Lukas 5:21 - Allah Wene Hurumbik Keron

²¹ it ap wene holal baleg unde epmano inim, it Farisi ap epmano inimen uruk wilil, “At ap Allah abug baltuk du sa-o? Nit dag suruk atukukon epmano At Allahen-at sohorep isalug ninobam ninapelegsoho apma ninombisaharukon oke, it apheyen inapma ninombisahuk ari fano behep?” ulug inahla bebag.

Lukas 5:21 Iomraidhean Croise

Matius 26:65

Yig isaruk apagma, at ap Allah unde inowe suon etno asum libil saruk apareg, yig isaruk wilil, “Ap duen Allah inuk seberoho umburuk-o. Nit keroho ulug fobik inim hinog wuk uruk ahe-o? Aren Allah abug balehekon hit duma hinesanggo holehepseg, nongge hinindi ebetuk ahep-o?” ulug yig isaruk apagma,

Matius 9:3

it wene baleg unde epmano ninen irit uruk wilil, “At ap duen Allah abug baltuk-o,” ulug ebag.

Lukas 3:8

Hit aphe inindi wereg atuson ilitoho, eke dag ebetuk atukukon epmano sohorep isarukuk ulug bukal amagsoho, suruk amiek-o. Hiren at Abraham ninikni wereg-o ulug uk fug-o. At Allahen helep du famen Abraham udaki endag inabukon iluk-o.

Lukas 5:17

Eke fobik o misihim it Farisi ap nin inim, eke it ap wene holal baleg unde epmano nin inim o Galilea, o Yudea, o Yerusalem o ahik ya da epmanowen obog-at waharuk apareg, At Yesus ambeg wapag, wapareg weregma, Aren wene yanggul isaruk apag. Yanggul isaruk weregma, At Yesusen aphe uk warehon fano inabukag ulug At Allahen oag werehon etno og ituk apag.

Lukas 5:22

Ulug ariroho inahla buruk weregma, At Yesus etnowen ilanggen isaruk apareg, yig isaruk wilil, “Hit keroho ulug ariroho hinahla buruk ahep-o?

Lukas 7:49

Yig ituk apagma, it inim orom naruk apahon epmanowen inune fog fog uruk wilil, “Ap duen dag surukon apma hombahakek ulug uruk du sa-o?” ulug uruk apagma,

Yohanes 10:33

Yig isaruk apagma, eke it Yahudi ap epmanowen yig ituk wilil, “Hat alem fanowon misig sirikinmu, helep fam howabuog ulug suruk ahe fug-o. At Allah inuk seberepfuruk ahen fam howabuog ulug suruk ahe-o. Eke Hat hebe ap ilitoho-at oke, Haren An Allah ilitoho-at welahi ulug uruk ahen-o,” ulug yig epag.

Roma 8:33

Eke Allah udaki imig inapahon epmano inobam at sen une dahon yig isahu-o? It alem dahon inobam werehon epmano hag At Allahen-at elehep isaruk-o.