Lukas 9:2 - Allah Wene Hurumbik Keron

² Yig isaruk apareg, iren At Allah weregmen sukon wene etno yig iseheg, eke it uk warehon epmano fano inabeheg sukag ulug lahap isebag.

Lukas 9:2 Iomraidhean Croise

Matius 10:5

Minduhup isaruk apareg, eke fobik At Yesusen lahap isiog ulug inesanggo watuk wilil, “Hit o Samaria epma, it Allah wene waruk elehon wereg ambeg epmano la fug-o.

Matius 13:19

I angge kwalema kililtil lebag etno hag, it ap At Allah weregmen sukon wene etno inesanggo holtukon oke, eberoko weheg eleg-at weregma, at iblis dahon etno waharuk wilil, wene inindimu werehon lisoko waruk-o.

Matius 24:14

Eke it yi aphe di aphe obohen inesanggo holukag ulug, At Allah weregmen sukon wene fano wene etno o ahik ya da obog-at yig isil lahup-o. Yig isil laruk amuhupmu, o atog arat aruhu-o,” ulug yig isebag.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Markus 16:15

Winimug yig isaruk apareg, eke fobik yig isaruk wilil, “Hit o kweanma o ahik ya da epmano laruk amuhupseg, it yi aphe di aphe epmano obog-at wene fano wene etno yig isil nuruk amuk-o.

Markus 6:12

ulug inesanggo watuk apareg, lahap isaruk apagma, it epmano laruk apareg, yig isaruk wilil, “Hit dag suruk ahebon epmano sohorep isalug, hinindi wereg atuk amiek-o,” ulug yig isil nuruk apag.

Lukas 10:1

Eke fobik At Ninowe etnowen ap inebe tujuh puluh dua fuloko imbisaruk apareg, inebe biren biren dombog heheg, o At lao ambeg epmano it bilin laruk amag ulug lahap isiog ulug yig isaruk wilil,

Lukas 10:11

‘Hit hinibam sabele niniogmu werehon epmano horoho sohorep isalug wilip atuk ahe-o. Eke At Allah weregmen sukon fanggog ehekon etno hinindi ebetuk amiek-o,’ ulug yig isaruk amuhup-o.

Lukas 10:9

‘Kidia At Allah weregma welamon etno fanggog ehekseg fam, kuog ulug suruk ahep-o,’ ulug yig isaruk amuhup-o.

Lukas 16:16

Eke at Yohanes ikma belap inaptukon etno awan waharuk eleg heheg, at Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inim, du-at senebuk ulug hinahla birikip-o. Eke at etno waharuk atisireg, At Allah weregma welamon wene fano wene etno yig hisaruk atisimu, it aphe obohen inasineroho kuk ulug uruk-o.

Lukas 9:11

Laruk apagma, it aphe obog epmanowen At Yesus waha-o, ulug urukmu inesanggo holtuk apareg, mutlug lebag. Mutlug laruk apagma, heahi war inaptuk apareg, At Allah weregmen sukon wene etno yig isaruk wilil, it uk warehon epmano hag fano inapag.