Lukas 8:41 - Allah Wene Hurumbik Keron

⁴¹ Heahi watuk apagma, ap misig inuk Yairus, it Yahudi ap o Allah wene uruk ambeg inaso werehon etno waharuk apareg, At Yesus ambeg indibahal yungguksoho ut kunukseg wilil,

Lukas 8:41 Iomraidhean Croise

Lukas 13:14

Suontepfuruk apagma, ap misig o Allah wene uruk ambeg aso werehon etno At Yesus o hari Sabat fam fano sebag etno ambit haruk apareg, it aphe obog yig isaruk wilil, “Nit nineyabuk holawon etno nininggik enggalimen angge wereg halug, o werleken fano hinabukag ulug waharuk am ari fano. Eke o hari Sabat fam waharuk ahep ari hai-o,” ulug yig isebag.

Lukas 17:16

Suhuluk waharuk apareg, At Yesus ambeg wapag, waharuk apareg kunuksoho horie epag. Horie uruk apareg, wa ulug yig epag.

Lukas 5:8

Eke ikan anggolo wapahon epmano at Simon Petrus ilanggen haruk apareg, indibahal yungguksoho horie uruk apareg, At Yesus yig ituk wilil, “Nowe-o, an ap dahon atma, sohorep nahalug wilip amin-o,” ulug yig ituk apagma,

Lukas 8:42

“An nahaloho ebe dua belas tahun-at welatision etno warariog ulug suruk ari, Hat hebe an nibam lag-o,” ulug yig epag. Yig ituk apagma, At Yesus inim lebag. Inim laruk apagma, it aphe obog kelegsoho lebag.

Lukas 8:49

at ap sembahyang uruk ambeg inaso werehon etno ot misig at ibamen lahapfuruk apagma, waharuk apareg, at Yairus etno yig ituk wilil, “Hat hahaloho etno mondog arat warahama, At Ninowe yanggul nisarukon ari ha luk ulug yig um fug-o,” ulug yig epag.

Yohanes 11:21

Epmano wereg heheg, at Marta etnowen Yesus yig ituk wilil, “Nowe-o, Hat hebe duma welatlenmen, an nowe etno waratlep fug oke,

Kisah Para Rasul 13:15

Horie uruk apareg weregma, it wene urukon epmanowen at Musaen wene holal embebahon etno inim, eke it nabien wene holal embebahon epmano inim yig isaruk apagma, it o Allah wene uruk ambeg unde werehon epmanowen at Paulus omini epmano inim yig isaruk wilil, “Nomini-o, wene misig wereg halug, nit nindi ninahien hulen ulug yig nisimiek-o,” ulug yig isaruk apagma,

Kisah Para Rasul 18:17

Wilip isaruk atisimu, it Yahudi ap inasineyen at Sostenes o Allah wene uruk ambeg aso werehon etno hog senerik laruk atusareg, at Galio ibam olmen yikangge watukmu, at Galio etno ahla bugsoho welatisi.

Kisah Para Rasul 18:8

Eke at Krispus o Allah wene uruk ambeg aso werehon etno Allah wene eberoko waruk atisimu, it omini uma werehon epmano inim-at eberoko warusa. Waruk atusama, it Korintus aphe anggolo nin inim Allah wene inesanggo holtuk wilil eberoko waruk atusama, ikma belap inaptisi.

Kisah Para Rasul 9:38

Embebareg weregma, o Yopeyen Lida horog atma, it o Yope Allah wene warukon epmanowen at Petrus o Lida wereg ulug inesanggo holtuk apareg, iren hat Petrus dulum ninambeg ma, ulug ayonggo ap biren lahap isebag. Lahap isaruk apagma lebareg, at Petrus etno yig epag.

Wahyu 5:8

At Wam Domba Udag etnowen hola­ruk atisimu, it inebe empat iniluk werehon epmano inim, eke it penatua inebe dua puluh empat epmano inim At Wam Domba Udag etno ambeg inindibahal yungguksoho horie uruk wilil, binggon inuk kecapi etno inim, eke At Allah udakien sembahyang urukon epmano ilitoho ulug ik oag emas fam sehon etno inim ininggikmu senetu­sa-o.