Lukas 9:7 - Allah Wene Hurumbik Keron

⁷ Fano inabil lebareg fam, at Herodes, o Galilea inowe suon etno esanggo hol haruk apagma, it aphe ninen yig ituk wilil, “At Yohanes aphe ikma belap inaptukon etno iluk atisireg, sil nuruk-o,” ulug yig ituk apagma, indi seneni anggolo ebetuk apag.

Lukas 9:7 Iomraidhean Croise

Matius 11:2

Laruk apareg weregma, at Yohanes aphe ikma belap inaptukon etno hele waroko it aphe dag suru­kon kolap isaruk ambeg wilil, At Kristusen sebahon etno esanggo holtuk apareg, omini nin At Yesus ambeg lahap isebag.

Markus 8:28

Yig isaruk apagma, eke it etnowen yig ituk wilil, “It ninen At Yohanes aphe ikma belap inaptukon etno waharuk ahareg, uruk-o. Eke it ninen Elias uruk-o. Eke it ninen it nabi ap Allah wene yig isaruk apahon epmano misig du ulug uruk-o,” ulug yig epag.

Lukas 13:31

Eke fobik o ari sambit it Farisi ap nin At Yesus ambeg waharuk apareg, yig ituk wilil, “At Herodesen howariog ulug suruk halug, o duma sohorep isalug o werlekma alu-o,” ulug yig epag.

Lukas 21:25

At Yesusen yig isaruk wilil, “Eke fobik mo inim, bikalem inim, soholoal inimen sukfugangge elalintoho suruk aruhumu, eke it aphe kweanmon obohen ik suon etno lek hondo suruk wilil, sebel ninabuhureg, o kweanma dumen keroho ninusuhu-o, ulug inakolen anggolo suhup-o.

Lukas 23:7

eke iren yig ituk wilil, “At Yesus etno inowe Herodes wereg ambeg epmen waharisi-o,” ulug esanggo holtuk apareg, o ari sambit at Herodes etno o Yerusalem weregma, ambeg lahapfebag.

Lukas 3:1

Eke fobik at Kaisar Tiberius etno inikni suon wilil lima belas tahun welapareg fam, at Pontius Pilatus etno it Yahudi ap inowe welapag. Eke at Herodes etno it Galilea ap inowe welapag. Eke at Herodes ot Filipus etno o Iturea Trakhonitis inowe welapag. Eke at Lisanias o Abilene inowe welapag.

Lukas 9:19

Yig isaruk apagma, eke it epmanowen yig ituk wilil, “It ninen, at Yohanes aphe ikma belap inaptukon etno waharuk ahareg, uruk-o. Eke it ninen, Eliaen uruk-o. Eke it ninen, it nabi ap amuk Allah wene yig isaruk apahon epmano misig iluk atisireg sil nuruk ulug uruk-o,” ulug yig epag.