Lukas 4:7 - Allah Wene Hurumbik Keron

⁷ Eke Hat hindibahal yungguksoho napma kunuk ulug heahi war naptuk healug, Hat-at og hipmin-o,” ulug yig epag.

Lukas 4:7 Iomraidhean Croise

Matius 2:11

Inahien anggolo haruk apareg, uma etno kebag. Kuruk apareg, udag etno isina Maria inim we­regma, haruk apa­reg, heahi watuk wilil kunuk ulug obam sem­ba­hyang ebag. Sembahy­ang uruk apareg, emas, mur, kemenyan amben fanowon walug wapahon epmano honang­goko og epag.

Lukas 17:16

Suhuluk waharuk apareg, At Yesus ambeg wapag, waharuk apareg kunuksoho horie epag. Horie uruk apareg, wa ulug yig epag.

Lukas 4:6

Hat yi angge di angge inaharek obog unug hirihion epmano og hipmin-o. Yi angge di angge obog an-at og nepareg fam, anden ap misig fuloko imbihion etno og ipmin-o.

Lukas 4:8

Yig ituk apagma, eke At Yesus etnowen yig ituk wilil, “Hinikni Allah-at obam sembahyang uruk wilil, At akeleg-at anduananggeroho welam fano, ulug wene baleg ari wereg halug, hat iblis hebe lag-o,” ulug yig epag.

Lukas 8:28

Epmano wilil, At Yesus etno ilanggen haruk apareg, uruk wilil ut wanduksoho Yesus ambeg etano ying atuk apareg, une suon yig ituk wilil, “Hat Yesus Allah boholmon Amloho wai. Hat keroho dag seko nombahiog ulug buruk ahen-o? Haren an nowabuk nowen ulug yig hirihi-o,” ulug yig epag.

Wahyu 22:8

Ariroho uruk atisimu, eke an Yohanes etno yi angge di angge suhuon obog nilanggen haruk wilil, niluk atisi-o. Arat niluk atisireg, at malaikat yanggul nitision etno obam sembahyang iug ulug nut kunuk irikik-o.

Wahyu 4:10

it penatua inebe dua puluh empat epmanowen At horie uruk ambeg werehon etno olohotma inolohore wanduksoho ying atuk wilil, At itog mondog wereg etno inuk suontepfurusa-o. Suontepfuruk wilil, it inunggulasum etno At horie uruk ambeg etano olohot fil koroko umburusa-o.

Wahyu 5:8

At Wam Domba Udag etnowen hola­ruk atisimu, it inebe empat iniluk werehon epmano inim, eke it penatua inebe dua puluh empat epmano inim At Wam Domba Udag etno ambeg inindibahal yungguksoho horie uruk wilil, binggon inuk kecapi etno inim, eke At Allah udakien sembahyang urukon epmano ilitoho ulug ik oag emas fam sehon etno inim ininggikmu senetu­sa-o.