Lukas 7:16 - Allah Wene Hurumbik Keron

¹⁶ Og ituk apagma, it aphe obog epmano inakolen suruk apareg, uruk wilil, “Kidia ap nabi suon misig ninanggelegmen minaha etno nit At Allah udaki obog ninili wawag ulug At Allahen belap nisa waha-o,” ulug it obohen At Allah inuk suontepfebag.

Lukas 7:16 Iomraidhean Croise

Matius 15:31

Fano inaptuk apagma, it ap inune elehon etano inune eheg, iniog hunduhukon fano aheg, iniog dahon kwalem laheg, inilanggen buhon fenggen aheg suruk apagma, it aphe obog epmanowen inilanggen isaruk apareg, wi ulug it Israel aphe Inikni Allah etno inuk suontepfebag.

Matius 21:11

“Ap du At Yesus o Galilea Nazaret ap etno Allah wene yig nisa waharision etno ebe du at-o,” ulug uruk apag.

Matius 28:8

Yig isaruk apagma, it etano o wikelma etno sohorep isalug, dulum-at laruk apareg, inakol heheg, eke inahien anggolo heheg suruk wilil, it ap At omini epmano yig isa lebag.

Matius 9:8

Ibam larukmu, it aphe epmanowen inilanggen haruk apareg, inakolen At Allah inuk suontepfuruk wilil, “At Allahen aphe inindi enggaron-at minduhup isaruk-o,” ulug At inuk-at suontepfebag.

Lukas 1:65

Suontepfuruk apagma, it omini obog inakol hebag. Inakol haruk apagma, yiroho diroho obog sebahon epmano it o Yudea bunu anggolo wereg ambeg epmano inesanggo holtuk apareg,

Lukas 1:68

“Hit Israel ap du Ninikni Allahen At udaki epmano yalmako ninombisaharisireg fam, At inuk suontepfuk-o.

Lukas 19:44

War hinaptuk wilil, hinibam inim mondog mialtuk amuhupmu, helep obam dambuk falehon epmano inim welaruhu fug-o. Eke At Allah etno hit hinabuen hinili wawon wene etno yig hisa waharision oke, hit hinindi At obam ebetuk ahep fug ari famen ariroho suhu-o,” ulug At Yesusen yig isebag.

Lukas 2:20

Indi ebetuk weregma, it wam domba aso werehon epmano iniog suhuluk laruk wilil, yi wene di wene yig nisehekon epmano ninilanggen heheg, ninesanggo holeheg suruk wilil, wa ulug Hat hinuk-at suontepfuruk ahe-o, ulug At Allah-at fog sil lebag.

Lukas 24:19

eke At Yesus etnowen yig isaruk wilil, “Keroho surusama ehen-o?” ulug yig isaruk apagma, eke at etnowen yig ituk wilil, “At Yesus Nazaret ap watuson etno farim uruk ahe-o. Eke At ebe etno nabi ap Allah wene yig nisarukon wilil, At Allah il fam inim, eke it aphe inil fam inim sukfugangge suruk wilil, yanggul nisarisi-o.

Lukas 5:26

Ibam larukmu it obohen inilanggen haruk apareg, wi ulug inakol haruk wilil fog sebag. Fog suruk apareg, At Allah inuk suontepfuruk wilil, “O yoho elalintoho surukmu hehe-o,” ulug uruk apag.

Lukas 5:8

Eke ikan anggolo wapahon epmano at Simon Petrus ilanggen haruk apareg, indibahal yungguksoho horie uruk apareg, At Yesus yig ituk wilil, “Nowe-o, an ap dahon atma, sohorep nahalug wilip amin-o,” ulug yig ituk apagma,

Lukas 7:15

Yig ituk apagma, at udag warapahon etno minatlug horie uruk apareg, une ebag. Une uruk apagma, At Yesusen udag etno isina og epag.

Lukas 7:39

Delepfuruk apagma, at Farisi ap Yesus ninim nulen ebahon etnowen ilanggen haruk apareg, ahla buruk wilil, “Ap du demat Allah wene yig isarukon hahen, hwe ambusu iog anggulmu delehekon du dag surukon ulug Aren iluk welatlep-o,” ulug ahla bebag.

Lukas 8:37

Yig isaruk apagma, it aphe o Gerasa o ahik ya da obog epmano inakol anggolo haruk apareg, At Yesus etno yig ituk wilil, “Hat nit ninibam duma sohorep isalug lamihin-o,” ulug yig epag. Yig ituk apagma, At Yesus etno so fam ikma epmano kuruk apareg, sohorep isalug lebag.

Lukas 9:19

Yig isaruk apagma, eke it epmanowen yig ituk wilil, “It ninen, at Yohanes aphe ikma belap inaptukon etno waharuk ahareg, uruk-o. Eke it ninen, Eliaen uruk-o. Eke it ninen, it nabi ap amuk Allah wene yig isaruk apahon epmano misig iluk atisireg sil nuruk ulug uruk-o,” ulug yig epag.

Yohanes 1:21

it epmanowen yig ituk wilil, “Ari halug, hat hebe sa ilitoho welahen-o? At Elia ilitoho welahen ano?” ulug yig ituk apagma, at etnowen, “An at Elia ilitoho welahi fug-o,” ulug yig isaruk apagma, it epmanowen, “Halug, hat hebe at nabi ap At Allah ahurumbik yig isiog ulug waruhuon etno-at welahen ano?” ulug yig ituk apagma, at etnowen, “Eleg-o, an ap ehebon ari an fug-o,” ulug yig isaruk apagma,

Yohanes 1:25

“Hat hebe At Kristus inim, at Elia inim, at nabi waruhuon etno inim an it ilitoho welahi fug ulug ehenon oke, keroho ulug haren aphe ikma belap inaptuk ahen-o?” ulug yig epag.

Yohanes 4:19

Ariroho yig ituk apagma, eke at hwe etnowen yig ituk wilil, “Hat hebe nabi ap Allah ahurumbik yig isarukon-at hiyihi-o, Nikni.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 9:17

Ariroho wilil, it Farisi ap etnowen ap etno fobik dahagsoho yig ituk wilil, “Hat nilanggen fenggenep nahakek ehen ari, haren At awene etno keroho yig nisamihin-o,” ulug yig ituk apagma, at etnowen yig isaruk wilil, “At ebe nabi ap Allah wene hurumbik yig isarukon-at hihi-o,” ulug yig isebag.

Kisah Para Rasul 5:5

at Ananias etno esanggo holtuk apareg, ilfulug suruk neken kweanma ying atuk wilil, arat warapag. Waratuk apagma, it nin obog inesanggo holtuk apareg, inakol apag.

Kisah Para Rasul 7:37

Epmano weregma, at Musa etnowen it Israel ap yig isaruk wilil, ‘At Hinikni Allahen an lahap nabik wapag etno hag, at hiron hinili warukon misig belap hisa waruhu-o,’ ulug yig isebag.

Galatia 1:24

iren an farim At Allah inuk suontepfurusa-o.