Lukas 8:22 - Allah Wene Hurumbik Keron

²² Eke fobik, o misihim At Yesus omini inim ikma so etno fam kuruk apareg, yig isaruk wilil, “Ik femag luk-o,” ulug yig isaruk apareg, ik femag lebag.

Lukas 8:22 Iomraidhean Croise

Matius 14:22

Naruk apagma, At Yesusen it aphe epmano lahap isiog ulug At omini epmano yig isaruk wilil, “Hit hinebe bilin ikma so fam epma kuruk atlihipseg, ik le femag laruk amiek-o,” ulug yig isaruk apareg, it aphe obog wilip isaruk apareg, At ebe akeleg-at bunumu epmano sembahyang ik lahabag.

Matius 8:18

Suruk apareg, At Yesus etnowen it aphe At ambeg wonggalfahon epmano imbisalug, At omini epmano inim ik le femag luk-o, ulug yig isebag.

Markus 5:21

Fog suruk iseheg, eke At Yesus etno so famen ik femag waharuk apareg, ik ayegma wilip apag. Wilip atuk apareg weregma, it aphe obog At ambeg wonggalik wapag.

Markus 6:45

Orom roti etno arat naruk apagma, At Yesusen it aphe epmano lahap isaruk apareg, At omini epmano yig isaruk wilil, “Hit hinebe bilin ikma so fam epma kuruk atlihipseg, ik femag o Betsaida epmano laruk amiek-o,” ulug yig isebag.

Markus 8:13

Anden it aphe dumen fog nabukag ulug sukfugangge suhuk fug ulug yig hisaruk ahi etno demat yig hisaruk ahi-o,” ulug yig isaruk apareg, it etno sohorep isalug, so fam kuruk apareg, ik femag lebag.

Lukas 5:1

Eke fobik, At Yesus etno ik Galilea ayegma minduhuk weregma, it aphe obog epmanowen Allah wene yig nisarukmu ninesanggo holtulen ulug, inebe At Yesus olohotma horog horog kuruk wilil, at misig fonggogsoho wilipfeheg kuruk apag.

Lukas 8:23

Laruk wilil, At Yesus nohobag. Nohoruk heheg, hiahne suon misig waharuk apareg, ik obog so fam kuruk wilil, it obog sebel inabiog ulug suruk apag.

Lukas 8:33

Yig isaruk apagma, it setan epmano ap etno indimuen wilip atuk apareg, wam epmano inindimu kebag. Kuruk apagma, yi wam di wam obog epmano ununuroho laruk apareg, ikma epmano bule ambebagma, iken waroko og inaplug lebag.

Yohanes 6:1

Eke fobik, At Yesus ik Galilea, inuk misig Tiberias etno baloko femag fil laruk apagma,

Kisah Para Rasul 27:2

Og ituk atusama, ikma so misig o Adramitium etnowen o Asia ik ayegma wariog ulug weregma, nit kuruk atukukseg waharukuk. Waharuk wilil, at Aristarkhus o Makedonia, Tesalonika ap etno ninim waharukuk.