Lukas 7:34 - Allah Wene Hurumbik Keron

³⁴ Eke An Allahen minduhup naharision etno waharikikseg, ik inim orom inim naruk wilil weregma, hiren, ‘Ap du bik himiek-o,’ eke At ebe etno it ap uang onggo kino urukon epmano inim, eke it dag surukon epmano inim inomin wilil, orom inim, ik anggur ambusu etno inim inahumsoho naruk-o, ulug irikip-o.

Lukas 7:34 Iomraidhean Croise

Matius 11:19

Eke An Allahen minduhup naha­rision etno waharikikseg, ik inim, orom inim naruk wilil weregma, hit obohen, ‘Ap du bik himiek-o, At ebe etno it ap uang onggo kino urukon etno inim, eke it dag surukon epmano inim inomin wilil, orom inim, ik anggur inim inahumsoho naruk-o,’ ulug iri­kip-o. Ariroho irikibon oke, At Allahen ahla burukon etno demat suruk halug, ari fam At Allahen demat yig nisaruk-o ulug inahla buhup-o,” ulug yig ise­bag.

Matius 5:46

Eke it inindi hat hobam hunduhuk werehon etno-at hindi hundu­huk welahen halug ari, At Alla­hen onggo nongge og num fano behen-o? It kwalem onggo warukon etno ilito­ho-at suruk-o.

Matius 9:11

Horie uruk apareg weregma, it Farisi ap nin inilanggen isaruk apareg, At omini epmano yig isaruk wilil, “At hinowe du it ap uang onggo kino urukon inim, it dag surukon inim keroho ulug inim dambuksoho orom naruk-o?” ulug yig isebag.

Lukas 11:37

Eke fobik At Yesusen arat yig isaruk apagma, at Farisi ap misihen Yesus etno orom ninim nulen ulug yig epag. Yig ituk apagma, inim kuruk apareg, inim nuog ulug horie ebag.

Lukas 14:1

Eke fobik At Yesus etno o hari Sabat fam it Farisi ap inowe misig ibamen inim orom nuog ulug waharuk apareg weregma, it apheyen At Yesus etno fikfag wenaharuk apag.

Lukas 15:2

it Farisi ap inim eke it wene yanggul isarukon epmano inimen inune fog fog uruk wilil, “At ap du it ap dag surukon epmano inim heahi war war uruk ahesareg orom inim naruk-o,” ulug uruk apag.

Lukas 19:7

Heahi watukmu, it aphe obog inilanggen haruk apareg, inune fog fog uruk wilil, “Udag dia, At Yesus etno ap dag surukon etno inim welamuog ulug suruk-o,” ulug uruk apag.

Lukas 5:29

Inim laruk apareg, at ibamen Yesus aohi esetuk apagma, it ap uang onggo kino urukon epmano inim, it aphe nin inebe anggolo epmano inim dambuksoho horieg welapag.

Lukas 7:33

Eke at Yohanes ikma belap inaptukon etno waharisireg, orom inim, ik anggur etno inim nenggeg eleg weregma, hiren, ‘At ebe ap nenekon at-o,’ ulug uruk atikip-o.

Lukas 7:35

Ariroho irikibon oke, eke it obog Allah wene eberoko warukon epmanowen demat ulug uruk-o,” ulug At Yesusen yig isebag.

Lukas 7:36

Eke fobik at Farisi ap misihen At Yesus etno orom ninim nulen ulug yig ituk apagma, At Yesus etno inim ibam kuruk apareg, orom nuog ulug horie ebag.

Yohanes 12:2

Laruk apagma, it epmanowen At aohi esetuk wilil, at hwe Marta etno yi angge di angge wak laheg esetuk heheg, at Lazarus etno Yesus inim horieg welapag.

Yohanes 2:2

At Yesus omini epmano inim obog-at esoho ninim nulen ulug inayonggo umburuk apagma wapag.