Biblia Todo Logo
Bìoball air-loidhne

- Sanasan -




Lukas 9:16 - Allah Wene Hurumbik Keron

16 Horiep isaruk apagma, At Yesus etnowen orom roti fuaben angge etano inim, ikan biren etano inim seneg wilil, ilanggen boholma lahap haruk apareg, heahi watuk wilil, Allah wa ulug sembahyang ebag. Sembahyang uruk apareg, At omini epmanowen it aphe sumbut isawag ulug kut kut og isebag.

Faic an caibideil Dèan lethbhreac




Lukas 9:16
16 Iomraidhean Croise  

it aphe obog isinggama epmano horie ukag ulug yig isebag. Yig isaruk apareg, At Yesus etnowen orom roti fuaben angge eke ikan biren etano inim waruk apareg seneg wilil, ilanggen boholma lahap haruk apareg, heahi watuk wilil Allah wa ulug sembahyang ebag. Sembahyang uruk apareg, orom roti etano kuroko omini og isaruk apagma, At omini etnowen it aphe sumbut isebag.


Waruk apareg, seneg wilil Nikni Allah wa ulug sembahyang ebag. Sembahyang uruk apareg, orom roti inim ikan inim kut kut At omini etno og isaruk apagma, it aphe obog inapma belabil lebag.


Sen haruk apareg, ilanggen boholma lahaboho wilil, ae ulug abua haruk apareg, it inune fam yig ituk wilil, “Efata,” ulug ebag ari, nit ninune fam ‘Hesanggo huramin,’ ulug yig ituk apagma,


Yig isaruk apareg, orom roti inggikmu webag. Waruk apareg, seneg wilil, Nikni Allah wa ulug sembahyang uruk apareg, it epmano kut kut og isaruk wilil, “Orom roti du An nebe ilitoho at-o. Eke orom roti du An nebe hit hinake og hisawon etno-at wereg-o. Ari halug, hiren An nebe etno hinindimu ebetuk amuhuben amiek-o,” ulug yig isebag.


Kuruk apareg, inim e belareg etno fam horieg wilil, orom roti etno inggikmu waruk apareg seneg wilil sembahyang ebag. Sembahyang uruk apareg, kuroko og isebag.


it omini epmanowen ariroho-at suruk wilil, it aphe obog horiep isebag.


Og isaruk apagma, it aphe epmano obog-at inahumsoho nebag. Inahumsoho naruk apareg, dinik apahon epmano At ominien hele yaho nesanggowen angge fam yonggaroko embebag.


Horie uruk apagma, At Yesusen orom roti etano waruk apareg, At Allah wa ulug sembahyang ebag. Sembahyang uruk apareg, it aphe obog horie ebahon epmano At omini epmanowen sumbut isawag ulug og isebag. Og isaruk apagma, sumbut isebag. Sumbut isaruk apareg, fobik ikan etano ariroho-at sumbut isebag. Sumbut isaruk apagma, iren dia namin ulug inahla bebahon epmano obog-at inahumsoho nebag.


Inahla buruk apareg weregma, bilin At Ninowe etnowen sembahyang uruk apareg it aphe obog-at orom roti nebag ambeg ik ayegma etano so nin o Tiberias etnowen walug, bok arik lebag.


ulug yig isaruk atisireg, at Paulus etno orom roti inggikmu waruk atisireg, it obog inil fam Allah wa ulug sembahyang uruk atisireg kuroko naruk atisimu,


Eke at ap misig o du fam yi angge di angge suk usa-o, ulug ahla buruk wilil, At Ninowe inuk suontepfiog ulug suruk-o, eke at ap yi angge di angge obog-at narukon etno hag naruk angge epmano fam Allah wa ulug yig ituk halug, At Allah inuk-at suontepfiog ulug suruk-o. Eke at ap yi angge di angge obog yuhun-at naruk elehon etno At Ninowe etno inuk suontepfiog ulug wilil, Allah wa ulug yig ituk-o.


Eke an hag naruk angge fanowon du nahien haruk wilil, At Allah wa ulug yig ituk ahion oke, it ap ninen naren balukagsoho keroho nele, ulug hinahla buk fug-o.


Allah Nikni wa ulug sembahyang uruk apareg, kutuk wilil, “An nebe hit hinake og hisawon etno du at-o. Eke hit An nobam ebetuk amuhuben ulug, duroho-at suruk amuhup-o,” ulug yig isaruk apareg nebag.


Lean sinn:

Sanasan


Sanasan