Lukas 4:43 - Allah Wene Hurumbik Keron

⁴³ At Yesusen yig isaruk wilil, “At Allah weregmen sukon wene fano wene etno o ahik ya da yig isawag ulug At Allahen lahap nabik wapareg fam, o epma lahuk-o,” ulug yig isaruk apareg,

Lukas 4:43 Iomraidhean Croise

Matius 4:23

Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

Markus 1:35

Eke fobik nohoruk apareg, o witiog ulug ahla healtuk heheg, iluk atlug wilip atuk apareg, o aphe eleg ambeg epmanowen sembahyang ik lebag.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Yohanes 9:4

Eke kidia o ilingge neken wereg halug, At lahap nabik waharision etno eyabuk-at suruk amuk-o. Eke fobik o hubanggo neken atuk aruhumu, it apheyen yabuk suk mondog hai aruhu-o.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.