Lukas 7:30 - Allah Wene Hurumbik Keron

³⁰ Eke it Farisi ap inim, eke it ap wene holal baleg unde epmano inimen At Allahen inesanggo wapahon etno holtug elegma, at Yohanesen ikma belap ninabuk ninambit-o, ulug uruk apag.

Lukas 7:30 Iomraidhean Croise

Matius 22:35

Wonggaltuk apareg, ap iron misig wene baleg unde etnowen At etno keroho uruk hamin ulug indi kahaliog ulug hinog waruk wilil,

Lukas 13:34

Ae, hit Yerusalem ap du hinabua-o. Hiren it nabi ap wene urukon war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul apma balu inaplug seberoho wereg etno hag, hit obog Anden balurep hisahalug, ninggik sen hinapsug wilil heahi war hinabiog ulug sirikikon oke, hiren hinambit nearikip-o.

Lukas 20:6

Eke niren apheyen yig itision fam ikma belap inaptisi ulug yig ituk nisalug, it aphe obohen at Yohanes ari nabi ap Allah wene yig nisarukon demat hehe-o, ulug inindi ebetuk etno fam, helep fam ninusukon-o,” ulug ebag.

Lukas 7:31

Ariroho bilin uruk apareg weregma, At Yesusen yig isaruk wilil, “Hit kidia duma welahebon du nongge hinim ilitoho hinombisahik-o?

Kisah Para Rasul 20:27

Hinonggareg hinakeleg hinobabut fam hinili wao sohorep hisahaku-o.

Roma 10:21

ulug Allah wene ariroho yig isaruk apareg, eke fobik it Israel aphe inawene etno yig isaruk wilil, “It aphe epmano inesanggo holtuk eleg wilil, wene onggo yig nitukon etno oke iniknien neken nintul nantul-at hambog inabiog ulug suruk atikik-o,” ulug yig isebag.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 2:21

Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, etno fam At Allahen alem dahon obam werehon epmano elehepfelepmen, At Kristus etno werlek-at waratlep ari haruk ahep?

Efesus 1:11

Eke At Allahen yi angge di angge ariroho seg aruhu ulug ahla bebahon etno ilitoho-at seg aruhu-o. Eke At Allah bilin ahla buruk apareg, ariroho suhuk ulug ahla buruk wilil, it inebe dia Inowe At Kristus welaruhu-o, ulug At Allah udaki welamag ulug Aren fuloko ninombisahabag-o.