Lukas 4:16 - Allah Wene Hurumbik Keron

¹⁶ Eke fobik, At Yesus etno o Nazaret endag apag ambeg etno waharuk apareg, o hari Sabat it Yahudi ap sembahyang uruk fam, it o Allah wene uruk ambeg epmano kebag.

Lukas 4:16 Iomraidhean Croise

Matius 2:23

Laruk apa­reg, o inuk Nazaret etno welapag. Epmano we­regma, At Yesus inuk Nazareton at-o, ulug bilin it nabi aben holal embe­bahon etno ari demat hehe-o, ulug inahla buruk apag.

Lukas 2:39

Eke fobik At Allahen wene duroho suruk amuk eke duroho suruk am fug ulug ebahon etno ilitoho suruk apareg, inibam o Nazaret etno wamuog ulug suhuluk o Galilea wapag.

Lukas 2:42

fobik At Yesus etno dua belas tahun welapareg, nuog ulug inim lebag. Laruk apareg, esoho etno inim nebag.

Lukas 2:51

Ariroho weregma, fobik At Yesus etno inim o Nazaret suhuluk waharuk apareg, ikni isina etanowen inune yig itukmu esanggo holtuk apag. Esanggo holtukmu yi angge di angge sebahon epmano obog-at isinen indimu ebetuk apag.

Lukas 4:15

Ariroho uruk apareg weregma, At Yesus etno it sembahyang uruk ambeg epmanowen wene yanggul isaruk apagma, it obohen At Yesus etno inuk suontepfebag.

Lukas 4:17

Kuruk apareg, Alkitab wane siog ulug minatuk apagma, iren wene bilin at nabi Yesayaen holal embebahon etno og epag. Og ituk apagma, hibil haruk apareg, wene yig isawon etno wane suruk apareg yig isebag,

Lukas 4:21

Wane suruk apareg, Aren yig isaruk wilil, “Holal fam hurumbik yig hisihion etno kidia hinil fam demat seg aha-o,” ulug yig isaruk apagma,

Lukas 4:23

Aren yig isaruk wilil, “Hiren An yig nitlihibon epmano An niluk-o. Eke ‘Hat hebe ap uson-at halug, honggarehen-at fano simin,’ yig nitlihip-o. Eke misig ‘O Kapernaumen surukmu nit ninesanggo holtukukon epmano ilitoho, o Hat hebe endag atikin ambeg dumen simihin,’ ulug yig nitlihip-o, ulug An kidia yig hisaruk ahi.

Yohanes 18:20

At Yesusen yig ituk wilil, “An nawene etno nintul nantul aphe obog selegma-at yig isaruk atikik-o. Ariroho yig isaruk atikik ari, o Allah wene uruk ambeg epmano inim, eke o Allah ibam it Yahudi aphe obog wonggalik waharuk ambeg epmano inim, obog-at selegmaroho yanggul isarikik-o. Ariroho yanggul isaruk wilil, Anden herako neken uruk atikik fug-o.

Kisah Para Rasul 17:2

at Paulus bilin sirisi etno hag, it o Allah wene uruk ambeg etno kirisi. Kuruk atisireg, sembahyang henahan wilil it aphe epma wene yig isarukmu, eke iren onggo yig ereheg suruk atusareg,