Lukas 5:22 - Allah Wene Hurumbik Keron

²² Ulug ariroho inahla buruk weregma, At Yesus etnowen ilanggen isaruk apareg, yig isaruk wilil, “Hit keroho ulug ariroho hinahla buruk ahep-o?

Lukas 5:22 Iomraidhean Croise

Matius 12:15

Iren wabuhuk ulug ebahon etno At Yesus esanggo holtuk apareg, o etno sohorep isalug, o misig lebag. Laruk apagma, it aphe anggolo-at mutlug lebag. Mutlug laruk apagma, it aphe uk warehon epmano obog-at fano inapag.

Matius 12:25

Yig isaruk apagma, it inahla burukon epmano At Yesus iluk wilil, yig isaruk apag, “Ap o ahik misihon it minggiroko wilil umayirluk aptuk isa­lug, inoag eleg aruhu-o. Eke ap ungguluag misihon it minggi­roko wilil umayirluk aptuk amuhup etno fam, mondog healeg welamu­hup-o.

Matius 9:4

Ariroho uruk weregma, At Yesus etnowen enggag isaruk apareg, yig isaruk wilil, “Hit keroho ulug wene dahon etno hinahla buruk ahep-o?

Markus 8:17

ulug uruk apagma, At Yesus etno enggag isaruk apareg, yig isaruk wilil, “Hit orom roti ninapeleg ahe uruk ahep du, keroho ulug uruk ahep-o? Ariroho uruk ahep ari, Anden suruk ahion etno hinahla buruk eleg wilil uruk ahep ano? Eke Anden yig hisarikikon etno weheg eleg wilil uruk ahep ano? Eke hinindi hinapeleg neken wilil uruk ahep ano?

Lukas 24:38

Inahla buruk apagma, At etnowen yig isaruk wilil, “Hit hinakolen suruk wilil, ariroho hinindimu ebetuk ahep ari, keroho ulug ebetuk ahep-o?

Lukas 5:21

it ap wene holal baleg unde epmano inim, it Farisi ap epmano inimen uruk wilil, “At ap Allah abug baltuk du sa-o? Nit dag suruk atukukon epmano At Allahen-at sohorep isalug ninobam ninapelegsoho apma ninombisaharukon oke, it apheyen inapma ninombisahuk ari fano behep?” ulug inahla bebag.

Lukas 5:23

Eke ap inggik iog oag elehon du, ‘Hat dag sirikinon epmano sohorep isalug hobam hapelegsoho napma hombahaki-o,’ ulug ariroho yig irik ano, eke ‘Hat minatlug lag-o,’ ulug ariroho yig irik ano? Iek da!

Kisah Para Rasul 5:3

Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.

Ibrani 4:12

Eke At Allahen wene ebahon etnowen niniluk ninaptuk wilil, oag weregsoho-at suruk-o. Eke karog enggat femag femag werehon etno enggat wereg-at oke, eke At Allah wene etno hag, mondog enggat werehon-at wilil, aphe inindi fam inim, inomanggen fam inim, inoag abohe fam inim, kuruk-o. Ariroho kuruk wilil, it apheyen du nindi ulug inahla burukon etno inim, eke inindi ebetukon etno inim obog-at selegmaroho bukaloko oag deltuk-o.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.