१ कोरिन्‍थि 2:4 - याम्फु

⁴ के़ॽ अरतिनुङ परचार ले़ःॽमाबेॽ चेन्‍दुबानुङ बेॽहा बेॽहा निवादाङ्‌बा खा मे़इःसुङ, तर के़ॽ परचार ले़ःॽपॽआ खा चाइबमा ले़ये लुनुङ पबित्‍रा होङ्‌निवामि सक्‍ति खाङ्‌मुसुङ।

१ कोरिन्‍थि 2:4 Iomraidhean Croise

एप्‍पा चोङ्‌सा 20:27

इन्‍ढोङ्‌होङ निवाहाङ्‌डे़ॽ कानिङ्‌मि लागि ले़ःॽपॽआनुङ ए़क्‍साङ लिहा खामि टुम्‍बेॽहा इमाङ खासो के़ए़ निवाबेॽ मे़युङ्‌लेॽ हे़निङ लुबेॽनिम्‍ना।

एप्‍पा चोङ्‌सा 26:28

मोडोक्‍पेॽनोॽ अग्‍रिपाडे़ॽ पावल लुसु, “इडोॽ ए़डेॽवा खाडे़ॽ हे़ने़ॽ का खिरिस्‍टियन टोङ्‌मा योॽइये ?”

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

रोमि 15:19

इघा खरिहा योम्‍बोकनुङ सक्‍तिनुङ्‌हा चिङ्‌गा पबित्‍रा होङ्‌निवामि सक्‍तिडे़ॽ ले़ए़टुङे। इडोॽ के़ॽ यरुसलेमबाङ इल्‍लुरिकन देसठोक चोप ठाउँ खिरिस्‍टमि टुम्‍बेॽ नुरोॽ सुसमाचार परचार ले़ए़टुङे।

रोमि 16:18

इन्‍ढोङ्‌होङ इडोक्‍हा याॽमिजिडे़ॽ खिरिस्‍ट परभुमि लागि ने़ॽनि, तर खोजिमि रुङ्‌मामि लागिरेॽनोॽ योम्‍बोक ले़न्‍डुजे। मोबा खोजिमि चनुहा चनुहा खाडे़ॽ सिधा सोझो याॽमिजि रेम्‍इन्‍डुजे।

१ कोरिन्‍थि 1:17

इन्‍ढोङ्‌होङ खिरिस्‍टडे़ॽ का बप्‍तिस्‍मा पिसिॽ ने़ॽनि, सुसमाचार खेम्‍मेॽसिॽ चाहिँ पाङ्‌बॽआ ले़ये। के़ॽ परचार ले़ःॽमाबेॽ याॽमिमि चेन्‍दुबा निवाबाङ मे़ले़टुङ, मोडोक्‍होङ्‌गो काप्‍सिङ्‌बेॽ खिरिस्‍टडे़ॽ पिबॽआ बलिमि सक्‍तिनोॽ योम्‍बोक मे़ॽनिङ्‌मा लिघे़ये।

१ कोरिन्‍थि 2:1

होउ वावानिसानुङ नानुसाजि, हे़निङ निवाहाङ्‌मि लेमा छॽइये खा खेम्‍मेॽसिॽ लेम्‍माबेॽ का बेॽए रे़ङ्‌मानुङ चेन्‍दुबा खा इःमानुङ मे़लेस्‍सिङ।

१ कोरिन्‍थि 2:13

मोडोगे़ॽ कानिङे़ॽ इःॽपॽआ खा याॽमिजिमि निवाडे़ॽ इःॽपॽआ ने़ॽनि, तर पबित्‍रा होङ्‌निवाडे़ॽ इःॽपॽआडोॽ कानिङे़ॽ होङ्‌निवामि चाइबमा खा नुरोॽ इःन्‍डुङ्‌मे।

१ कोरिन्‍थि 4:20

इन्‍ढोङ्‌होङ निवाहाङ्‌मि राज्‍य चाहिँ खाबेॽ ने़ॽनि, सक्‍तिडे़ॽ ले़ःॽपॽआ योम्‍बोकपेॽ खाङ्‌मुये।

२ कोरिन्‍थि 6:6

कानिङ चोखो लिनुङ, निवाडे़ॽ आङ्‌हेमे सक्‍तिडे़ॽ, नम्‍नावाडे़ॽ, पबित्‍रा होङ्‌निवाडे़ॽ, चाइबमा नम्‍नमडे़ॽ,

गलाति 1:10

इडोॽ लुनुङ के़ॽ याॽमिजि साप्‍थाङ्‌मेॽमामि लागि लुबॽआ ने़ॽनि, के़ॽ निवाहाङ साप्‍थाङ्‌मेॽमा मिॽइनुङे, का याॽमिजिमि नेन्‍जामारोमा लिमामि लागि ने़ॽनि, इडोॽ ले़टुङ्‌होङ्‌गो का खिरिस्‍टमि सेउते ले़ःॽङानि।

कलस्‍सि 2:4

मोडोगे़ॽ हे़निङ लुनिम्‍ने़, हे़निङ इन्‍डोक्‍हा रेम्‍सिङ बचनडे़ॽसो मे़रेम्‍जाहेमिरो।

१ थेस्‍लोनिकि 1:5

इन्‍ढोङ्‌होङ कानिङे़ॽ हे़निङ खेम्‍मेॽपॽआ सुसमाचार माङ्‌माङ्‌मा खा मे़ले़टा। तर सक्‍तिनुङ पबित्‍रा होङ्‌निवानुङ्‌मा चाइबमा खा ले़टे़। कानिङ हे़निङ्‌नुङ टुमाबेॽ कानिङ्‌मि हिङ्‌मवा इन्‍डोॽ ले़टे़ लुमे खा हे़निङे़ॽ नुरोॽ लेन्‍डानुमे।

१ पत्‍रुस 1:12

निवाहाङ्‌डे़ॽ माहा अगमबक्‍ताजि खोजिमि लागि खाङ्‌मुबॽआ ने़ॽनि, तर हे़निङ्‌मि लागि ले़टे़। इगो खा थाङ्‌सिरिबाङ पाङ्‌बॽआ पबित्‍रा होङ्‌निवाबाङ हे़निङ खेम्‍मेॽपॽआ सुसमाचार इःघुबाजिबाङ आयु हे़निङ लुटे़। थाङ्‌सिरि दुतजिडे़ॽसो इघा खा बेॽलो खाङ्‌मा मिॽटुजे।

२ पत्‍रुस 1:16

कानिङ्‌मि परभु येसु खिरिस्‍ट महिमानुङ सक्‍तिबेॽ फेरिसो लेङ्‌इये लुनुङ हे़निङ पारलेनरेॽ इःबेॽपॽआ ने़ॽनिबा, कानिङ टाङ्‌बामिनोॽ मिगे़ॽ खोमि बेॽएम्‍मा महिमा खाङ्‌इटुङ्‌मे।

२ पत्‍रुस 2:18

माहाजिडे़ॽ काङायोङ्‌बानुङ उम्‍बरिङ खा इन्‍डुजे, मोबा हिङाडे़ॽ ले़ःॽमा मिॽपॽआ मङे़ॽमा योम्‍बोक ले़ःॽमेॽनुङ भरखरि बिस्‍वासबेॽ लेम्‍बॽआ याॽमिजि रेम्‍इन्‍डुजे।