Lukas 7:19 - Allah Wene Hurumbik Keron

¹⁹ at Yohanesen omini biren wol isaruk apareg, yig isaruk wilil, “Hit At Yesus ambeg lalihipseg hinog waruk wilil, ‘At Yohanesen ap suon misig waruhu ulug hurumbik yig nisebahon etna Hat-at ano, eke misig fobik waruhumu aso welahe ano?’ ulug At Yesus hinog yig irik aliek-o,” ulug at Yohanesen lahap isaruk apagma, it epmano At Yesus ambeg wapag.

Lukas 7:19 Iomraidhean Croise

Markus 6:7

Eke fobik At Yesusen omini dua belas epmano yig isaruk wilil, “Hit An nambeg wonggalik maniek-o,” ulug yig isaruk apagma, wonggalik wapag. Wonggalik waharuk apagma, At etnowen inebe biren biren dombog heheg lahap isaruk wilil, setan aphe inindimu weregma, lisoko wilip inabukag ulug oag werehon etno og isebag.

Lukas 10:1

Eke fobik At Ninowe etnowen ap inebe tujuh puluh dua fuloko imbisaruk apareg, inebe biren biren dombog heheg, o At lao ambeg epmano it bilin laruk amag ulug lahap isiog ulug yig isaruk wilil,

Lukas 11:1

Eke fobik At Yesus etno o misig sembahyang ebag. Uruk apagma, At omin misihen yig ituk wilil, “Ninowe-o, at Yohanesen omini sembahyang ukag ulug yanggul isarisi etno hag nit yanggul nisimin-o,” ulug yig ituk apagma, eke At Yesus etnowen yig isaruk wilil,

Lukas 11:39

Wi uruk apagma, At Ninowe etnowen yig ituk wilil, “Hit Farisi ap du eserangge inim, ik oag inim ahap selema ho suruk ahebon oke, hinindi undama hinasine etno wilil, dag-at ebetuk ahep-o.

Lukas 12:42

At Ninowe etnowen yig ituk wilil, “At anggimbu indi enggaron ilukon etno sa-o? Ari, at o unde etnowen anggimbu fanowon etno o aso welamag ulug heako umbulug, yabuk fanoroho suruk amag ulug yig iseheg, eke anggimbu nin epmano inaharom nintul nantul og iseheg suruk amag ulug minduhupfuruk-o.

Lukas 13:15

Yig isaruk apagma, eke At Ninowe etnowen yig isaruk wilil, “Hit hinindi biren welahep du. O hari Sabat fam hinanggom sapi keledai ik nawag ulug inibamen kumbi loloko wilip isaruk ahep fug ano?

Lukas 17:5

Eke fobik it omini epmanowen At Yesus yig ituk wilil, “Nit demat ulug ninindi ebebuhuken haren oag werehon etno og nisimin-o,” ulug yig epag.

Lukas 17:6

Yig ituk apagma, At Ninowe etnowen yig isaruk wilil, “Hit hag dorat hinindi ebetlepmen, e suon du yig ituk wilil, ‘Homanggen bal saruk apmihinteg, ik laut ikma yaho welaruhunen lag-o,’ ulug yig itlepma, holtep-o,” ulug yig isebag.

Lukas 18:6

Ahla bebahon etno At Ninowe etnowen yig isaruk apareg, eke fobik yig isaruk wilil, “At ap oag del inaptukon etnowen ahlahiroho wilil ebahon etno hinindimu ebetuk amiek-o.

Lukas 19:8

Uruk apareg weregma, at Zakheus etno minatuk apareg, At Yesus etno yig ituk wilil, “Nowe-o, Hat hesanggo holin-o. An naharek hiroho minggiroko it ap inaharek elehon epmano og isaruk aruhuk-o. Eke anden it ap inaharek heraharuk atikikon epmano onggo ninggik emparen angge nin inim at og isahuk-o,” ulug yig epag.

Lukas 22:61

Une uruk apagma, At Ninowe etno olohore ambolma dahag uruk apareg, at Petrus ebe yet haruk apagma, eke at Petrus etno Yesusen yig epahon epmano ahla ebetuk wilil, sue ayam une awan uruk eleg heheg, henahanam an ebe napeleg uhun ulug yig nitisi-o, ulug ahla buruk apareg, selema wilip apag.

Lukas 24:34

Isaruk apagma, it omini epmanowen yig isaruk wilil, “At Ninowe etno demat iluksoho minahama, at Simonen ilanggen hehek-o,” ulug yig isebag.

Lukas 7:13

At Yesus etno ilanggen haruk apareg, indimuen ahmu atuk apagma, udag warapahon isina etno yig ituk wilil, “Hat ioba yabuk fug-o,” ulug yig epag. Yig ituk apareg, At ebe it ap warehon walug wapahon epmano inambeg lebag.

Lukas 7:20

Ambeg waharuk apareg, yig ituk wilil, “Yesus wai. Nit at Yohanes ikma belap inaptukon etnowen Hat hambeg hinog og hawag ulug lahap nisahik waha-o. Eke aren bilin, ap suon misig waruhu ulug yig nisebahon etna Hat-at ano, eke fobik misig waruhumu aso welahe ano?” ulug yig epag.

Yohanes 11:2

Eke at hwe Maria At Ninowe iog fam ambusu amben fanowon etno delepfuruk apareg, at iruk fam ho sebahon etno owe Lazarus uk wareg welapag.

Yohanes 4:1

Eke fobik it aphe nin epmanowen uruk wilil, “At Yohanes hag aphe dorat ikma belap inaptuk-o, eke At Yesus etno hag it obohen At une waruk isalug, obog-at ikma belap inaptuk-o,” ulug ariroho uruk apahon oke,

Yohanes 4:25

Yig ituk apagma, at hwe etnowen yig ituk wilil, “At Kristus fobik waruhu ulug hurumbik ebahon etno demat waruhu ari an niluk-o. Eke At ebe etno waharuk aruhureg, yi wene di wene obog-at bukaloko yig nisahu-o,” ulug yig ituk apagma,

Yohanes 6:23

Inahla buruk apareg weregma, bilin At Ninowe etnowen sembahyang uruk apareg it aphe obog-at orom roti nebag ambeg ik ayegma etano so nin o Tiberias etnowen walug, bok arik lebag.

Wahyu 11:3

Eke it ap biren An nawene yig isaru­kon epmano lahap isahuk-o. Lahap isaruk aruhukmu it ap epmano sum ahe hahon supnig wilil, Allahen hurumbik fobik suhuon etno ininggik seri­bu dua ratus enam puluh fam wilil yig isaruk amuhup-o,” ulug yig nitisi-o.