Lukas 8:2 - Allah Wene Hurumbik Keron

² eke it hweap setan inindimu kebahon lisoko wilip iseheg, eke uk warehon fano inabeheg sebahon epmano inim lebag. It inim lebahon epmano, misig inuk Maria Magdalena, indimuen setan sabiren angge wilip apahon etno inim,

Lukas 8:2 Iomraidhean Croise

Matius 4:24

Ariroho sil nuruk apareg fam, it ninen At etno fano inabil waha-o, ulug o Siria epmanowen At awene etno yig isil le­bag. Yig isil laruk apagma, it aphe uk warehon inim, eke uk oloken surukon inim, eke it setan inindimu kebahon inim, eke it nenek surukon inim, eke it inoag sahalehon inim At ambeg imbisa waharuk apagma, Aren obog-at fano inapag.

Markus 16:1

Eke fobik o hari Sabat it Yahudi ap sembahyang uruk etno fam, o hup apagma it hweap Maria Magdalena etano inim, eke at Yakobus isina Maria etno inim, eke hwe Salome etno inim, it aphe etnowen e anggen ambusu amben fanowon etno Yesus obam arerepfuog ulug onggo balik lebag.

Markus 16:9

O hari Minggu nit sembahyang uruk ahe etno fam ilikia mo lahik waharuk heheg, At Yesus etno iluk atlug minatuk apareg, at hwe Maria Magdalena indimu setan inebe sabiren angge kebagma, lisoko wilip isebahon etanowen ilanggen neawag ulug waharuk apagma,

Lukas 23:27

Yig ituk apareg, it aphe anggolo inim lebag. Laruk wilil, it hweap ninen obok yatil lebag.

Lukas 23:49

Inibam laruk apagma, eke it At ebe iniluk welapahon epmano inim, eke it hweap At ebe o Galileaen waharukmu ombolim mutlug nuruk apahon epmano inim At Yesus etno watukmu inebe yatmen yetoho welapag.

Lukas 23:55

Imbik laruk apagma, it hweap bilin At Yesus inim o Galileaen wapahon etano at Yusuf inim laruk apareg, aren Yesus ebe o wikelma imbik larukmu inilanggen hebag.

Lukas 8:30

Ariroho weregma, At Yesusen yig ituk wilil, “Ari halug, hat hinuk sa-o?” ulug yig ituk apagma, it setan inebe anggolo-at welapag etno fam, at etnowen yig ituk wilil, “Ninuk Legion ari nit ninune fam anggolo ulug soalsalug welahi-o,” ulug yig ituk apagma,

Yohanes 19:25

Sebareg weregma, e At Yesus lenggaloko embebahon etno horogsoho etano At isina inim, eke at anditohe Klopas uhwe Maria etno inim, eke hwe Maria Magdalena etno inim, minduhuk welapag.

Kisah Para Rasul 1:14

It obog epmano inuhwesi inim, eke At Yesus isina Maria etno inim, At Yesus owe not epmano inim it obog inindi misig-at wilil, nintul nantul sembahyang uruk apag.