Lukas 7:42 - Allah Wene Hurumbik Keron

⁴² Ariroho waruson oke, fobik onggo og umon oke, inahuang elehen og itusa fug-o, ari famen it inobam nomat neken weregma, at ap uang anggen unde etnowen an og num fug ulug sohorep isarisi-o. Ariroho sohorep isarisireg fam, at ap sen hag inahmuroho wereg buruk ahen-o?” ulug At Yesusen Simon etno hinog webag.

Lukas 7:42 Iomraidhean Croise

Matius 18:27

at inowe etnowen abua haruk wilil, nomat obam werehon etno elehepfuruk apareg, ap etno sohorep isebag.

Matius 18:34

Yig ituk apareg, at inowe etno asine anggolo haruk wilil, at anggimbu nomat obam werehon etno obog-at og nemag ulug ahla buruk apareg, o aphe dahon hele waroko imbisaruk ambeg epmanowen yikangge wabukag ulug hele waroko kolapfebag-o.

Matius 6:12

It onggo og nisawag ulug werehon etno inobam inape­legsoho ninapma imbisaruk ahe etno hag, Haren nit dag suruk aheon etno ninobam ninapelegsoho hapma ninombisahin-o.

Lukas 7:43

Hinog waruk apagma, at Simon etnowen yig ituk wilil, “At ap uang anggen anggolo nomat neken holarisimu sohorep isarision etnowen hag ahmuroho wereg buruk ahi-o,” ulug at Simonen yig ituk apagma, eke At Yesus etnowen yig ituk wilil, “Hat demat ehen-o,” ulug yig epag.

Roma 3:24

Eke ariroho wereg iseheg, At Allahen inabua isaruk wilil, iren onggo umbulug eleg-at At Kristus Yesus etnowen inili webareg fam, At Allahen alem dahon inobam werehon epmano elehepfuruk-o.

Roma 5:6

Eke nit hag awan ninoag eleg niseheg, At Allahen kidia arat ulug uruk apagma, At Kristus etno it dag surukon epmano inake warapag-o.

Galatia 3:10

Eke it obog Yahudi aben wene duroho suruk amuk eke duroho suruk am fug ulug ebahon etno suog ulug surukon ari wene homali neken inobam wereg-o. Eke ari halug, alem ari fam Alkitab etnowen yig nisaruk wilil, “It obog Yahudi aben wene duroho suruk amuk eke duroho suruk am fug ulug ebahon etno obogsoho suruk eleg isalug, wene homali etno inobam umburuk-o,” ulug ariroho yig nisebag halug, it aphe obog Yahudi aben wene duroho suruk amuk eke duroho suruk am fug ebahon etno ilitoho suruk isalug, etno fam At Allahen alem dahon inobam werehon epmano elehepfuhu fug-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 4:32

Dag surukon obog sohorep isalug, hit hit hinune fanoroho eheg, eke nabua habua seheg, eke At Allahen At Kristus inuk fam hiren dag suruk atikibon epmano hinapelegsoho apma hinombisaharisi etno hag, hiren dag suruk ahebon epmano at misihen at misig dag surukon etno obam apelegsoho sohorep isalug apma embeheg suruk amiek-o.

Kolose 3:13

Eke hit winimug abeheg eleg wilil, hinomini yalmag inaptuk amiek-o. Eke At Allahen hit dag suruk atikibon epmano hinapelegsoho apma hinombisaharisi halug, hit ariroho hinebe healeg neken welam fug-o.