Lukas 8:18 - Allah Wene Hurumbik Keron

¹⁸ Ari halug, hinesanggo fanoroho holtuk amiek-o. Ap misig aren angge dot wereg halug ari obam seberoho og iruhu-o. Eke aren angge eleg halug ari an naharek dorat wereg ulug ahla burukon oke, aharek dorat etno diloko neken wahu-o,” ulug yig isebag.

Lukas 8:18 Iomraidhean Croise

Matius 13:12

Eke at ap aharek werehon halug, obam seberoho anggolo-at og iruhu-o. Eke at ap aharek elehon halug, aharek dorat werehon etno diloko neken wahu-o.

Matius 25:29

Eke at ap misig yi angge di angge inggikmu werehon halug, obam seberoho og ituk aruhumu, at mondog aharek anggolo-at welaruhu-o. Eke at ap misig yi angge di angge inggikmu elehon halug, aren angge etano diloko wahup-o.

Markus 13:14

Eke fobik At Yesus etnowen yig isaruk wilil, “Hit An yig hisaruk ahion du wene baleg fam bikharuk wilil hinindi ebetuk amiek-o. Fano wereg ambeg epma dahon etno kik waharuk hinilanggen haruk amuhupseg, ea ninakol-o, ulug uruk amuhupseg, it Yudea ap epmano bunumu epma hite lahukag ulug yig isimuk-o.

Lukas 19:26

‘Eleg-o, ap misig yi angge di angge werehon halug, obam seberoho inim-at og iruhu-o. Eke ap misig yi angge di angge dorat werehon etno obogsoho wahureg, at anggolo werehon etno-at og iruhu-o.

Lukas 9:44

“Hit Anden yig hisaminon etno hinapeleg am fug-o. An Allahen minduhup naharision it aphe ininggiken senoko og naplug laruk amuhup-o,”

Yohanes 15:2

Eke An e alem etno wereg neyeheg, e inggik anggen yihiruk elehon halug, dokoroho wilipfeheg, eke e inggik misig anggen yihirukon etno fobik anggoloroho yihiruk amag ulug engga buhon inim, il inim kisiloko wilip isaruk-o.

Kisah Para Rasul 10:33

hat hebe wamag ulug it etna hambeg yonggo lahap isarikik-o. Lahap isarikikmu, nomin, hat nea wahen ari fano. Eke kidia At Ninowe Yesus etnowen duroho yig isimuk ulug yig hitukmu, haren yig nisamihinon etno ninesanggo holtulen ulug At Allah il fam nit obog wonggaloko welahe-o,” ulug at Korneliusen Petrus etno yig epag.

Kisah Para Rasul 17:11

Kurusareg, wene yig isaruk atusama, it Tesalonika aben wene inambit urusa etno hag surusa fug. It wene etno inesanggo fanoroho holtuk wilil, At Paulusen demat yig nisehek ano? ulug iniluk amag ulug Alkitab etno nintul nantul wane suruk atusa.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

1 Korintus 14:37

ulug hahla buruk ahenon halug, anden wene holal bal hisihion ari fam At Allahen-at ariroho yig nisarisi ulug hinahla biuk-o.

1 Korintus 3:18

Eke hit hinonggareg hinune hinenggal-at hinobam ombataruk am fug-o. Eke ap misig hit hinim welahebon etnowen, “Ap o kweanma nindi werehon an-at welahi-o,” ulug indimu ebetuk halug, ap etno demat indi wereg amag ulug bilin ebe kimbu neken welamag-o.

1 Korintus 8:2

Eke ap misihen, an nakeleg-at niluk-o, ulug ahla buruk halug, ebe iluk amon etno hag weheg eleg-at wilil, apeleg-at wereg-o.

Filipi 3:4

Eke it epmano dorat suruson oke, an hag ninggiken surukon epmano fam ninili welepmen, yi angge di angge anggolo suruk atikik epmano fam nili wahu ulug nahla bele-o. Eke an nebe sembahyang misig-at endoho weregma, niyunggul ambilik bal napag-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.