Lukas 6:21 - Allah Wene Hurumbik Keron

²¹ Eke hit kidia orom obok haruk ahebon halug, wa. Hinahumsoho nawag ulug og hisahu-o. Eke hit kidia ioba yatuk ahebon halug, wa. Hinahien haruk wilil, unda yatuk amuhup-o.

Lukas 6:21 Iomraidhean Croise

Matius 5:4

Eke hit hinindi dag atuk ahebon halug, wa. Hinindi fano hinabuhu-o.

Matius 5:6

Eke hit At Allahen yig nisarukon etno-at suk ninindi-o ulug hinahla buruk ahebon halug, wa. At Allahen ilitoho-at og hisahu-o.

Lukas 1:53

Ariroho suruk wilil, eke it orom obok angge harukon halug, yi angge di angge fanowon og iseheg, eke it inaharek anggolo werehon halug og isao sohorep isalug, wilip iseheg suruk-o.

Lukas 6:20

Eke fobik At Yesusen omini epmano yet isaruk apareg, yig isaruk wilil, “Hit kidia hinaharek elehon halug, wa. At Allah weregmen hiren angge ulug og hisahu-o.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Lukas 6:25

Eke hit kidia hinaharom anggolo werehon halug, fobik obok hahup ari, hinabua-o. Eke hit kidia inahunda yatuk ahebon halug, yiyi uruk wilil, ioba yatuk amuhup ari, hinabua-o.

Yohanes 11:35

Yig ituk apagma, At Yesus ioba yapag.

Yohanes 4:10

Yig ituk apagma, At Yesusen yig ituk wilil, “An nebe At Allahen belap nabik waharision etnowen ik naminen honang nimin ulug yig hirihion etno haren An nebe ap du at ulug hiluk welatlenmen, haren An nambeg ariroho kino yig nitlenma, Anden ik ilukon etno og hetle-o,” ulug yig epag.

Yohanes 6:35

Yig ituk apagma, At Yesusen yig isaruk wilil, “Orom roti ebe iniluk inaptukon ari An nebe at-o. Ari halug, it aphe obog An nambeg watlug nobam ebetukon epmano ik inim, orom roti inim obok hahup fug-o,” ulug yig isebag.

1 Korintus 4:11

Eke kidia orom inim, ik inim obok haruk ahe-o. Eke ninasum libilihon-at wantaruk ahe-o. Eke ninebe yikangge waroko o misig ninombisahik laheg surukmu, ninibam faleg eleg-at welahe-o.

2 Korintus 11:27

Eke an nebe yabuk angginon sat anggolo seheg, eke an nohukon etno sohorep isalug welaheg, eke naharom nahik obok heheg, hunik-at welaheg, eke nibam nowatke elegma sohik heheg, eke nasum elehen dahon-at wantoho neabie neken-at sil nuruk atikik-o.

2 Korintus 12:10

Eke ari halug, anden At Kristus inuk fam yi seheg di seheg suruk nealug, noag elehepfeheg, eke inune dahon nobam embeheg, eke yi angge di angge obok welamag ulug elegsoho nombahakeg, eke nebe muko wilip nahakeg, eke yi angge di angge dahon nobam nombahakeg suruk isalug, nahientoho-at welahi-o. Eke an nebe noag eleg nealug, noag werehep naharuk-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Wahyu 21:3

Nilanggen harikikseg weregma, une suon misig At horie uruk ambehen urukmu holtikik-o. Holtikikseg weregma, une etno­wen uruk wilil, “At Allah ibam aphe inanggelegma epmano ambehekseg fam, it inim inibam misig-at neken welamuhup-o. At udaki-at welamuhup-o. At Allah ebe it inim wilil, it Inikni-at welaruhu-o.

Wahyu 7:16

Inili waruk weregma, ik obok heheg, orom obok heheg, eke mo olok heheg, hondok olok heheg suruk amuhup fug-o.