Lukas 4:15 - Allah Wene Hurumbik Keron

¹⁵ Ariroho uruk apareg weregma, At Yesus etno it sembahyang uruk ambeg epmanowen wene yanggul isaruk apagma, it obohen At Yesus etno inuk suontepfebag.

Lukas 4:15 Iomraidhean Croise

Matius 13:54

Waharuk apareg, o Allah wene uruk ambeg etno kuruk apareg, wene yangguloko yig isebag. Yig isaruk heheg, it aphe inesanggo holtuk apareg, fog suruk wilil, “Ap du wene indi enggatoho uruk ari, wene nonggeon warisireg uruk-o? Eke sukfuganggeroho suruk du, keroho suruk-o?

Matius 4:23

Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

Matius 9:35

Eke fobik At Yesus etno o ahik ya da o sumu dotma epmano ya keheg lebag. Laruk wilil, it o Allah wene uruk ambeg epmanowen yanggul iseheg, eke At Allah weregmen sukon wene fano wene etno yig iseheg, eke it uk warehon epmano obog-at fano inabeheg sil nuruk apag.

Matius 9:8

Ibam larukmu, it aphe epmanowen inilanggen haruk apareg, inakolen At Allah inuk suontepfuruk wilil, “At Allahen aphe inindi enggaron-at minduhup isaruk-o,” ulug At inuk-at suontepfebag.

Markus 1:27

Wilip atuk apagma, it obohen wi ulug fog suruk wilil, at misihen eheg, at misihen eheg uruk apareg, “Keroho uruk ahama wilip aha-o? Wene keron ninon-at yangguloko yig nisaruk ahareg, une oag weregsoho-at uruk ahama, at setan etno esanggo holtuk ahareg, wilip aha-o,” ulug uruk apagma,

Markus 1:39

Yig ituk apareg, o Galilea o ahik ya da it Yahudi ap wene uruk ambeg epmano o misig wene yig iseheg, it setan inindimu kebahon epmano wilip iseheg sil nuruk apag.

Markus 1:45

Lahapfuruk apagma, ambeg epmanowen wilip atuk apareg, yig isaruk wilil, “An etno arat fano nabehek-o,” ulug it aphe epmano yuhun-at weregma, yig isil lebag etno fam, At Yesus etno aphe wereg ambeg inibam o silimu epmano kebag fug. Akeleg-at o isinggama epmano weregma it aphe o ahik ya da epmanowen ambeg wonggalik wapag.

Lukas 13:10

Eke fobik o hari Sabat fam it o Allah wene uruk ambeg epmano At Yesusen wene yanggul isaruk apareg weregma, at hwe misig setan dahon indimu kebagma uk hunduhuk wilil, delapan belas tahun welapag. Ariroho wilil, inggik iog hun apagma, kunukseg mondog welapag.

Lukas 4:16

Eke fobik, At Yesus etno o Nazaret endag apag ambeg etno waharuk apareg, o hari Sabat it Yahudi ap sembahyang uruk fam, it o Allah wene uruk ambeg epmano kebag.