Lukas 7:47 - Allah Wene Hurumbik Keron

⁴⁷ Eke An indi hunduhuk wilil ariroho suruk ahama, at hwe duen dag anggolo suruk atision epmano At Allahen obam apelegsoho apma embehek etno hat hiluk-o, ulug An demat yig hituk ahi-o. Eke at ap misig dag dorat surukon etno obam apelegsoho apma umburuk halug, dorat indi hunduhuk wereg-o,” ulug at Simon etno yig ituk apareg,

Lukas 7:47 Iomraidhean Croise

Matius 10:37

Eke ap misihen An nebe indi hunduhuk welam sohorep isalug, ikni isina-at indi hunduhuk wereg halug ari, An ninim welam hai aruhu-o. Eke ap misihen An nebe indi hunduhuk welam sohorep isalug, amloho ahaloho-at indi hunduhuk wereg halug ari, An ninim welam hai aruhu-o.

Lukas 7:39

Delepfuruk apagma, at Farisi ap Yesus ninim nulen ebahon etnowen ilanggen haruk apareg, ahla buruk wilil, “Ap du demat Allah wene yig isarukon hahen, hwe ambusu iog anggulmu delehekon du dag surukon ulug Aren iluk welatlep-o,” ulug ahla bebag.

Lukas 7:46

Eke haren ambusu amben fanowon etno niruk fam wabukag ulug og nerehen fuhon oke, eke at hwe duen ambusu amben fanowon etno niog anggulmu delepfehek-o.

Lukas 7:48

hwe etno yig ituk wilil, “Hat bilin dag suruk atikinon epmano At Allahen hobam hapelegsoho apma hombahasi-o,” ulug yig epag.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Roma 5:20

Eke dag surukon etno du dag suruk ulug iniluk amag ulug wene duroho suruk amuk eke duroho suruk am fug ulug ebahon etno og isebag-o. Eke ariroho du dag suruk ulug selegma atuk apagma, alem At Allahen inabua isarukon etno-at su apag-o.

2 Korintus 5:14

Eke at ap misig etno aphe obog inake-at warapag-o ulug ninahla buruk wilil, At Kristusen ninebe indi hunduhuk wereg etno fam ilitoho-at suog ulug suruk ahe-o. Eke At ebe nit aphe obog ninake warapag halug, nit obog At ninim waratuk soag-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Efesus 6:24

Eke hit obog nintul nantul At Ninowe Yesus Kristus hinindi mondog hunduhuk welahebon etno At Allahen hinabua hisawag ulug yig hisihi-o.

Filipi 1:9

Eke an hit hinake sembahyang uruk wilil, duroho uruk ahi-o, hit hinindi hunduhuk welamon etno inim, eke yi wene di wene obog-at hiniluk amon etno inim, eke du fano du dag ulug hinindimuen ebebukon etno inim, obog-at su amag ulug hinake sembahyang uruk ahi-o.

1 Timotius 1:14

Nabua nearuk atisireg, At Ninowe etnowen nit At Kristus Yesus ninim welaheon epmano Aren angge anggolo og nisarisireg, Allah wene demat ulug ebetukon etno inim, eke aphe ninindi hunduhuk welaheon etno inim og nisaruk-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.

1 Yohanes 5:3

Eke At Allah ninindi hunduhuk welahe ari, aren komo yig nisarukon etno suruk nisalug, we ari fam niniluk atuk-o. At Allahen komo yig nisarukon etno abutseon-at yig nisaruk-o.