१ युहन्‍ना 1:7 - याम्फु

⁷ तर खो जोतिबेॽ टुबॽआडोक्‍नोॽ कानिङ्‌सो जोतिबेॽ राप्‍सिङ्‌माहोङ, कानिङ इक्‍कोमि हाइकोनुङ सङ्‌गति लिये। मोबा निवाहाङ्‌मि पसा येसुमि हरिडे़ॽ कानिङ चोप पापबाङ चोखो टोङ्‌इये।

१ युहन्‍ना 1:7 Iomraidhean Croise

मत्‍ति 6:12

कानिङे़ॽ कानिङ्‌मि सतुरजि आम्‍लाङ पिडिडोॽ कानिङ्‌सो आम्‍लाङ पिमायो।

युहन्‍ना 1:29

वागियाराम युहन्‍नाडे़ॽ येसु खोबेॽ आप्‍मे़ॽनिङ्‌सिबॽआ खाङ्‌डोक्‍नुङ लुसु, “खाक्‍सानुमे, मक्‍खाम्‍डेमबेॽहा याॽमिजिमि पाप खिघे़ॽखुबा निवाहाङ्‌मि थुमा!

युहन्‍ना 12:35

येसुडे़ॽ माहाजि लुसुजि, “हागो इॽछोॽ हे़निङ्‌नुङ जोति टुये, इगो जोति हे़निङ्‌नुङ टुरो राम्‍डुसानिङे। इन्‍ढोङ्‌होङ सेन्‍जुगुपडे़ॽ हे़निङ मे़न्‍टे़गुरो, सेन्‍जुगुपपेॽ राम्‍डुहोङ खो हाम्‍बेॽ खे़ॽमे़ॽनिङ्‌सिये लुनुङ लेसुनि।

युहन्‍ना 5:4

इन्‍ढोङ्‌होङ निवाहाङ्‌मि इक्‍को दुत बेला बेला मो टोम्‍लिॽवाबेॽ लेन्‍नुङ मोबेॽए योङा सोक्‍सुए। मो योङा सोङ्‌माबेॽ याक्‍लो योङाबेॽ असा आम्‍युये मो चाहिँ इन्‍डोक्‍मा टुक्‍मवाहोङ्‌सो नुबोक्‍पेसे़।]

रोमि 13:12

हागो सेन्‍जुगुप रुक्‍खे़ॽसिॽ पोरोइटे़, नम टे़ॽसिॽपोरोइटे़। मोडोगे़ॽ माहा सेन्‍जुगुप्‍पेॽ ले़ःॽमे योम्‍बोक लेप्‍पेनुङ जोतिमि तिरिङ्‌गाजिडोॽ पोरोक्‍मा खे़ये।

१ कोरिन्‍थि 6:11

हे़निङ इन्‍डोक जनाजि याक्‍लो इडोक्‍नोॽ ले़टानिङ। तर हागो हे़निङ पापबाङ पबित्‍रा चोखो लिटानिङे। निवाहाङ्‌डे़ॽ हे़निङ चोखो टोङ्‌इटे़। परभु येसु खिरिस्‍टमि निङ्‌बेॽ निवाहाङ्‌मि पबित्‍रा होङ्‌निवाबाङ हे़निङ निवाहाङ्‌मि पोम्‍बेॽ धरमि लिटानिङे।

एफिसि 1:7

खिरिस्‍ट सिसा मोडोगे़ॽ खोमि हरिडे़ॽ कानिङे़ॽ पापबाङ आम्‍लाङ चुप्‍मिटुङ्‌मे़। खोसे़ॽ कानिङ्‌मि पापमि मोल फोङ्‌नुङ कानिङ छुट्‌कारा पिसा। चइबानोॽ निवाहाङ्‌मि अनुग्‍रहा महान ले़ये।

एफिसि 5:8

याक्‍लो हे़निङ्‌सो सेन्‍जुगुप्‍पेॽ टुसानिङ, तर हागो हे़निङ परभुमि पसाजि लिनुङ खोमि जोतिबेॽ टुन्‍डानिङे। मोडोगे़ॽ खोमि जोतिबेॽ राम्‍खुबा याॽमि लिनुङ हिक्‍सानिङे।

१ तिमोथि 6:16

निवाहाङ्‌रेॽ इन्‍डोक्‍पेॽसो सिघे़ॽनिबा, खो जोतिबेॽ पेङ्‌इयेनुङ मोमि के़क्‍पेॽ असासो खे़ॽहेनिबा। खो असे़ॽसो मे़ङ्‌खाङ्‌डिटुजे, खो असे़ॽसो खाङ्‌हेसुजिनेनुङ सानिङ्‌मि लागि खो आदरनुङ मान लिरो। आमेन।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

