Lukas 9:12 - Allah Wene Hurumbik Keron

¹² Fano inaptuk apagma, mo dobog iog ulug suruk heheg, At omini epmano ambeg waharuk apareg, yig ituk wilil, “O limu aphe inibam eleg duma, it aphe obog waheson du orom inim inibam nohorukon inim heag sawag ulug o aphe inibam wereg ambeg epma lahap isuk-o,” ulug yig epag.

Lukas 9:12 Iomraidhean Croise

Matius 14:13

At Yesus etno yig irik laruk apagma, esanggo holtuk apareg, o epmano sohorep isalug, akeleg-at so fam o misig aphe eleg ambeg lebag. Laruk apagma, it aphe obog inesanggo holtuk apareg, inibam epmano sohorep isalug, kwalema At Yesus mutlug lebag.

Matius 15:23

Yig epahon oke, At Yesusen une yig epag fug. Une yig ereheg eleg weregma, eke At omini etnowen yig ituk wilil, “At hwe du mug ninaplug laruk wilil, une suon ninobam uruk du, wilibin-o,” ulug yig epag.

Matius 15:32

Ariroho weregma, At Yesusen it omini epmano wol isaruk apareg, yig isaruk wilil, “Aphe anggolo duma ninambeg waharusareg, nininggik henahanam ninim nohokeon oke, orom nawon eleg aha du nahmu-o. Eke it nin inibam yatmen waharuson epmano orom oboken inil fulug suk nowen ulug orom og isalug eleg-at lahap isao ari hai-o,” ulug yig isebag.

Lukas 9:11

Laruk apagma, it aphe obog epmanowen At Yesus waha-o, ulug urukmu inesanggo holtuk apareg, mutlug lebag. Mutlug laruk apagma, heahi war inaptuk apareg, At Allah weregmen sukon wene etno yig isaruk wilil, it uk warehon epmano hag fano inapag.

Lukas 9:13

Yig ituk apagma, At Yesus etnowen yig isaruk wilil, “Eleg-o, hiren-at orom og isimiek-o,” ulug yig isaruk apagma, it omini epmanowen yig ituk wilil, “Nit hag orom roti fuaben angge inim, eke ikan biren-at seneg welahe-o, ari halug, it aphe obog wonggaleheson duma og isuog ulug orom onggo balik lawag ulug yig nisehen ano?” ulug yig epag.

Yohanes 6:1

Eke fobik, At Yesus ik Galilea, inuk misig Tiberias etno baloko femag fil laruk apagma,

Filipi 1:19

Eke hiren an nake sembahyang uruk hiseheg, At Yesus Kristus etno inim eke At Roh Kudus etno inimen yalmag nabuhu ari fam, hele hibiloko nombahakup etno niluk-o.