Lukas 8:25 - Allah Wene Hurumbik Keron

²⁵ Hai atuk apagma, Aren omini epmano yig isaruk wilil, “Hit Allah une fanoroho ebetuk ahep fug ano?” ulug yig isaruk apagma, it epmano inakolen fog sebag. Fog suruk apareg, irit uruk wilil, “Aren hiahne inim, ik lek hondo surukon etno inim, winimug yig isaruk ahama, At une holoko eleg ahesa du, ap ebe sa-o?” ulug ebag.

Lukas 8:25 Iomraidhean Croise

Matius 14:31

At Yesus ik ahumu inggik belapfuruk apareg, senoko minduhupfebag. Minduhupfuruk apareg, yig ituk wilil, “Hat hindi biren ahenteg fam, An nobam dorat ebetuk ahen hihi-o,” ulug yig epag.

Matius 17:20

Yig ituk apagma, At Yesus etnowen yig isaruk wilil, “Hit At Allah obam dorat ebetuk ahep famen, hiren wilipfuk hai aha-o. Eke hinindi At obam fanoroho ebetlepmen, hit bunu du yig ituk wilil, ‘Hebe hal amin-o,’ ulug yig itlepmen, bunu ebe hal atlep-o. Hiren yi angge di angge obog-at selep-o.

Matius 6:30

Eke hit hinindimu dorat ebetuk ahep du hinesanggo holiek-o. At Allahen isingga o limu sono hondok yalepfuhukon etno fanoroho wantep isaruk halug, hit hinebe fanoroho wantep hisahaku fug behep ano?

Matius 8:10

Ariroho yig epahon etno At Yesusen wi ulug ahla buruk apareg, eke fobik it aphe inim lebahon epmano yig isaruk wilil, “At ap duen nobam ebetuk hag? It Israel aphe ariroho nobam ebetuk isaruk ahi fug-o, ulug An demat yig hisaruk ahi-o.

Matius 8:26

At Yesusen yig isaruk wilil, “Hit Allah une fanoroho ebetuk ahep fug etno, keroho ulug hinakolen uruk ahep-o?” ulug yig isebag. Yig isaruk apareg, minatlug hiahne etno inim, ik etno inim winimug yig isaruk apagma, aplohok eleg apag.

Markus 4:35

Yig isaruk apareg, fobik o hup atuk heheg, ik femag luk-o ulug At omini epmano yig isebag.

Lukas 12:28

At Allahen isingga o limu yoho werehon, sono hondok yalepfuhukon etno fanoroho wantep isaruk halug, hit hinebe fanoroho wantep hisahu fug behep? Hit hinindimu dorat ebetuk ahep-o.

Lukas 8:24

Ariroho suruk heheg, it omini epmano At Yesus so atogma nohorukmu ambeg waharuk apareg, ilukepfebag. Ilukepfuruk apareg, yig ituk wilil, “Ninowe-o, nit iken sebel ninabiog ulug suruk-o,” ulug yig ituk apagma, At etno minatuk apareg, hiahne etno inim, ik lek hondo surukon etno inim winimug yig isaruk apagma, o hiahne etno eleg atuk apareg, ik etno hai apag.

Lukas 8:26

Uruk apareg, fobik ik Galilea baloko it Gerasa ap wereg ambeg epmano lebag. Laruk apareg, so famen wilip atuk apagma, ap o epmon misig setan indimu kebahon etno At Yesus ambeg wapag.

Yohanes 11:40

Yig ituk apagma, At Yesusen yig ituk wilil, “Anden bilin hat hindimu demat ulug ebetuk healug, At Allahen sukfuganggeroho surukmu hamihin-o, ulug yig hirihi etno hat hapeleg ahenteg uruk ahen ano?” ulug yig epag.