याकुब 1:17

चोप्‍पाङ नुबानुङ पक्‍कामा चोप बरदान थाङ्‌सिरिॽटुबाङ लेङ्‌इये। इघा चोप नान्‍द्‌रुङ्‌माबेॽहा जोति टोङ्‌खुबा पाबाबाङ लेङ्‌इहा। खोगो सानिङ्‌नोॽ टुये, खो लावाडोॽ फोरेन फोरेन्‍नोॽ फेन्‍निबा।

१ पत्‍रुस 1:19

हे़निङ खिरिस्‍टमि इन्‍नोॽइन्‍हेनिबा हरिडे़ॽ छुट्‌कारा पिटे़। खो चोखो, इक्‍कोसो आप्‍टिक मे़ॽनिङ्‌मा थुमा ले़टा।

१ युहन्‍ना 1:3

कानिङ्‌मि सङ्‌गति चाहिँ निवाहाङ पाबानुङ खोमि पसा येसु खिरिस्‍टनुङ टुये। मोडोगे़ॽ हे़निङ्‌सो कानिङ्‌नुङ सङ्‌गति ले़टानिङे लुनुङ्‌नोॽ कानिङे़ॽ खाङ्‌बॽआनुङ खेम्‍बॽआ मो खा हे़निङ लुमे़ॽनिङ्‌सिन्‍डुङ्‌मे।

१ युहन्‍ना 1:5

कानिङे़ॽ निवाहाङ्‌मि पसाबाङ खेम्‍बॽआ बचन हे़निङ खेम्‍मेन्‍डुङ्‌मे मो खा इडोॽ ले़ये निवाहाङ जोति ले़ये खोबेॽ ए़डे़ॽवासो सेन्‍जुगुप माॽआये।

१ युहन्‍ना 5:6

येसु खिरिस्‍टडे़ॽ टाङ्‌बा निवाहाङ्‌मि पसा ले़ङे लुमे खा खाङ्‌मुमामि योङामि बप्‍तिस्‍मा लासु मोबा काप्‍सिङ्‌बेॽ हरि यिडु। योङाबाङ्‌रेॽ ने़ॽनि, तर हरिबाङ्‌सो लेस्‍सा। मो खा चइबानोॽ लुनुङ पबित्‍रा होङ्‌निवाडे़ॽनोॽ साक्‍छि पिटे़, इन्‍ढोङ्‌होङ पबित्‍रा होङ्‌निवानोॽ चाइबमा ले़ये।

१ युहन्‍ना 5:8

पबित्‍रा होङ्‌निवा, योङानुङ हरि इघा सुम्‍जि साक्‍छिडे़ॽ खोमि गबाहि पिये।

२ युहन्‍ना 1:4

हे़ने़हा पसाजिबेॽ इन्‍डोक जनाजि निवाहाङ पाबामि आग्‍याडे़ॽ लुडिडोॽ चाइबमा खाबेॽ हिङ्‌बॽआ चुप्‍नुङ का सारोनोॽ साप्‍थाङ्‌इटिङे।

३ युहन्‍ना 1:4

के़हा पसाजि चाइबमा मरामबेॽ सानिङ राम्‍इम्‍मे लुमे खा खेम्‍डोक्‍माबाङ हाइखा बेॽए हाङ्‌हाङ काङ्‌मि लागि इमाङ्‌सो माॽआये।

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 12:11

कानिङ्‌मि वावानिसानुङ नानुसाजिडे़ॽ थुमामि हरिनुङ टाङ्‌बा सिमानोॽ सिॽहोङ्‌सो सिमा पोरोक्‍नुङ बचन परचार ले़ःॽपॽआसे़ॽ मो सैतान हेजोटुजे।

परकास 7:14

मोबा के़ॽ खो लुसुङ, “के़ॽको लेसुङ्‌नि, हे़ने़ॽनोॽ लेन्‍डुहा।” खोसे़ॽ का लुसिङा, “खोजि चाहिँ बेॽलो चुङ्‌जामा खेः आङ्‌नुङ लेङ्‌इटामे, खोजिडे़ॽ टाङ्‌बा टाङ्‌बामि चेॽ थुमामि हरिडे़ॽ वासोक्‍नुङ उथ्‍रिॽहा टोङ्‌इटुजे।