Lukas 4:41 - Allah Wene Hurumbik Keron

⁴¹ Eke it nin setan inindimu werehon epmano wilip atuk apareg, inune suon yig ituk wilil, “Hat hebe Allah Amloho-At heyehe-o,” ulug yig ituk apagma, iren, “At Yesus ari Kristus At-o,” uk nowen ulug winimug yig isebag.

Lukas 4:41 Iomraidhean Croise

Matius 26:63

At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Matius 4:3

Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Matius 8:16

Ariroho weregma, eke fobik hupmu mo amburuk heheg, it aphe ninen inomini setan inindimu werehon epmano At Yesus ambeg imbisa wapag. Imbisa waharuk apagma, At Yesusen setan etno inenggali watuk apareg lisoko wilip iseheg, eke it yi uk di uk warehon halug fano inabeheg suruk apag.

Matius 8:29

Eke it etno At Yesus inune suon yig ituk wilil, “Hat Allah Amloho wai, keroho seko ninombisahiog ulug wahen-o? War ninabuk sambit etno awan waharuk eleg heheg, war ninabiog ulug wahen ano?” ulug yig epag.

Matius 8:4

Eleg atuk apagma, At Yesusen yig ituk wilil, “Aphe nin yig isa fug-o. At Allah unde misig etnowen-at heawag ulug lag-o. Eke at Musaen ebag etno ilitoho, it aphe epma inahla bukag ulug, hat fano ahe­non arien At Allah ake imbik lag-o,” ulug yig epag.

Markus 1:25

At Yesus etnowen winimug yig ituk wilil, “Hune eleg amin-o. Eke hat setan ap du indimu welahenon etno wilip amin-o,”

Markus 1:32

Og isaruk apagma, hupmu mo amburuk heheg, it aphe ninen it uk warehon inim, eke it setan inindimu werehon epmano inim og inaplug, At ambeg imbisa wapag.

Markus 1:34

Balu sik waharuk apagma, it aphe uk yion dion inobam werehon epmano obog-at fano inabeheg, eke it aphe setan inindimu werehon epmano lisoko wilip iseheg sebag. Ariroho suruk wilil, it setan epmanowen At Yesus ebe iniluk welapareg fam, At Yesus etnowen yig isaruk wilil, “Hit hinune bok amiek-o,” ulug yig isaruk apagma, inune eleg-at welapag.

Markus 3:11

Horogsoho laruk apagma, it setan inindimu kebahon epmanowen At Yesus inilanggen halug, seberoho yin atuk apareg, uruk wilil, “Hat hebe At Allah Amloho at-o,” ulug inune ariroho-at yig epag.

Lukas 4:39

Yig ituk apagma, at hwe etno uk wareg wilil nohorukmu, At Yesus etno ambeg kuruk apareg, uk salo elekelek surukon etno winimug yig epag. Yig ituk apagma, uk etno eleg apag. Eleg atuk apagma, at hwe etno minatuk apareg, inaso welapag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yakobus 2:19

Eke hit hag, “Ninikni Allah misig-at wereg-o,” ulug hinindimu ebetuk ahep ari fano at-o; eke hiren ebetuk ahep ari hag, it iblis epmanowen inindi ariroho-at ebetuk wilil, mondog inakolen suruk-o.