2 तर मोबेॽ बेॽलो बेभिचार लिबॽआसे़ॽ चोप मेॽनामिॽमि खोम बनिबा काप्टुरो, मोडोक्नोॽ चोप वडाङ्पसामिसो खोमबनिमा काप्टुरो।
तर के़ॽ लुनिम्ने़, बेभिचार ले़ःॽपॽआ आप्टिकबाङ हाइखा खाडे़ॽ ले़ःॽमे़ॽ टाङ्बामि बनिमा लेॽपेखुबे़ॽ खो बेभिचार ले़ःॽमेन्डुए। मोबा लेॽपेबॽआ मेॽनामिॽनुङ फुङ्सया ले़ःॽखुबे़ॽसो बेभिचार ले़न्डुए।
बेभिचार योम्बोकबाङ ओःनोॽ पेनानिङे। हाइखा पाप योम्बोक ले़ःॽखुबा याॽमिडे़ॽ टाङ्बामि हिङामि बिरोधबेॽ पाप ले़टुनिबा, तर बेभिचार ले़ःॽखुबा याॽमिडे़ॽ चाहिँ टाङ्बामिनोॽ हिङामि बिरोधबेॽ पाप ले़न्डुए।
हागो के़ॽ हे़निङे़ॽ साप्पॽआ पत्राबेॽ “वडाङ्पसाडे़ॽ मेॽनामिॽ के़क्नोॽ ए़के़क्मा नुबा लिये” लुबॽआ खामि टुम्बेॽ इःनुङे।
वडाङ्पसे़ॽ ले़ःॽमे योम्बोक येॽपेसुरो, मेॽनामिॽडे़ॽसो ताङ्बामि योम्बोक पुरा ले़टुरो, इडोॽ निप्पाङेॽनोॽ खोजि टाङ्बा पाप्मिहा पिघुसे़ॽचुमिरो।
तर माहाजिडे़ॽ टाङ्बामि निवा हुप्हेसानुम्निहोङ फुङ्सया ले़ःॽमानोॽ चुये। इन्ढोङ्होङ माहाजि सानिङ तिरसनाबेॽ पेम्माबाङ्गो बोरु फुङ्सया ले़ःॽमा नुबा लिये।
मोडोक्नोॽ बनिबाजिडे़ॽसो टाङ्बामि बनिमाजि टाङ्बामि हिङा नम्नम ले़टिडोक्नोॽ नम्नम ले़ःॽमा खे़ये। इन्ढोङ्होङ टाङ्बामि बनिमा नम्नम ले़ःॽखुबाडे़ॽ खोमटाङ्बा नम्नम ले़न्डुए।
इगो नियम हे़निङे़ॽसो पालना ले़ःॽमा खे़ये। मोडोगे़ॽ चोप बनिबाजिडे़ॽ आम्निमि बनिमाजि टाङ्बामि हिङाडोक्नोॽ नम्नम ले़ःॽमा खे़ये, मोबा चोप बनिमाजिडे़ॽसो आम्निमि बनिबाजि आदर ले़ःॽमा खे़ये।
पबित्रा, आदरनुङ टाङ्बामि हिङा अधिनबेॽ युङ्मे खा हे़निङ चोबे़ॽ लेमा खे़ये।
इघाजिडे़ॽ फुङ्सया ले़ःॽमा फे़न्निबा इःन्डुजे, मोबा निवाहाङ्डे़ॽनोॽ चोप थोक टोङ्इटुहा मोडोगे़ॽ खो बिस्वास ले़ःॽखुबाजिनुङ चाइबमा लेघुबाजिडे़ॽ निवाहाङ ओहाक पिनुङ इघा चामाया चामा नुबा खासो खोजिडे़ॽ चामानोॽ फे़न्नि लुनुङ इःन्डुजे।