Lukas 6:13 - Allah Wene Hurumbik Keron

¹³ O witaruk apagma, Aren omini epmano wol isaruk apareg, inebe dua belas epmano fuloko imbisebag. Fuloko imbisaruk apareg, it inebe ap mondep isebahon ulug minduhup isebag.

Lukas 6:13 Iomraidhean Croise

Matius 10:2

it ap wol isebahon epmano ini­nuk Simon, inuk misig Petrus soalfahon etno inim, at ot Andreas etno inim, at Zebedeus udaki Yakobus, ot Yohanes etano inim,

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 9:36

Sil nuruk wilil, it aphe obog wonggalik wapahon epmano ilanggen isaruk apareg, At etno ahla buruk wilil, “It aphe epmano wam domba aso werehon etno eleg neken wilil, inindi dag atuk atusareg, inoag eleg-at wereg isihi-o,” ulug ahla buruk apareg, ahmu isaruk wilil,

Markus 6:30

Eke fobik At Yesusen omini mondep isebahon epmano iniog suhuluk ambeg waharuk apareg, yig ituk wilil, “Nit ariroho yanggul iseheg, eke ariroho fano inabeheg sil nuruk atukuk-o,” ulug olmadiloko yig irik wapag.

Markus 6:7

Eke fobik At Yesusen omini dua belas epmano yig isaruk wilil, “Hit An nambeg wonggalik maniek-o,” ulug yig isaruk apagma, wonggalik wapag. Wonggalik waharuk apagma, At etnowen inebe biren biren dombog heheg lahap isaruk wilil, setan aphe inindimu weregma, lisoko wilip inabukag ulug oag werehon etno og isebag.

Lukas 11:49

Eke At Allah yi angge di angge obog ilukon etnowen amuk yig isaruk wilil,

Lukas 22:30

An Hinowe suon nibamen esoho etno ninim naruk amuhuk-o. Naruk amuhukseg, it Israel aphe inungguluag dua belas epmano inaren balukag ulug minduhup hisahakuk-o,” ulug yig isebag.

Lukas 6:14

Minduhup isebahon ari, misig inuk Simon, fobik inuk Petrus soalfahon etno inim, eke at ot Andreas etno inim, Yohanes inim, Yakobus inim, Filipus inim, Bartolomeus inim,

Yohanes 4:33

Yig isaruk apagma, it At omini epmanowen irit uruk wilil, “Ari halug, it ap werlekonen nin og irik wahesama uruk ano?” ulug yig ituk apagma,

Kisah Para Rasul 1:13

Amburuk apareg, it wereg ambeg inibam umbo epmano lahabag. Lahabareg weregma, it Petrus, Yakobus inim, eke it Yohanes, Andreas inim, eke it Filipus, Tomas inim, eke it Bartolomeus, Matius inim, eke it Alfeus amloho Yakobus, Simon inuk misig Zelotes etano inim, eke at Yakobus ot Yudas etno inim obog dambuksoho welapag.

Efesus 2:20

eke it Allah wene yig isil lawag ulug mondep isebahon epmano inimen o andorli neken oag weregsoho embebag etno fam, At Kristus Yesus ebe-at o wut oag neken wereg heheg, hit epmano o hobat neken hinombisaharisi-o.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

Wahyu 12:1

Eke fobik boholmen sukfugangge surukmu nil harikik-o. Nil harikikseg weregma, at hwe misig, asum mo neken wanteheg eke iog bikalem fam embeheg, eke soholoal dua belasen angge unggu­lasum neken wanteheg surukmu nilanggen harikik-o.

Wahyu 18:20

Ariroho uruk atuson oke, eke hat bohol inim, hit At Allah udaki inim, eke hit mondep hisahabahon etno inim, eke hit nabi ap Allah wene yig isaruk ahebon etno inim, hit obog hinahien haruk amiek-o. Eke o Babel etno mialtuk wi­lil, “aren dahon hinobam hinombisaharision etno onggo At Allahen oag deloko dahon etno obam embehek-o. Ari halug, hit hinahien haruk amiek-o,” ulug uruk atusa-o.

Wahyu 21:14

Ariroho baleg weregma, o etno andorli helep dua bela­sen angge etno fam it At Wam Domba Udag etnowen omini mondep isebahon epmano ini­nuk dua belas holal baleg weregma harikik-o.