Lukas 8:3 - Allah Wene Hurumbik Keron

³ eke misig at Yohana, ahun Khuza at Herodes inim inowe neken wilil yabuk surukon uhwe etno inim, eke misig at Susana etno inim, eke hweap anggolo At Yesus omini inim ineyabuk surukon epmano inim lebag.

Lukas 8:3 Iomraidhean Croise

Matius 14:1

Eke fobik o ari sambit at o Galilea inowe suon Herodes etno At Yesusen sebahon epmano esanggo holtuk apareg,

Matius 14:3

Ariroho yig isebag ari, bilin at inowe suon Herodesen Yohanes hele waroko it aphe dag surukon imbisaruk ambeg epma kolapfukag-o ulug yig isebag. Ariroho yig isebag ari, bilin at inowe suon Herodes etnowen alem at ot Filipus uhwe Herodias etno diloko weba­reg fam,

Matius 14:6

Bok atuk apagma, eke fobik at inowe suon Herodes o at endag apahon etno fam esoho esetuk iseheg, at Herodias ahaloho etno it wonggalfahon epmano obog inil fam yunggultuk apagma, at inowe suon Herodes ahien suruk apareg,

Matius 2:11

Inahien anggolo haruk apareg, uma etno kebag. Kuruk apareg, udag etno isina Maria inim we­regma, haruk apa­reg, heahi watuk wilil kunuk ulug obam sem­ba­hyang ebag. Sembahy­ang uruk apareg, emas, mur, kemenyan amben fanowon walug wapahon epmano honang­goko og epag.

Matius 20:8

Ariroho yig isaruk atisireg, fobik o hupmu jam enam fam at yabuk unde etnowen osi epmano yig isaruk wilil, ‘It ap o yoho yabuk seheson etno wol isaruk atlihipseg, onggo og isimuk-o. Og isaruk wilil, it fobik lahap isihion etno bilin og iseheg, eke it bilin lahap isihion etno fobik og iseheg suruk amuk-o,’ ulug yig isarisi-o.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 26:11

It aphe inaharek elehon etno nintul nantul hinim welamuhubon oke, An fobik hit ninim welamuhuk fug-o.

Matius 27:55

Uruk apagma, eke it hweap inebe anggolo epmano bilin At Yesus o Galileaen larukmu eyabuk suog ulug ombolim mutlug laruk apahon etno epma wilil, At Yesus etno watukmu inebe yatmen-at inilanggen yet inaplug welapag.

Lukas 24:10

Yig isa wapahon etno at Maria Magdalena inim, eke at Yohana inim, eke at Maria Yakobus isina etno inim, eke it hweap werlekon nin inim At Yesus omini epmano yig isa wapag.

Yohanes 12:6

Ariroho ebag ari, it aphe inaharek elehon epmano inabuen ebag fug-o. Eke it aphe ninen At Yesus omini uang anggen og isaruk apahon epmano eset aren seneg welapag fam, uang anggen epmano herahiog ulug-at ebag-o.

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Filipi 4:22

Eke it Allah udaki duma werehon inim, eke it Kaisar omini nin epmano inimen heahi war hinaptuk-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.