Lukas 9:18 - Allah Wene Hurumbik Keron

¹⁸ Eke fobik At Yesus etno akelegma lebareg sembahyang urukmu, it omini epmano At ambeg waharuk apagma, Aren yig isaruk wilil, “It aphe obog epmanowen An nebe farim sa ulug uruk-o?” ulug yig isebag.

Lukas 9:18 Iomraidhean Croise

Matius 14:23

Lahabareg epmano wereg heheg, o hup atuk apagma, At Yesus etno akeleg-at bunu etno fam welapag.

Matius 26:36

Yig ituk apagma, At Yesus omini epmano inim o misig inuk Getsemani etno laruk apareg, yig isaruk wilil, “An o bunumu etlema lahalug sembahyang uruk neyeheg, hit duma horieg welatlihip-o,” ulug yig isaruk apareg, it Petrus, Zebedeus udaki biren etano hag inim lebag.

Lukas 11:1

Eke fobik At Yesus etno o misig sembahyang ebag. Uruk apagma, At omin misihen yig ituk wilil, “Ninowe-o, at Yohanesen omini sembahyang ukag ulug yanggul isarisi etno hag nit yanggul nisimin-o,” ulug yig ituk apagma, eke At Yesus etnowen yig isaruk wilil,

Lukas 3:21

Eke fobik, it aphe obog ikma belap inaptuk apareg, At Yesus inim belapfebag. Belapfuruk apagma, At Yesus etno sembahyang uruk heheg, bohol heal haruk apareg,

Lukas 6:12

Uruk apagma, eke At Yesus etno bunumu laharuk apareg, hubanggo arambik Allah obam sembahyang uruk apag. Uruk apareg weregma, o witebag.

Lukas 9:19

Yig isaruk apagma, eke it epmanowen yig ituk wilil, “It ninen, at Yohanes aphe ikma belap inaptukon etno waharuk ahareg, uruk-o. Eke it ninen, Eliaen uruk-o. Eke it ninen, it nabi ap amuk Allah wene yig isaruk apahon epmano misig iluk atisireg sil nuruk ulug uruk-o,” ulug yig epag.

Lukas 9:28

Yig isaruk apareg, eke fobik ininggik enggalimen angge welapareg, At Yesusen it Petrus, Yohanes, Yakobus etano og inaplug, inim sembahyang uog ulug bunumu misig lahabag.

Lukas 9:29

Lahabareg, sembahyang urukmu, At etno olohore ninon-at atuk wilil, asum inim obog olohore libil labal surukmu yet hao hai neken seg apag.