Lukas 9:51 - Allah Wene Hurumbik Keron

⁵¹ Eke fobik At Yesus boholma walug lahukon etno horog fanggog uruk apagma, indi ebetuk apareg, o Yerusalem kwalema liog ulug sebag.

Lukas 9:51 Iomraidhean Croise

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Lukas 12:50

Eke iren dahon nobam umbukon etno arat nobam embelepmen fano-o.

Lukas 13:22

Eke fobik At Yesus etno o Yerusalem liog ulug suruk wilil, aphe inibam ya keheg sil nuruk wilil, wene yanggul isebag.

Lukas 17:11

Eke fobik At Yesus etno o Yerusalem liog ulug o Samaria etnowen o Galilea kwalema lebag.

Lukas 18:31

Eke fobik At Yesusen it omini dua belas epmano inakeleg-at yanggap isaruk apareg, yig isaruk wilil, “Hinesanggo holiek-o. Nit o Yerusalem laruk amuhukmu, it nabien An Allahen minduhup naharision nahurumbik ebahon etno it apheyen demat uhup-o.

Lukas 19:11

Eke aren yig isarukmu inesanggo holfahon epmano At Yesusen wene ilitoho neken yig isebag. Yig isiog ulug suruk wilil, At etno o Yerusalem horog fanggog ik waharuk apagma, it apheyen At Allah weregmen sukon etno horog fanggog uhu ano ulug inahla buruk apag.

Lukas 19:28

Ariroho yig isaruk apareg, eke fobik At Yesus etno o Yerusalem liog ulug inolohotma bilin lebag.

Lukas 24:51

Ahien inobam umburuk wilil, At ebe leko laharuk neken boholma walug lahabag.

Lukas 9:57

It epmano kwalem luog ulug surukmu, ap misig waharuk apareg At Yesus yig ituk wilil, “Hat o ahik ya da sil nuruk aruhun halug, an ninim-at sil nuruk amuhuk-o,” ulug yig epag.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 16:28

Eke An nebe etno Nikni wereg ambeg epma sohorep isalug, o kweanma duma ambik waharikik-o. Ariroho ambik waharikik etno hag, eke kidia o kweanma duma sohorep isalug, At Nikni wereg ambeg epmano-at lahuk-o,” ulug yig isebag.

Yohanes 16:5

Eke fobik At Yesusen yig isaruk wilil, “An bilin hit ninim wilil, yi wene di wene epmano yig hisaruk atikik fuhon oke, kidia At lahap nabik waharision etno wereg ambeg laruk ahi-o. Ariroho laruk nealug, hiren kema laruk ahen ulug yig nituk ahep fuhon oke,

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 6:62

An Allahen minduhup naharision etno o bilin welaheyag ambeg epmano laharukmu, hinilanggen neyelepmen, keroho elep-o?

Kisah Para Rasul 1:2

At Yesus etno boholma lahiog ulug suruk wilil, Roh Kudus fam At omini heag inapahon epmano, hit ariroho suruk amuk-o, ulug inesanggo wapag. Inesanggo watuk apareg, ahla buruk wilil, An nebe warehon oke niluksoho minduhup naharision etno inilanggen neawag ulug lamin-o, ulug ahla buruk apareg inambeg lebag.

Kisah Para Rasul 1:9

Yig isaruk apareg, fobik At ebe walug laharukmu it epmano inilanggen hebag. Inilanggen lahaboho weregma, fobik hena sal haruk apagma, At ebe laharukon inilanggen hebag fug.

Efesus 1:20

At Kristus etno it aphe warehon wereg ambeg epmanowen At Allah oag werehon etnowen iluksoho minduhupfuruk apareg, o boholma At inggik bikit fil horieg welamag ulug walug lahabag-o.

Filipi 3:14

Ariroho suruk wilil, onggo fanowon etno huliog ulug bikit-at laruk ahi-o. Ariroho laruk ahi ari, At Allahen onggo fanowon etno og hisahuk ulug wol nisaruk etno fam laruk ahi-o. Eke onggo fanowon ari, At Kristus Yesus ninonggo balfag etno fam boholmen ninim niniluk welamon etno og nisahu-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 6:20

At Yesus etno Ninowe Allah unde suon wilil, o At Allah wereg ambeg boholma laharuk apareg, nit ninake suruk-o. Eke bilin at Melkisedek Allah unde akeleg neken-at welapag etno hag, At Yesus Ninowe Allah unde suon akeleg neken-at nintul nantul welaruhu-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.