Lukas 9:11 - Allah Wene Hurumbik Keron

¹¹ Laruk apagma, it aphe obog epmanowen At Yesus waha-o, ulug urukmu inesanggo holtuk apareg, mutlug lebag. Mutlug laruk apagma, heahi war inaptuk apareg, At Allah weregmen sukon wene etno yig isaruk wilil, it uk warehon epmano hag fano inapag.

Lukas 9:11 Iomraidhean Croise

Matius 12:15

Iren wabuhuk ulug ebahon etno At Yesus esanggo holtuk apareg, o etno sohorep isalug, o misig lebag. Laruk apagma, it aphe anggolo-at mutlug lebag. Mutlug laruk apagma, it aphe uk warehon epmano obog-at fano inapag.

Matius 14:14

Laruk apagma, eke At Yesus etno so fam epmanowen wilip atuk apareg, it obog wonggalik wapahon epmano ilanggen isebag. Isaruk apareg, indimuen inabua isaruk wilil, it uk warehon epmano fano inapag.

Matius 21:31

Ari halug, it biren ariroho ebahon etno at sa hag iniknien yig isebahon etno ilitoho sebag buruk ahep-o?” ulug At Yesusen yig isaruk apagma, eke it etnowen yig ituk wilil, “At owe etno hag ilitoho sebag buruk ahe-o,” ulug yig epag. Yig ituk apagma, eke At Yesusen yig isaruk wilil, “Ari halug, Anden yig hisamin-o. It ap uang onggo kino urukon etno inim, eke it hweap yuhun-at wanggik surukon etno inimen hit hinebe fobiksep hisahalug, it dag bilin o Allah wereg ambeg epmano kuhup-o.

Matius 21:43

Ari halug, An wene misig yig hisamin-o. Hit At Allah wereg ambeg kukon etno og hiselebon oke, suhuluk holahu-o. Holaruk aruhureg, it aphe anggen fano yihikubon etno hag og isahu-o.

Lukas 1:53

Ariroho suruk wilil, eke it orom obok angge harukon halug, yi angge di angge fanowon og iseheg, eke it inaharek anggolo werehon halug og isao sohorep isalug, wilip iseheg suruk-o.

Lukas 5:31

At Yesusen yig isaruk wilil, “It uk waruk elehon halug, ap fano inaptukon epmano inambeg laruk eleg-o. Eke it uk warehon halug, fano inabukag ulug inambeg lao ari fano.

Lukas 8:1

Eke fobik At Yesus etno o sumu dotma ya keheg sil laruk wilil, At Allah weregmen sukon wene fano wene etno yig isil nuruk apag. Yig isil nuruk wilil, At omini dua belas epmano inim,

Lukas 8:10

At Yesusen yig isaruk wilil, “At Allah weregmen sukon wene etno hit unde wilil hiniluk amag ulug yangguloko yig hisaminon oke, it werlekon hag ilitoho neken-at yig isaruk ahi-o. Ariroho yig isaruk ahi ari fam, it epma inilanggen wereg oke, haruk eleg-o; eke inesanggo wereg oke, holtuk eleg-o,” ulug yig isebag.

Lukas 9:10

Eke fobik At Yesusen omini mondep isebahon epmano iniog suhuluk waharuk apareg, iren sil nuruk apahon epmano obog dindiloko At Yesus etno yig epag. Yig ituk apagma, At Yesusen og inaplug, inakeleg-at o misig inuk Betsaida etno lebag.

Lukas 9:12

Fano inaptuk apagma, mo dobog iog ulug suruk heheg, At omini epmano ambeg waharuk apareg, yig ituk wilil, “O limu aphe inibam eleg duma, it aphe obog waheson du orom inim inibam nohorukon inim heag sawag ulug o aphe inibam wereg ambeg epma lahap isuk-o,” ulug yig epag.

Lukas 9:2

Yig isaruk apareg, iren At Allah weregmen sukon wene etno yig iseheg, eke it uk warehon epmano fano inabeheg sukag ulug lahap isebag.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Kisah Para Rasul 28:31

At Allah weregmen sukon wene etno yig iseheg, At Ninowe Yesus Kristus awene etno yanggul iseheg suruk wilil, akol elegsoho indi ahien atlug yig isaruk atisi.

Roma 10:14

Eke ari fam, At obam ebetuk eleg wilil, keroho yig ituk amuhup-o? Eke At awene etno inesanggo holtuk eleg wilil, keroho obam ebetuk amuhup-o? Eke At awene etno yig isaruk eleg halug, keroho inesanggo holtuk amuhup-o?

Roma 10:17

Eke ari fam, wene inesanggo holtukon etno fam, demat ulug eberoko waruk amuhup-o. Eke Kristus awene fanowon yig isaruk etno fam inesanggo holtuk amuhup-o.

Roma 15:3

Eke At Kristus etno hag ahien hiog ulug sebag fug-o. Ariroho suruk apag fug ari fam, At Alkitab wene holal baleg etnowen yig nisaruk wilil, “It apheyen inune dahon hat hobam umburuson epmano An-at nobam umburusa-o,” ulug bilin wene holal embebag etno nit inim-at yanggul nisawag ulug embebag-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Ibrani 4:16

Ari halug, nit ninoag weregsoho welamuk-o. Ariroho wilil, At Allahen ninabua nisaruk ambeg epma-at laruk amuk-o. Ariroho laruk nisalug, fanoroho yalmag ninabukag ulug ahmu nisawon etno inim, eke ninabua nisawon etno inim obog-at heag sahuk-o.