Lukas 4:23 - Allah Wene Hurumbik Keron

²³ Aren yig isaruk wilil, “Hiren An yig nitlihibon epmano An niluk-o. Eke ‘Hat hebe ap uson-at halug, honggarehen-at fano simin,’ yig nitlihip-o. Eke misig ‘O Kapernaumen surukmu nit ninesanggo holtukukon epmano ilitoho, o Hat hebe endag atikin ambeg dumen simihin,’ ulug yig nitlihip-o, ulug An kidia yig hisaruk ahi.

Lukas 4:23 Iomraidhean Croise

Matius 13:54

Waharuk apareg, o Allah wene uruk ambeg etno kuruk apareg, wene yangguloko yig isebag. Yig isaruk heheg, it aphe inesanggo holtuk apareg, fog suruk wilil, “Ap du wene indi enggatoho uruk ari, wene nonggeon warisireg uruk-o? Eke sukfuganggeroho suruk du, keroho suruk-o?

Matius 4:13

Waharuk apareg, o Nazaret etnowen wilip atlug, o Zebulon Naftali ho­rog-at o Kapernaum epmano welapag.

Matius 4:23

Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

Markus 6:1

Eke fobik o epmano sohorep isalug, At isina welapag ambeg etno waharuk wilil, it At omini epmano inim wapag.

Lukas 2:39

Eke fobik At Allahen wene duroho suruk amuk eke duroho suruk am fug ulug ebahon etno ilitoho suruk apareg, inibam o Nazaret etno wamuog ulug suhuluk o Galilea wapag.

Lukas 2:51

Ariroho weregma, fobik At Yesus etno inim o Nazaret suhuluk waharuk apareg, ikni isina etanowen inune yig itukmu esanggo holtuk apag. Esanggo holtukmu yi angge di angge sebahon epmano obog-at isinen indimu ebetuk apag.

Lukas 4:16

Eke fobik, At Yesus etno o Nazaret endag apag ambeg etno waharuk apareg, o hari Sabat it Yahudi ap sembahyang uruk fam, it o Allah wene uruk ambeg epmano kebag.

Lukas 4:31

Eke fobik, At Yesus etno o Galilea o Kapernaum etno laruk apareg, o hari Sabat fam it aphe epmano wene yanggul isebag.

Lukas 4:35

At Yesus etnowen setan etno winimug yig ituk wilil, “Hune eleg-o. Hat setan wilip amin-o,” ulug yig ituk apagma, at setan etnowen ap etno it obog inolohotmen yinggipfuruk apareg, fobik dahon etno obam umbulug eleg-at wilip apag.

Lukas 6:42

Eke, hat hilanggen e asenggep suon weregma hilanggen halug eleg-at homin etno yig ituk wilil, ‘Nomin wai, hilanggenma e asenggep ari wilipminen bok amin-o,’ ulug keroho yig um-o? Henggal-at uruk ahenon du, bilin e asenggep suon hat hilanggenma etno wilipfulug, fobik e asenggep homin ilanggenma werehon etno wilipfik ulug wal hahun-o,” ulug At Yesusen yig isebag.

Yohanes 4:28

Ariroho weregma, at hwe etnowen at ahik oag etno sohorep isalug, iog suhuluk ibam laruk apareg, it aphe epmano yig isaruk wilil,

2 Korintus 5:16

Eke ari halug, it aphe kweanmon epmanowen aphe inolohotma inaren baltukon etno arat sohorep isarukuk-o. Eke nit bilin At Kristus olohotma aren baltukukon oke, ariroho suruk atukukon epmano arat sohorep isarukuk-o.