Lukas 4:34 - Allah Wene Hurumbik Keron

³⁴ une suon uruk apag, “Yesus Nazaret ap du wai. Keroho seko ninombisahiog ulug wahen-o? Hat ninusiog ulug wahen ano? Eke Hat At Allah Amloho dag suruk ahen fuhon etno-at hiyihi-o. Hat hebe an niluk-o” ulug yig ituk apagma,

Lukas 4:34 Iomraidhean Croise

Matius 8:29

Eke it etno At Yesus inune suon yig ituk wilil, “Hat Allah Amloho wai, keroho seko ninombisahiog ulug wahen-o? War ninabuk sambit etno awan waharuk eleg heheg, war ninabiog ulug wahen ano?” ulug yig epag.

Markus 1:24

une suon uruk wilil, “Yesus, Nazaret ap du wai. Hat keroho siog ulug wahen-o? Hat ninusiog ulug wahen ano?” ulug yig ituk apareg, eke fobik yig ituk wilil, “Hat hebe At Allah Amloho fano mondog suruk ahenon hiyihi-o. Eke Hat hebe etno an niluk-o,” ulug yig ituk apagma,

Markus 1:34

Balu sik waharuk apagma, it aphe uk yion dion inobam werehon epmano obog-at fano inabeheg, eke it aphe setan inindimu werehon epmano lisoko wilip iseheg sebag. Ariroho suruk wilil, it setan epmanowen At Yesus ebe iniluk welapareg fam, At Yesus etnowen yig isaruk wilil, “Hit hinune bok amiek-o,” ulug yig isaruk apagma, inune eleg-at welapag.

Markus 5:7

Heahi watuk apareg, une suon yig ituk wilil, “Hat Yesus Allah boholmon Amloho wai. An keroho seko nombahiog ulug wahen-o? Haren an nowabuk nowen ulug At Allah inuk fam yig hirihi-o,” ulug yig epag.

Lukas 1:35

at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Lukas 4:33

Fog suruk apareg weregma, eke at ap setan indimu kebahon etno it sembahyang uruk ambeg epma wilil,

Lukas 4:41

Eke it nin setan inindimu werehon epmano wilip atuk apareg, inune suon yig ituk wilil, “Hat hebe Allah Amloho-At heyehe-o,” ulug yig ituk apagma, iren, “At Yesus ari Kristus At-o,” uk nowen ulug winimug yig isebag.

Lukas 8:28

Epmano wilil, At Yesus etno ilanggen haruk apareg, uruk wilil ut wanduksoho Yesus ambeg etano ying atuk apareg, une suon yig ituk wilil, “Hat Yesus Allah boholmon Amloho wai. Hat keroho dag seko nombahiog ulug buruk ahen-o? Haren an nowabuk nowen ulug yig hirihi-o,” ulug yig epag.

Lukas 8:37

Yig isaruk apagma, it aphe o Gerasa o ahik ya da obog epmano inakol anggolo haruk apareg, At Yesus etno yig ituk wilil, “Hat nit ninibam duma sohorep isalug lamihin-o,” ulug yig epag. Yig ituk apagma, At Yesus etno so fam ikma epmano kuruk apareg, sohorep isalug lebag.

Kisah Para Rasul 16:39

Inakol haruk wilil, it Paulus Silas inambeg laruk atusareg, yig isaruk wilil, “Hit war hinabuk sohorep isawim, nit dag surukukseg fam kidia fanoroho wilip amiek-o,” ulug yig isaruk atusama,

Kisah Para Rasul 3:14

Eke At ebe obabut mondog fanowon etno at niron eleg ulug uruk atikipseg, at Pilatus yig ituk wilil, ‘At ap watukon etno At Yesus ubulukmu hele hibiloko og nisimin-o,’ ulug yig ituk atikipseg,

Kisah Para Rasul 4:27

it Herodes, Pontius Pilatus inim, it hawene waruk elehon epmano inim, eke it Israel ap inim, it obog dambuksoho wilil, At hanggimbu Yesus Kristus minduhupfirikinon etno watusa-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

Yakobus 2:19

Eke hit hag, “Ninikni Allah misig-at wereg-o,” ulug hinindimu ebetuk ahep ari fano at-o; eke hiren ebetuk ahep ari hag, it iblis epmanowen inindi ariroho-at ebetuk wilil, mondog inakolen suruk-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

Wahyu 20:2

Ariroho nilang­gen harikikseg weregma, eke fobik at malaikat etnowen walo amukon inuk misig Iblis, eke inuk misig Setan soalehon etno ebe inggik senetuk atisireg, seribu tahun welamag ulug hele waroko imbirisi-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.