ॽनोक्‍हा सिक्‍छे पिघुबाजि लुबॽआ मे़ङ्‌खेम्‍खुबानुङ काङायोङ्‌बा ले़म्‍मेनुङ इघाजिडे़ॽ थाङ्‌सिरिॽटुहाजिमि बेजेत ले़न्‍डुजे।

२ पत्‍रुस 2:18

माहाजिडे़ॽ काङायोङ्‌बानुङ उम्‍बरिङ खा इन्‍डुजे, मोबा हिङाडे़ॽ ले़ःॽमा मिॽपॽआ मङे़ॽमा योम्‍बोक ले़ःॽमेॽनुङ भरखरि बिस्‍वासबेॽ लेम्‍बॽआ याॽमिजि रेम्‍इन्‍डुजे।