Lukas 8:15 - Allah Wene Hurumbik Keron

¹⁵ Eke i angge kwean sinon fam kililtil lebag etno hag, ari it aphe wene etno inesanggo holtug inindi fanoroho ebereheg, eke anggen yihukag ulug amug wareheg suruk-o,” ulug At Yesusen yig isebag.

Lukas 8:15 Iomraidhean Croise

Matius 24:13

Eke it fikfag seneg welamuhubon epmano o fobik atog arat atuk halug, inili wahu-o.

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Lukas 6:45

Eke ap obabut fanowon halug, indimuen fanoroho-at suruk-o. Eke ap obabut dahon halug, indimuen dag-at suruk-o. Eke inindimu werehon etnowen ambilik selemen ilitoho-at uruk-o,” ulug yig isebag.

Lukas 8:14

Eke i angge isinggama kililtil lebag etno hag ari it apheyen wene etno inesanggo holtukon oke, fobik inindi yi angge di angge holawon ebetukon etno inim, eke an kweanma dumen keroho fano welaruhuk ulug inindi seneni ebetukon inim, eke inindien yi angge di angge surukon epmano inim, ariroho anggolo ebetil nurukon ari, iren angge anggen yihikon etno wirik atuk eleg-o.

Lukas 8:16

Yig isaruk apareg, eke fobik it epmano yig isaruk wilil, “At ap misihen eral fisaho etno sohorluk apma, eke nohoruk ambeg apma umburuk eleg-o. Eke o yangguk etno it aphe kik waharukon epmanowen inilanggen hawag ulug selegma umburuk ambeg epmano umburuk-o.

Yohanes 14:15

Eke fobik At Yesusen yig isaruk wilil, “Hiren An nebe hinindi hunduhuk welahep halug, An nawene etno hiniluk wilil, ilitoho suruk amuhup-o.

Yohanes 15:10

Eke An Niknien yig nitukon epmano ilitoho suruk nealug, At ninim ninindi hunduhuk welahe etno hag, hit Anden wene yig hisaruk atikikon epmano ilitoho suruk hisalug, hit An ninim hinindi hunduhuk welamuhuk-o,

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

Roma 7:18

Eke ari halug, an nobam alem fanoroho surukon etno mondog eleg ulug niluk-o. Eke an fanowon du suhuk ulug nahla buruk ahion oke, anden ilitoho sukon etno hai atuk-o.

Roma 7:4

Eke ariroho suruk etno hag, hit hinebe ari ilitoho welahep-o. Eke wene duroho suruk amuk eke duroho suruk am fug ulug ebahon etno hinim welam sohorep isalug, hweap inahuni waratukmu suhwe wereg etno hag welatikipseg, hit hinebe At Kristus udaki atikip etno fam hinebe kidia Aren angge-at welahep-o. Ari halug, eke e anggen fanowon yihik wereg etno hag, ninebe At Allah il fam fanoroho welamag ulug At Kristus ebe etno aphe warehon wereg ambeg epmanowen iluksoho minduhupfebag-o.

Roma 8:25

Eke we yi angge di angge ninil haruk ahe fuhon epmano-at og nisahu ulug ninahla buruk wilil, ninindi seberoho og nisawon etno-at aso welahe-o.

1 Korintus 7:19

Eke alem iniyunggul ambilik baltukon etno inim, baltuk elehon etno inim ebe mondog eleg-o. At Allahen wene duroho suruk amuk eke duroho suruk am fug ulug yig nisebahon etno ilitoho sukon ari alem suon-at wereg-o.

Efesus 2:8

Eke At Allahen hinabua hisebareg fam hit demat ulug eberoko warukmu hinili warisi-o. Eke hit fano suruk hisalug, hinili warisi fug-o. We yuhun-at hinili warukon etno og hisarisi-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

Ibrani 10:36

Eke At Allahen og hisahuk ulug ebahon etno huluog ulug hiren At ahla burukon etno suruk amuk-o, ulug hinahla buruk wilil hinindi seberoho-at welamuk-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.

Yakobus 1:4

Eke hinahla fanoroho wilil, fobik hit hinobabut fanoroho welamuhuken ulug, hinindimu fanoroho ebetuk amuk-o.

1 Yohanes 2:3

Eke At Allahen komo yig nisarukon etno suruk nisalug, At udaki-at welahe-o, ulug kidia niniluk atuk-o.