Lukas 9:44 - Allah Wene Hurumbik Keron

⁴⁴ “Hit Anden yig hisaminon etno hinapeleg am fug-o. An Allahen minduhup naharision it aphe ininggiken senoko og naplug laruk amuhup-o,”

Lukas 9:44 Iomraidhean Croise

Matius 16:21

Eke fobik At Yesusen omini epmano wene yanggul isaruk wilil, “An fobik o Yerusalem laruk aruhukmu, it inowesi suon epmano inim, eke it Allah unde suon etno inim, it wene holal baleg unde epmano inimen dahon neken nowabuhup-o. Nowatuk amuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Matius 26:2

“Nininggik biren welamuhukseg, esoho inuk Paskah esebuhuk etno hiniluk-o. O ari fam An Allahen minduhup naharision etno e fam lenggaloko nombahalug warep nahukag ulug og isahup-o,” ulug yig isebag.

Markus 8:31

Inesanggo watuk apareg, wene yig isaruk wilil, “An Allahen minduhup naharision oke, dahon neken nowabuhup-o. It inowesi suon epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahan welaruhukseg fam, niluksoho minduhup nahaku-o,” ulug wene etno bukaloko yig isaruk apagma,

Markus 9:31

Yig isaruk apareg, eke fobik yanggul isaruk wilil, “An Allahen minduhup naharision etno senoko og naplug laruk amuhupmu, nowabuhup-o. Nowabuhubon oke, ninggik henahanam welatlug niluk aruhuk-o,”

Lukas 1:66

it obohen, “Wi, udag du At Allahen oag werehon etno og ituk halug, fobik kerohon welaruhu-o?” ulug uruk apag.

Lukas 18:31

Eke fobik At Yesusen it omini dua belas epmano inakeleg-at yanggap isaruk apareg, yig isaruk wilil, “Hinesanggo holiek-o. Nit o Yerusalem laruk amuhukmu, it nabien An Allahen minduhup naharision nahurumbik ebahon etno it apheyen demat uhup-o.

Lukas 2:19

Fog suruk apareg weregma, at Maria etno wene yig ebahon epmano ahla buruk wilil indi ebetuk apag.

Lukas 2:51

Ariroho weregma, fobik At Yesus etno inim o Nazaret suhuluk waharuk apareg, ikni isina etanowen inune yig itukmu esanggo holtuk apag. Esanggo holtukmu yi angge di angge sebahon epmano obog-at isinen indimu ebetuk apag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Lukas 9:22

yig isaruk wilil, “An Allahen minduhup naharision etno dahon neken nowabuhup-o. It hinowesi epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Yohanes 16:31

Yig ituk apagma, eke At Yesusen yig isaruk wilil, “Hiren Hat hobam ebetuk ahe yig nerehep ari, demat ehe ulug hinahla buruk ahep ano?

Yohanes 16:4

Eke fobik iren ariroho sukon etno arat fanggog uruk halug, hiren At Yesusen ariroho hurumbik yig nisarisi ulug, hinindi ebebuhuben ulug yi wene di wene epmano obog-at yig hisihi-o,’ ” ulug yig isebag.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.