Lukas 4:18 - Allah Wene Hurumbik Keron

¹⁸ “An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Lukas 4:18 Iomraidhean Croise

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 12:18

“At Allahen An nanggimbu heako imbirikikon etno ebe du at-o. At An ninim hunduhuk wilil, nahien hihi-o. Eke An nahurangge obam belabik waharuk aruhukmu, it yi aphe di aphe obog At Allahen hinaren baltuk aruhu ulug yig isahu-o.

Matius 12:20

Aren it aphe findi korlorohon neken werehon epmano mondog yombuk suhu fug-o, eke it aphe hondok ambulpul dorat laharukon neken werehon epmano nangguk suhu fug-o. Eke fano surukon etno su amag ulug eyabuk etno suruk aruhumu, it yi aphe di aphe obohen,

Matius 4:16

it aphe inung­guluag dombog o hikmu horieg welapa­hon ari, fobik yangguk suon haru­sa-o. It aphe waratuk ambeg sanggunmu werehon epma­no selegma atisi-o,” ulug holal embe­bag.

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Lukas 4:17

Kuruk apareg, Alkitab wane siog ulug minatuk apagma, iren wene bilin at nabi Yesayaen holal embebahon etno og epag. Og ituk apagma, hibil haruk apareg, wene yig isawon etno wane suruk apareg yig isebag,

Lukas 6:20

Eke fobik At Yesusen omini epmano yet isaruk apareg, yig isaruk wilil, “Hit kidia hinaharek elehon halug, wa. At Allah weregmen hiren angge ulug og hisahu-o.

Lukas 7:22

it Yohanes omini lahap isebahon epmano yig isaruk wilil, “Hit suhuluk lalihipseg, hinilanggen hehebon inim, eke hinesanggo holehebon inim at Yohanes yig irik lalihipseg, inilanggen buhon fenggen atukon inim, eke iniog inoag elehon fano atukon inim, eke it honanggorehon elehap inaptukon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isarukon inim obog-at fano suruk hehe-o, ulug at Yohanes yig irik lalihip-o.

Yohanes 1:41

Ariroho wilil, at Andreas etnowen ot Simon etno haruk apareg, yig ituk wilil, “Nit At Kristus ahurumbik yig nisebahon ebe ari At hehe-o,” ulug yig ituk apareg, at Simon etno Yesus ambeg imbik lebag.

Yohanes 12:46

Eke it yi aphe di aphe obog An nobam ebetukon epmano o hikmu neken welam nowen ulug An o seleg o kweanma duma waharikik-o.

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kisah Para Rasul 4:26

Eke it kweanmon inowesi suon suon inim, eke it inanggimbu inim, it obohen keroho ulug At Allah Amloho Kristus etno inim inusuog ulug suruk-o?’ ulug at Dauden hurumbik ebag etno hag,

Kisah Para Rasul 4:27

it Herodes, Pontius Pilatus inim, it hawene waruk elehon epmano inim, eke it Israel ap inim, it obog dambuksoho wilil, At hanggimbu Yesus Kristus minduhupfirikinon etno watusa-o.

Kolose 1:13

Eke o hik oag weregsoho wereg ambeg epmanowen wilip nisahik wapareg, At Amloho wereg ambeg epmano ninili oko kolap ninaptisi-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.