Lukas 4:40 - Allah Wene Hurumbik Keron

⁴⁰ Ariroho weregma, eke fobik o hupmu, mo amburuk heheg, it obohen inomini uk warehon epmano At Yesus ambeg imbisa lebag. Imbisa laruk apagma, At Yesusen inggik inobam sen isaruk apareg, it obog fano inapag.

Lukas 4:40 Iomraidhean Croise

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 14:13

At Yesus etno yig irik laruk apagma, esanggo holtuk apareg, o epmano sohorep isalug, akeleg-at so fam o misig aphe eleg ambeg lebag. Laruk apagma, it aphe obog inesanggo holtuk apareg, inibam epmano sohorep isalug, kwalema At Yesus mutlug lebag.

Markus 3:10

Yig isaruk apareg, eke Aren it aphe nin arat fano inaptuk apagma, it uk warehon nin epmanowen Yesus ininggik sen huog ulug aphe nin heal iseheg horogsoho lebag.

Markus 5:23

“Yesus wai, an nahaloho uk wareg wilil wararikon-o. Ari halug iluk amagsoho Haren ungguluag hinggik seneg wilil fano simihinen ma-o,” ulug yig ituk mondog-at werehen inim lebag.

Markus 6:5

Yig isaruk apareg, o epmen Aren sukfuganggeroho sukon etno hai atuken sohorep isawon oke, ap misig misig uk waregma, inggik senep isalug, fano inaptuk apag.

Kisah Para Rasul 19:12

Ariroho surukmu, at Paulusen ilisag ho surukon etno it apheyen waruk atusareg, it aphe uk warehon epmano inobam umburusa. Umburuk atusama, uk warehon epmano fano aheg, eke setan inindimu werehon wilip aheg suruk atusa.

Kisah Para Rasul 5:15

Dambulik waharuk apagma, it mondep isebahon epmanowen fano inaptuk apag. Fano inaptukmu, it aphe uk warehon epmano og inaplug at Petrus akumag fam sangguntep isalug fano inabukag ulug e belaroho kwalema imbisa laruk apag.