१ कोरिन्‍थि 13:3 - याम्फु

³ के़ॽ टाङ्‌बामि चोप याङ्‌सरावा हाःसुङ्‌होङ्‌सो, के़ए़ हिङानोॽ हिॽमामि पिसुङ्‌होङ्‌सो काबेॽ नम्‍नम माॽआहोङ इमाङ्‌सो फाइदा लिनिबा।

१ कोरिन्‍थि 13:3 Iomraidhean Croise

मत्‍ति 23:5

तर खोजिडे़ॽ चोप योम्‍बोक हाइखा याॽमिजि खाङ्‌मेॽमामिरेॽनोॽ ले़न्‍डुजे। इन्‍ढोङ्‌होङ अक्‍खाजिडे़ॽ बेॽहा बेॽहा जन्‍तरडोॽहा टोङ्‌नुङ हुकनुङ तुरुवाबेॽ हिइन्‍डुजे, मोबा टाङ्‌बा धरमि खाङ्‌मुमामि चाङ्‌माहा चेॽपेॽ किएन्‍हा फुरका टिन्‍डुजे।

लुका 18:22

इगो खा खेम्‍नुङ येसुडे़ॽ मो याॽमि लुसु, “हे़ने़ॽ हागोसो इक्‍को योम्‍बोक ले़ःॽमा खे़ये। हे़न्‍नुङ टुहा चोप थोक इन्‍जानुङ इमा मे़ङ्‌काप्‍खुबा गरिबजि हाबेॽनुङ कानुङ राप्‍से, मोबा हे़ने़ॽ थाङ्‌सिरिॽटुहा याङ्‌सरावा चुप्‍मिन्‍डुए।”

लुका 18:28

मोबा पत्‍रुसडे़ॽ लुसु, “खाक्‍से, कानिङ्‌मि चोप थोक याःॽयानुङ हे़ने़ए़ चोङ्‌सा लिटिङ्‌मे़।”

लुका 19:8

तर इॽछोॽ ए़क्‍साङ जखायसडे़ॽ येसुमि पोम्‍बेॽ येःप्‍नुङ लुसु, “खेप्‍से, परभु कानुङ टुहा याङ्‌सरावामि हे़क भागा गरिबजि हाःबेनुङ्‌हाजि। मोबा असा असाजिमि के़ॽ चुरोॽ लाबॽआ ले़ःॽहोङ माहाजिमि रिभागा चुरोॽ टेबेनुङ्‌हाजि।”

युहन्‍ना 12:43

इन्‍ढोङ्‌होङ माहाजिडे़ॽ निवाहाङ्‌डे़ॽ ले़ःॽमे ओहाङ्‌बाङ याॽमिजिबाङ चुप्‍मिये ओहाङ बेॽलो नेन्‍जोसुजे।

युहन्‍ना 13:37

पत्‍रुसडे़ॽ लुसु, “परभु, के़ॽ इन्‍ढोङ हे़न टिङ्‌हेनानि ? हे़ने़ए़ लागि का सिमा सिॽहोङ्‌सो सिहेङे।”

युहन्‍ना 15:13

लङ्‌गाममि लागि टाङ्‌बामि हिङ्‌मवा पिहेमानोॽ बेॽए नम्‍नम ले़ये। इगोबाङ बेॽए नम्‍नम हाइको माॽआये।

युहन्‍ना 6:63

हिङ्‌मवा पिघुबा चाहिँ निवाहाङ्‌मि होङ्‌निवानोॽ ले़ये। इगो योम्‍बोक याॽमिमि हिङ्‌मवाबाङ इमाङ्‌सो ले़ःॽहे़निबा। के़ॽ हे़निङ लुबॽआ खा चाहिँ होङ्‌निवानुङ हिङ्‌मवा ले़ये।

एप्‍पा चोङ्‌सा 21:13

तर पावलडे़ॽ इडोॽ लुसा, “हे़निङे़ॽ हाःप्‍नुङ इन्‍ढोङ के़ए़ निवा निरास टोङ्‌इन्‍डानुमे ? कागो यरुसलेमबेॽ खे़ॽनुङ हिःक्‍चिमुमारेॽनोॽ ने़ॽनि, तर परभु येसुमि लागि सिघे़ॽमासो राजि ले़ङे।”

गलाति 5:26

कानिङे़ॽ इक्‍कोसे़ॽ हाइकोनुङ काङायोङ्‌बा रे़ङ्‌मा फे़न्‍निबा, सुरके़ॽमेॽमा फे़न्‍निबा, चेजेवा के़ॽमा फे़न्‍निबा।

फिलिप्‍पि 2:3

टाङ्‌बारेॽनोॽ नुबा लिये खा ए़योगानुमेनुङ काङायोङ्‌बा ए़लिसानिङे, तर ए़डेम्‍मा लिनुङ इक्‍कोसे़ॽ हाइको टाङ्‌बाबाङ बेॽएम्‍मा मिडानुमे।

१ तिमोथि 4:8

आढा याॽमिडे़ॽ लुन्‍डुजे “तालिमडे़ॽ हिङामि लागि नुबा लिये मोबाङ्‌सो बेॽलो निवाहाङ्‌डे़ॽ नेन्‍जाये योम्‍बोकपेॽ तालिम ले़ःॽमाहोङ बेॽलो नुबा लिये। इगोसे़ॽ हागोए हिङ्‌मवामिनुङ ए़क्‍साङ्‌ए हिङ्‌मवामि लागि नुबा लिये हेन्‍ज्‍रुङ हे़ङ्‌इन्‍डुहा।”

हिब्‍रु 13:9

बेॽलो खाल खालहा सिक्‍छे लेङ्‌इहा माहा खेम्‍नुङ ए़फाङ्‌सिघडानिङे। चामे उङ्‌मे खामि नियमबाङ ने़ॽनि, निवाहाङ्‌मिनोॽ अनुग्‍रहाडे़ॽ हे़निङ्‌मि निवा बोलियो टोङ्‌मा चाहिँ नुबा लिये। चामे, उङ्‌मे नियम पालना ले़ःॽखुबाजिमि भलो असामिसो आयुरो मे़लिडिॽ।