Lukas 8:12 - Allah Wene Hurumbik Keron

¹² Eke kwalema kililtil lebag etno hag, it aphe Allah wene inesanggo holtukon oke, eke wene eberoko waruk isalug inili wa nowen ulug, at iblis etno waharuk wilil, wene holtukon epmano inindimuen lisoko elegsoho umburuk-o.

Lukas 8:12 Iomraidhean Croise

Matius 13:19

I angge kwalema kililtil lebag etno hag, it ap At Allah weregmen sukon wene etno inesanggo holtukon oke, eberoko weheg eleg-at weregma, at iblis dahon etno waharuk wilil, wene inindimu werehon lisoko waruk-o.

Matius 13:4

Kililtil larukmu, i misig kwalema belapfebahon etno sue waharuk wilil, nil nil lebag-o.

Markus 4:15

Eke i kwalema belabil lebag etno hag ari, it nin wene fano wene yig isil lebahon etno inesanggo fano holfahon oke, at iblis etno waharuk wilil, wene inindimu werehon lisoko waruk-o.

Lukas 8:11

Yig isaruk apareg, eke fobik yig isaruk wilil, “Wene ilitoho neken yig hisihion etno kidia ebe yig hisamin-o. Eke i kililfahon etno ari Allah wene at-o.

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Lukas 8:5

“Ap misig i angge kililiog ulug arat lebag-o. Kililtil laruk wilil i misig kwalema kililepfebahon etno aphe laruk wilil, iniohen hondorepfuruk apagma, fobik sueyen nebag-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.