Lukas 4:22 - Allah Wene Hurumbik Keron

²² it epmanowen, “Wi, ap du wene fano yig nisaruk-o,” ulug fog suruk apag. Fog suruk apareg, uruk wilil, “Ap du Yusuf amloho-at ano?” ulug uruk apagma,

Lukas 4:22 Iomraidhean Croise

Lukas 2:47

Heaharuk apareg weregma, At Yesus etno indimu iluk wilil wene onggo yig isarukmu, it aphe obog epmanowen wi ulug fog suruk apag.

Lukas 2:48

Fog surukmu, At ikni isina etano inilanggen haruk apareg, inakol hebag. Inakol haruk apareg, At isina etnowen yig ituk wilil, “Namloho-o, Hat keroho ulug ariroho suruk ahen-o? Nit hikni hisina kema aha ulug ninindi angginen heag habil lahereg wahe-o,” ulug yig ituk apagma,

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

Lukas 4:21

Wane suruk apareg, Aren yig isaruk wilil, “Holal fam hurumbik yig hisihion etno kidia hinil fam demat seg aha-o,” ulug yig isaruk apagma,

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Yohanes 6:42

“Ap du at Yusuf amloho Yesus etno-at haruk ahe-o. Eke At ikni isina etano nit niniluk oke, Aren An boholmen ambik waharikik uruk du keroho ulug uruk-o?” ulug uruk apagma,

Yohanes 7:46

it inosi etnowen yig isaruk wilil, “Ap duma misig At ap arien uruk etno hag urukmu haruk atukuk fug-o,” ulug yig isebag.

Kisah Para Rasul 6:10

Winimug aptuk apagma, at Stefanus etno Roh Kudus indimu kebareg yig itukmu, aren wene fanowon-at yig isaruk apag. Yig isaruk apagma, iren wene onggo keroho uk ulug inenggali apag.

Titus 2:8

It ap hune ninambit-o ulug inahla burukon etnowen wene dahon selegma umbulug at seberepfu­huk-o ulug inahla buruk iseheg, it inenggali hawag ulug wene fano­won henggali war habuk fuhon etno-at yig isaruk amin-o.